Lêh “ ‘Lơ̆ng rŏ bri kông – Đak dơsĭ hlăng mât hơdai” vă pơgơ̆r lơ̆m gơmăng 29/8 tơ̆ Cham xă Nguyễn Tất Thành (phường Quy Nhơn), kŭm hăm tơdrong prăh kơmlăi pơkao kơđeh ƀât 21h30. Gơmăng 2/9, tơ̆ Cham xă Đại Đoàn Kết (phường Pleiku) vă prăh kơmlăi pơkao đông kơjung đơ̆ng rŏng kơ tơdrong hơri hơxoang tôch hơiă.

Đơ̆ng ‘năr 29/8 truh 2/9, phường Quy Nhơn jing anih pơgơ̆r lêh, hăm lơ tơdrong tôch hơiă nhen lêh Unh ang hơdăh, năr huch chĕh phe păng tôn chĭng Tây Nguyên, năr tơmam xa hơdai hăm ming pơdă tơmam OCOP păng tơdrong jang so. Tơ̆ Cham xă Chiến Thắng gô đei tơdrong hơri hơxoang, lêh tơ̆ trong glung kŭm hăm lơ tơdrong ngôi pơchơt lơ̆m tơpôl nai hai.