Hadei 3 harei rah tabiak chreih chrai, melam 28/6, Harei raya Ilamo bangsa Cam mbang VI thun 2026 hu tamat blaoh. Harei raya ini kayua Mentri Ilamo – Padhih saong Yulit pambuak UBND tinh Khanh Hoa peih bruk, pataom mbaok hu labaih 1.000 nghe nhan, nghe si, urang daoh tamia, urang pakacah  bhap bini. Bruk jak jeng siam mekre di Harei raya oh lac bruk peih ngak atau  yai thuong bo makna praong dalam jang lac yaom glong ilamo Cam hu pambak praong, rilo drap ar hu yaih khan, ngak brei paglong jalan sahaneng di bhap bini ka bruk khik ramik saong patagok ilamo bangsa. Tui nan, peih tabiak jalan lagaih ka Khánh Hòa  patagok dom bruk ngak yulit bhap bini, ba bruk ngak mbang hu karo kajap ka mikva gam khik ramik drap ar.  

Bruk chreih chrai mboh di grauk labik Ban raya HCM dalam bruk pahadar  50 thun angan Chu tich Ho Chi Minh. Rilo bruk ngak mbang tani tanat, iek glang prein yawa, salih alam moi truong hu peih tabiak, ngak brei cambaic laic  ka sa ban raya  anit ranam, ilamo saong patagok khang kajap. Di phuong Chợ Quán, danak dak daong ka bhap bini kan kandah hu 50 baoh sang daong 500.000 đồng sa bilan dalam 6 bilan, daong ka 76 baoh sang saong 94 the BHYT. Di phuong Chợ Lớn , 200 paok kaya pandap hu alin ka baoh sang kathaot, jaik kathaot ngak rilo bruk daong bhap bini…

Tinh Dong Thap hu 31 kubo liet si gam haong labaih 35 ribau ghor liet si. Tapa pasang duah, dalam tinh hu 11.810 kubo ghor liet si oh thau angan di thei brei mek mau pasang duah AND piah thau angan je di liet si. Piah mek mau talang liet si hu lagaih, njauk tukvak, Mban Tacei ba jalan 515 tinh palih ruah Kubo liet si Chau Thanh ngak dahlau piah bac megru dalam bruk ngak blaoh piah labik karei ngak tui. 

Tinh An Giang birau peih Pasak Pachreih ngak nong tui jalan birau, salih jaik 800 bien che pachreih ngak nong ka bruk ngak di don vi di karja di UBND pakat xa. Pasak  pataom tame peih ngak dom bruk dak padang danak dak pachreih ngak nong, pato pakai, pasram, padang bruk ngak iek, jao brei  ilamo ky thuat, salih pandar taka so, patao tacei ngak tabiak kaya hu kein laba glong saong daong bruk cak rok patagok di bhum pala kaya nong.

Tinh Ca Mau birau daong jaik 7 ti dong ka urang ngak sara gaok khat lahik kayua hajan karei bilan piah ngak veik sara. Urak ini, dom don vi pambuak tal caong khin daong jien mbang ka 2 lac labaih 700 trieu dong ka phuong Hiep Thanh saong xa Long Điền. Dahlau di nan, bilan 2 thun 2026, hajan karei bilan ba tal labaih 1.526 ha sara gaok khat lahik. Dalam tinh Ca Mau hu 1.560 ha taneh ngak sara, kuac tame jaik 50 ribau tan sa thun.

Rajaei Campuchia oh mek jien je labaih 50 trieu USD sa bilan ka gah ngak tabiak kaya hu pandar xang menyek saong ndien piah khik yaom tani tanat, daong trun ndua nong trak ka dom baoh sang Campuchia dalam tuk cang menyek tagok yaom. Langiu di nan, Campuchia khik pabak ginup ndien, xang menyek piah daong ka dom baoh sang salih radaih, mac moc pandar ndien.

Bol lin daong Venezuela gam rilo kapol dunya daong duah urang gaok bala ba hu 33 urang tabiak  hadei dua mbang tayun megei baoh taneh khang di tapen tathik La Guaira gah Barak negar taneh ia ini. Urak ini, dom urang metai tagok tal 1.450 urang, dalam tuk yaok ribau urang daok lahik. Bruk kham merat daong gaok rilo ka kandah kayua yaok riruh  mbang tayun megei rah tabiak. Rilo taneh ia brei bol lin manuac urang mai daong, gam daong kaya kan tal Venezuela.

Pháp taduan hu labaih 1.000 mbang urang metai dalam bilan pandiak catang me-om tagok negar chau Au, gam kakei dahlau ka urang metai kayua langik daok pandiak dui atah jang. Ralo urang metai lac umo meng 65 thun tagok. Langik pandiak catang meng harei 20 bilan 6 ba tal rilo taneh ia chau Au gaok langik pandiak catang, ngak yaok pluh urang metai, ngak klaik klaoh bruk pabak ndien saong ngak khut tayak rilo danak dak. Dom urang roh duah mboh lac langik pandiak trak abih di chau Au dalam thun ini./.