Ban raya Ho Chi Minh brei buh tabiak labaih 2.600 ti dong piah daong ka anek saih piah hu sumu gauk dalam bruk bac da-a. Dalam nan, labaih 2.019 ti dong ka dom sang bac karja piah ginup jien car pandar; labaih 624 ti dong daong ka labaih 430.000 anek saih sang bac karja, gah langiu saong jaik 14.000 anek saih di dom don vi pato megru di sang bac dai hoc, cao dang, vien roh duah. Tui UBND TPHCM, sarak ini lagaih haong bruk rah tabiak, piah peih ngak dom jalan tacei ba di Quoc hoi saong Rajaei oh mek jien saong daong jien bac rik tame khik brei sumu gauk dalam bruk bac saong pato.

Harei ini, Nyaom roya Ndang bo tinh Dong Nai mbang ka 1 mbang nyaom tame ngak bruk praong. Nyaom roya ngan haong kadha: “ Padang Dang bo saong he thong chinh tri hacih sa-at, khang kajap, jum pataom, iek praong ka bruk ngak; khik kajap bruk quoc phong, an ninh, ngak po negar; jak ba ngak siam rilo gah, patagok tinh Dong Nai hijao, kaya meda, khang kajap, ilamo, salih birau. Tukvak tapa, BCH Dang bo tinh pataom tame tacei ba peih ngak hu siam mekre 99 Dang bo dalam tinh njauk tui bruk ba tabiak, asar kadha saong lac sa dalam dom don vi ngak salah nyaom roya pakat bhum palei aval dut saong bruk ba tabiak di pakat negar.

Parang iek thaot binguk “ Dong Thap – Jalan uak drei patagok” daok peih ngak di tinh Dong Thap. Ini lac sa dalam dom bruk salam uan Nyaom roya Dang bo tinh DonG Thap mbang ka I, vaktu 2025 -2030. Parang iek tui 5 kadha: Bruk dak padang, ramik pasiam Ndang hacih sa-at, khang kajap; bruk ngak mbang kinh te; bruk ngak hu jak jeng siam mekre gah ilamo - xa hoi; bruk quoc phong, an ninh, pambuak talei rohim; bruk ngak hu siam tagok di dom gah dalam tinh. Bruk siam abih di parang iek lac blah ban do Dong Thap hu ngak meng thaot bingu 102 don vi karja pakat xa, pambuak haong dom labik danei angan - nan lac  rup thaik di bruk anit ranam, jum pataom, yaom tagok di bhum palei.

Kayua langik kan thau dahlau saong ia ndik tagok glong, rilo jalan ar kraong di xa Nhị Long, tinh Vĩnh Long glut jaleih trak jaik 2km, ngak jhak tal bhap bini. Langiu di nan, ar kraong di Cồn Hô (puk Mỹ Hiệp A) jeng glut jaleih, ra-ai. Njauk ndem tal, ar pacang daok ngak di Cồn Hô urak ini daok glut jaleih trak. Jalan tuh menyek dua gah ar kraong Đùng Đình (di palei Long An) atah labaih 1km jeng glut jaleih. Urak ini karja palei jak ba, daong bhap bini panduan ba, khik brei salamat  ka manuac urang saong grap ar.

Jala pandiak harei 29/9 sa kapal gilai peih meng sa labik pasiam veik gilai di pulao Thới Sơn, phuong Thới Sơn, tỉnh Đồng Tháp patuh mac peih mai Vinh Long. Tuk tabiak tal kreh kraong Tiền ye gilai ini ginuk tame ngak klaoh talei be raong ikan di ong Mai Phuoc Tho lac urang  raong ikan di labik ini. Bruk nan ngak kram  be raong 2.500 ikan trắm cỏ praong trak yaok drei 3 kilo, ngak khat lahik yaok rituh trieu dong. Hadei ngak karam bè raong ikan urang peih kapal klak nao. Tuk nan kong an mai duah pasang iek bruk karam bè raong ikan saong iew po kapal gilai njauk bayar jien ka urang.

Rajaei Thái Lan jaik ba tabiak danak dak brei ka dun tukvak bayar sre ka rilo urang, daong ka urang takik phun jien daok gaok kan kandah. Tui nan, dom urang mesre ala 100 ribau baht sumu labaih 3.100 dola meng gilang karja brei kadun tukvak bayar sre, oh mek jien laba dalam tuk vak daong. Langiu di nan, rajaei brei daong ka dom doanh nghiep sit saong mbiah hu mesre tagok tal 1 trieu baht, daong mbuan bayar sre jeng yau patui bruk ngak mbang pablei salih  dalam tuk bruk ngak mbang daok rilo kan kandah.

Dom urang karja Isaraei pachreih tui bruk ba tabiak ngak brei salamat ka Gaza, yau nan ye Tong thong My Donald Trump khan lac, iew taong abih dunya ba tabiak bruk ngak cambaic laic chip, lac Hamas njauk hatai haong bruk ngak di Tong thong My ba tabiak saong caong khin hu siam ka bhap bini harei hadei di bhum taneh ini. Sa bruk salih karei hu makna biak praong dut saong dom bruk ba tabiak dahlau di nan di Tong thong Donald Trump, nan lac urang Palestine njauk brei tabiak truh Gaza, urang pachreih daok veik saong padang ngak sa Gaza siam mekre jang.

Thu tuong Trung Quốc Lý Cường birau hu var taom gaok Akok Mentri Ngoai giao Trieu Tien Choe Son Hui, brei mboh Trung Quoc tuk halei jeng pakhang bruk pambuak haong Trieu Tien  piah khik kein laba. Trung Quoc  caong khin bruk pambuak  hu khang kajap di dom pakat, peih praong bruk pambuak rilo gah saong jhul pakhang bruk patagok abih gah. Dua gah njauk gauk bac megru pakat glong, jhuk pakhang bruk pambuak dom gah, jhul pakhang bruk ngak lagaih saong peih praong bruk pambuak rilo gah./.