Hơlen lăng tơdrong jang hơmet ăn pơgơ̆r pơdă, Kơdră Quốc hội Trần Thanh Mẫn chih iŏk păng lăng ‘lơ̆ng tơdrong hơdrin đơ̆ng Hơnih pơvih ăn Quốc hội păng dôm anih jang ƀơm truh lơ̆m tơdrong tơlĕch jang dôm tơdrong jang hơmet ăn pơgơ̆r Pơdă.

Kơdră Quốc hội Trần Thanh Mẫn athei, Hơnih pơvih ăn Quốc hội păng dôm anih jang ƀơm truh hơnơ̆ng dăr lăng hơlen rim tơdrong jang, mă loi ‘noh jĭ tơdrong jang ƀơm truh kơmăy kơmŏk, tơgoăt, vei sơđơ̆ng ‘lơ̆ng vă Pơdă “Jơnhơr hơrih păng Tơdrong jang gĭt kăl kơ Quốc hội Việt Nam" pơgơ̆r tih, ‘nao, tơƀôh ‘lơ̆ng tơdrong jang 80 sơnăm ang hơdăh đơ̆ng Quốc hội Việt Nam - mĭnh Quốc hội tơpă kơ Kon pơlei, yua đơ̆ng kon pơlei păng yua kơ kon pơlei, tơgop tơ găl lơ̆m jơnei atŭm kơ teh đak đơ̆ng rŏng 80 sơnăm rơngei, pơm đei tơdrong ‘lơ̆ng lơ̆m jơhngơ̆m đon Kon pơlei păng bôl buăl apŭng plĕnh teh.