Hơnih Chih kơtơ̆ng ang gô pơgơ̆r, vei lăng păng pơtho tơdrong jang chih tơroi kơtơ̆ng ang, pơyua ăn vă jê̆ 1.550 ‘nu bơngai chih kơtơ̆ng ang găh hloh 200 anih jang chih kơtơ̆ng ang lơ̆m teh đak păng apŭng plĕnh teh, tơgop gĭt kăl lơ̆m jơnei atŭm đơ̆ng rim tơdrong jang tơbăt.

Kŭm lơ̆m ‘măng âu mơ̆n, Anih tơm vei lăng găh Khoa hŏk păng Kơmăy kơmŏk jang hơdai hăm Anih Tơroi tơbăt, Anih Krao hơvơn kon pơlei Trung ương păng Anih tơm vei lăng găh Joh ayŏ, Tơplŏng kơdâu păng Tơmang lăng tơlĕch ăn gĭt kăl ƀô̆ tem bưu chính “Tơbăt 80 sơnăm Quốc khánh teh đak Cộng hòa XHCN Việt Nam (1945 - 2025)”. Ƀô̆ tem ‘noh đei mẫu tem păng 1 kơsơ̆p, chhơ̆ rup Kơdră Hồ Chí Minh hăm kơmăy hle, tơƀôh ‘lơ̆ng hơiă gĭt kăl jơhnơr hơrih, joh ayŏ kơ năr gĭt kăl.