Tơmang pơhiơ̆ Đăk Lăk, Lâm Đồng: kăl đei trong pơm jang 'nao vă iŏk yua mŭk drăm bri – đak dơsĭ
Thứ sáu, 14:40, 11/07/2025 Lan - Dơ̆ng chih tơblơ̆ Lan - Dơ̆ng chih tơblơ̆
VOV4.Bahnar – Đe kơdră dêh char Đăk Lăk 'nao pơm jang hăm Anih jang Joh ayŏ, Tơplŏng kơdou păng Tơmang pơhiơ̆ gah minh ƀar tơdrong tơgŭm jang, pơgơ̆r vei lăng.

Tơ̆ jơ pơm jang, ƀok Đào Mỹ, Phŏ Kơdră Anih jang vei lăng kon pơlei dêh char Đăk Lăk ră hơdah, ah mă jơnŭm jang hlôi sơđơ̆ng, anih jang athei akŏm pơgơ̆r jang vă keh đang tơdrong hơvơn asong jang tơmang pơhiơ̆ kơ dêh char. Athei jô̆ hơlen mă trŏ ƀlep, asong bơngai jang, tơdrong jang, iŏk hloi trong jang hiôk vă iŏk yua rim mŭk drăm hlôi đei kơ 2 tơring gah Hlĕch – Pơmơ̆t Đăk Lăk. 'Nguaih kơ tơdrong pơgơ̆r akŏm joh ayŏ noh athei pơm 'nao, pơjing đei tơmam drăm tơmang pơhiơ̆ 'nao vă hơvơn tơmoi truh tơmang.

Kơsơ̆ 10/7, Anih vei lăng kon pơlei dêh char Lâm Đồng đei jơ bơ̆jang hăm Anih vei lăng joh ayŏ kơ dŏ xoang, tơplŏng kơdâu păng chă tơmang lăng găh tơdrong bơ̆ jang đơ̆ng rŏng kơ tơmât hơdai. Tơdrong tơguăt 3 anih Đà Lạt – Phan Thiết – Gia Nghĩa vă hơtŏk chă tơmang lăng hlôi đei pơma truh. Tơ̆ jơ bơ̆ jang, ƀok Hồ Văn Mười, Kơdră vei lăng kon pơlei dêh char Lâm Đồng akhan, Lâm Đồng đei lơ tơdỏng ‘lơ̆ng vă atŏk tơiung joh ayŏ kơ dŏ xoang, tơplŏng kơdâu păng chă tơmang lăng. Lơ̆m noh Đà Lạt đei krao jĭ ‘Lâm Đồng rơbâu tơm pơkao’, Bình Thuận ‘nŏh jĭ ‘Lâm Đồng đak dơsĭ hlăng hlơ hlơr’, Đăk Nông ‘nŏh krao ‘Lâm Đồng bri kông’. Đĭ đăng tơdrong pran ‘lơ̆ng tih âu kăl đei tơmât hơdai mă ‘lơ̆ng ‘nŏh anih chă tơmang lăng tơ̆ tơring ‘nao gơ̆h jang tŏk pran kơjăp.

Lan - Dơ̆ng chih tơblơ̆

Viết bình luận

TIN CÙNG CHUYÊN MỤC

Video