‘Măng pơdă đei pơgơ̆r đơ̆ng dang ei truh ‘năr 3/12. ‘Măng pơdă chă roi tơbăt ăn kon pơlei Lâm Đồng păng tơmoi chă tơmang lăng 120 tŏ rup đei rơih đơ̆ng tơdrong thi Čhơ̆ rup roi tơbăt găh Hop akŏm bơngai tang măt lơ̆m teh đak ‘măng mă XIV kơ Đảng yoa anih jang găh joh ayŏ kơ dŏ xoang, Unh hnam păng Anih mong đŏk hla ar pơgơ̆r.

Dôm um rup đei ming pơdă hăm lơ nơ̆r chih tơbăt tôch hơiă, roi tơƀôh tôch rơđăh, hơtŏk đon hlôh vao, đon tơchĕng drơ̆ng pôm nơ̆r mưh bơ̆ jang lơ̆m Đảng, tơdrong drơ̆ng nơ̆r lơ̆m tơpôl vă gơ̆h pơgơ̆r đang ‘lơ̆ng Hop akŏm mă XIV kơ Đảng păng hơnhăk tơdrong Tơchơ̆t đơ̆ng hop akom mât lơ̆m tơdrong arih xa yăn âu. Yă Hoàng Thị Lầm, phường Xuân Hương- Đà Lạt, ăn tơbăt, lăng ƀôh tơdrong tơplih đơ̆ng Đà Lạt, lăng lơ rup tơ̆ ‘măng pơdă, yă ƀôh tôch hơiă hăm dôm tơdrong jơnei mă Đảng, teh đak păng kon pơlei hlôi iŏk đei lơ̆m tơdrong tơiung pơjing păng jang tŏk teh đak.