Lêh Sơkơ̆t păng Pơjao tơmam hơpah ăn Tơdrong pơlong chih pơcheh tơdrong hơri hơ-'nguơ̆u kơ Kuôk hô̆i păng Jơnŭm pơgơ̆r kon pơlei
Thứ sáu, 10:41, 27/06/2025 Lan chih tơblơ̆ Lan chih tơblơ̆
VOV4.Bahnar – Dôm ƀai hơri ưh hơdrô̆ tơrĕk kơjăp hăm tơdrong tơchơ̆t mă oei đei lơ tơdra hơri hăm tơdrong hơ-'nguơ̆u kơ sơnong jang đơ̆ng Kuôk hô̆i păng Jơnŭm pơgơ̆r kon pơlei lơ̆m tơdrong jang tơ-iung pơjing Jơnŭm pơgơ̆r teh đak kiơ̆ tơchơ̆t xah hô̆i chu nghia kơ Kon pơlei, kơyuơ Kon pơlei pơm tơm, pơm jang yuơ kơ Kon pơlei.

Hmach hơ-iă hăm tơdrong đei jơnei đơ̆ng 'Măng hop akŏm mă 9, Kuôk hô̆i jăl 15, kơsơ̆ măng năr 26/6, Hơnih jang tơm kơ Kuôk hô̆i hlôi pơm Lêh Sơkơ̆t păng Pơjao tơmam hơpah ăn Tơdrong pơlong chih pơcheh tơdrong hơri hơ-'nguơ̆u kơ Kuôk hô̆i păng Jơnŭm pơgơ̆r kon pơlei. Kơdră Kuôk hô̆i Trần Thanh Mẫn năm akŏm Lêh pôk hơpah. Đơ̆ng rŏng hloh 10 khei tơlĕch jang (đơ̆ng năr 27/2/2024 truh năr 10/12/2024), Jơnŭm pơgơ̆r pơlong sơng đei 672 ƀai hơri đơ̆ng jê̆ 400 bơngai chih tơdra hơri jơ̆p teh đak.

Dôm tơdra hơri jăng, akŏm ƀenh đon bơnôh pơ-ư pơ-ang păng đon lui đơ̆ng Kon pơlei hăm Kuôk hô̆i Việt Nam păng dôm bơngai jang tang măt mă kon pơlei pôk jang. Jơnŭm châ̆m hơlen hlôi rơih pôk 5 hơpah  B, 9 hơpah C, 19 hơpah pơchhơ̆p jơhngơ̆m ăn bơngai chih pơcheh.  

Lan chih tơblơ̆

Viết bình luận

TIN CÙNG CHUYÊN MỤC

Video

Gơyut ayong mơng hlâo
Mồ côi
02/07/2025
Tanh bĕ ayong dăm jŭ
20/06/2025
Đón khách
18/06/2025