Dang ei dêh char Gia Lai (‘nao) đei hlŏh 1.200 anih tep pơdơ̆h hăm dang 23.000 lăm, akŏm lơ tơ̆ phường Quy Nhơn (pơlei tơm Quy Nhơn so). Mă lei, rim anih tep pơdơ̆h hơnơ̆ng đei ƀĕnh bơngai tep pơdơ̆h lơ̆m dôm khei âu ki.

Kiơ̆ Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng Gia Lai, tơdrong ‘mĕh đei anih tep pơdơ̆h tŏk lơ lơ̆m pơyan he, ưh lăp đơ̆ng tơdrong chă tơmang lăng tŏk ‘lơ̆ng đĕch mă oei yoa tơdrong ‘mĕh vă tŏk lơ đơ̆ng bơngai jang truh jang, oei xa tơ̆ Anih kơdrâm kơ dêh char ‘nao dơ̆ng. Anih chă tơmang lăng tơ̆ tơring hlôi kơchăng roi tpơbăt, tơƀoih trong, dăr lăng vă veh ver tơdrong tơmoi truh lơ mă pơm ưh ‘lơ̆ng truh tơdrong pơvih pơvăn.