"Jalan ngak 500 harei malam jhul khang bruk duah, pataom saong brei thau angan di atau talang bol lin” hu peih ngak meng harei 15/3/2026 tal harei 27/7/2027. Tui jalan ngak, Bruk ba tabiak Duah hu makna, pataom labaih 7.000 atau talang bol lin meng kal; salah blaoh mek mẫu atau talang ngan haong labaih 230.000 kubo bol lin oh ka thau angan dalam dom kubo bol lin saong atau talang duah hu, pataom hu…Tal ini hu duah mboh, pataom hu 1.109 atau talang bol lin; gam haong nan duah mboh 2 kubo bol lin dan haong gauk di Tuyen Quang.

Biar harei 10 bilan 6, labaih sa trieu anek saih dalam negar mai tal dom labik pakacah ngak harak gal pia tame pakacah THPT thun 2026. Anek saih hu ba tui dom ndap nda piah ngak kadha pakacah tui hukum ba tabiak; oh brei ba phone tangin, mac thu tavak khaw tin, dong ho thong minh atau dom kaya kan daong kadha pakacah. Urak ini, karja dom bhum palei  ngak salah blaoh bruk kuhria pakacah, urang ngak bruk saong dom bruk khik brei salamat ka bruk pakacah.

Piah patui veik daong prein ka dom anek saih bhum tasik kaoh pulao atah tame taneh riya hu mbaok di mbang pakacah tamat THPT thun 2026, Kong an tinh An Giang oh tok peih ngak kapul radaih halan tian bo daok drei daong taong abih ngan haong rilo kapul ngak bruk hu: Kapul “Bol lin truyen thong”; Kapul “Xung kich khik kajap an ninh, salamat mbang pakacah” di 78 labik pakacah dalam tinh; saong Kapul “kapul taduan khao tin daong anek saih tapa jalan talei pandiak”. Njauk caik hatai lac, dom adei anek saih mai meng bhum tasik kaoh pulao hu daong mbang huak oh mek jien saong srap gap veik dom var mbang di malam.

Meng thun 2026-2030, TPHCM jao bruk ngak brei patagok labaih 50.000 baoh sang daok ka rahra pah. Tukvak anak tal, ban raya brei jhul pasamar harak gal saong samar padang ngak, gam jao bruk ngak ka gah Kadung jien ngak sang daok pataom tame ngak sang brei apah. Ban raya patagok phun jien brei mesre laba lap meng 200 ti dong sa danak dak tagok 300 ti dong ka sa danak dak. Tui nan, daong 100% phun jien buh tame padang ngak danak dak ha tang ky thuat dalam danak dak min oh tapa 10 ti dong danak dak.  

Quoc hoi Indonesia brei khan tapa dom hukum ngan haong Hukum Cảnh sát thun 2002 brei adat ka dom si quan canh sat daok ngak bruk dom rajaei dan su saong dui atah umo padeih hưu di tướng pak patuk dalam sa thun. Meng tuk tagok ngak di bilan 10 thun 2024, Tong thong Prabowo Subianto peih praong bruk ngak di bol lin dalam bruk duh bhap bini, yau peih ngak Danak dak  var mbang dinh duong oh mek jien saong pabak brei kaya mbang.

Pasak Pasang iek saong Pacang caga Jit ruak chau Phi (CDC chau Phi) brei thau, dom urang njom ruak Ebola hu brei thau di cong hoa Dan chu Congo saong Uganda hu truh tapa 600 urang, dalam nan hu 102 urang metai. CDC chau Phi kakei caga bruk pacang caga jit ruak daok gaok dom kan kandah ka rilo danak dak. Rilo labik y te hu co so ha tang trun pakat, dom urang y te hu bayar jien bilan atau oh ka mek hu dom paok jien daong njauk hu.

Gah chuc nang Mauritani khan brei ka labaih 1.000 urang di cư chau Phi hu daong  dalam labaih 10 harei tapa, di labik langiu tathik taneh ia  ini. Hu abih tih 8 sruh gilai kayau pajeng urang suan hukum mai meng dua taneh ia  Gambia saong Senegal, gaok bol lin tathik Mauritani cakak veik. Oh ka brei thau dom urang nan meng negar halei mai. Labik urang nao tal jeng oh hu brei thau./.