'Nou jĭ tơdrong yơyak jơ̆p tơring teh Việt kơyuơ Trung ương Đoan pơtơm, năm rok kiơ̆ hơbon Trường Sơn nuih mơng, kơkuh 80 sơnăm Kăch mạng Khei 8 păng Kuôk khanh năr 2/9. Tơdrong joh ayŏ akŏm lơ tơdrong vơch hăm bơngai lăng, đei NSND Nguyễn Thị Thanh Thúy, ka sih Võ Hạ Trâm, Phương Thanh, Suboi, Hồ Lê Ngân Hà atŭm hăm lơ bơngai mơlôh chih tơdra hơri akŏm pơdah. 

Dôm ƀai hơri mă đe ư ang nhen “Hò Vươn Mình”, “Made in Vietnam”, “Nhà Tôi Có Treo Một Lá Cờ” atŭm hăm dôm tơdra hơri kơ khei năr “Nối Vòng Tay Lớn”, “Cô Gái Mở Đường”, “Biết Ơn Chị Võ Thị Sáu” hlôi pơjing đei 'măng akŏm joh ayŏ nuih mơng hơ-iă 'lơ̆ng. Đăk Lăk jing anih pơdơh jơ̆ng mă 2 kơ Khul gre đơ̆ng rŏng kơ pơlei tơm  Hồ Chí Minh. Pơtoi kơ 'noh gô năm truh Đà Nẵng, Huế, Quảng Trị, Nghệ An, Phú Thọ păng Hà Nội.