Kơsô̆ tơmoi lơ̆m teh đak đei jê̆ 80 triu 'nu, tŏk hloh 8%. Tơdrong pơyua đơ̆ng tơmang pơhiơ̆ đei pơhlom 520 rơbou tih hlj. Lơ̆m Hop akŏm trư̆k tuyê̆n tơlĕch sơnong jang tơm ăn Tơmang pơhiơ̆, ƀok Nguyễn Văn Hùng, Ƀô̆ trương Anih tơm Joh ayŏ, Tơplŏng kơdou păng Tơmang pơhiơ̆ tơlĕch dôm sơnong jang hơdah lơ̆m khei năr jơ̆p teh đak hlôi keh đang pơkăp tơring teh hanh chinh păng pơtơm pơm kiơ̆ pơkăp jơnŭm pơgơ̆r 2 tăl.

Ƀô̆ trương pơgơ̆r rim tơring dah tenh kuăng chă hơlen, đei trong asong jang truh dôm hơnih tơmang pơhiơ̆. Ưh hơdrô̆ gơnơm lơ̆m Pơkăp Tơmang pơhiơ̆ Việt Nam hlôi tơbang, dôm tơring athei chih akŏm, pơkăp kiơ̆ tơdrong hơrih 'nao, atŭm hăm noh sơkơ̆t hơdah tơdrong pran kơ po, đei trong pơm jang hơdoi, tơguăt tơring vă pơm tơlĕch tơmam drăm tơmam pơhiơ̆ 'lơ̆ng.