Bruk pathau khan, jak ba bhap bini urang bangsa takik saong bhum ceik thun 2026 di Mentri Bangsa saong Agama pamong tal bruk pamedeih jalan sahaneng kham merat, yam tapa truh kathaot  dalam yaok urang bangsa takik saong bhum ceik. Bruk nan brei caik hatai tal dom halau janeng, urang ngak bruk duh ka agama jak ba bhap bini patagok bruk ngak nong hacih sa-at, ba ilamo kong nghe tame ngak piah patruh kathaot; dom urang bhik, acar bangsa Khmer  jak ba urang kaoh taneh daong ngak sang bac, ngak jalan palei pala birau; dom Hakem dalam bhap bini Cam tacei pato dom urang Islam khik ramik bruk menyim khan bai gam haong bruk patagok yulit…

Pato pasram, paglong ilamo ka dom urang jakar pakat xa lac sa asar kadha di Danak dak pakat negar  padang ngak palei pala birau, patrun kathaot khang kajap saong patagok kinh te - xa hoi bhum urang bangsa takik saong bhum ceik vaktu meng thun 2026 -2030, kayua Mentri  Noi vu dang peih ngak. Pamong tal thun 2030 lac taong abih urang jakar kong chuc  pakat xa hu bac da-a ilamo, khik iek bruk ngak harak gal hanh chinh, kinh te - xa hoi, patagok gam gaong salih birau.

Brei panuac di nyaom biai pataom iek veik bruk pacang caga blei saong pablei dauk kaya kan pakauk  tapa negar saong bruk ngak anak tal, bruk ngak dalam 6 bilan puac thun, Đại tá Nguyễn Nhật Trường, Pho Yam ndoc, Akok jabat Cảnh sát điều tra Kong an tỉnh An Giang hu dom bruk ngak hu saong taong yaom glong di Kong an dom don vi, Kong an 14 xã, phuong taphia negar; dom jabat pambuak tal pasang iek, pacang caga, langyah dom bruk ngak suan hukum dalam tukvak anak tal.

Meng peih praong taneh pala tui tanut salamat saong pambuak haong doanh nghiep, kruac bung kalik hijao Vĩnh Long daok brei mboh labik dang dalam bruk pablei tabiak negar langiu. Urak ini, rilo po bein di tỉnh Vĩnh Long ngak tui jalan ngak kaya VietGAP. Vĩnh Long urak ini hu labaih 13.800 ha taneh pala kruac bung kanduh hijao, hatai bhong, dalam nan hu 10.000 ha phun kruac bung daoh brei baoh, paik hu meng 12 tal 15 tấn sa hecta. Phun kruac bung brei mek jien yame meng 200 tal 300 trieu dong/ha/thun, rik tame paglong raidiuk bhap bini saong salih janih phun pala.

Sở Ngak nong saong Alam moi truong TPHCM daok padang ngak phan mem Tui iek bala meng langik, ba tame ngak bruk meng bilan 9 anak tal. Thun ini, di Ban raya HCM hu sa mbang ia ndik tagok glong pakat III, oh khat lahik gah ngak nong, manuac urang saong hangin ngak khut tayak rilo baoh sang saong drap ar. Dalam harei 17/5 meng blaoh, dalam Ban raya hu hajan praong gam hangin ngak khut sang danaok saong jaleih rilo phun kayau. Dom bhum palei ramik pasiam khut khat ka bhap bini samar tani tanat raidiuk.

 Dua kapol nyaom ngak tabiak chip dang akaok di Han Quoc lac Samsung Electronics saong SK Hynix hu rilo urang blei caik hatai takre tuk chip ngak hu rilo bruk pandar tri tue nhan tao AI tagok glong. Yaom hala phieu, kein laba saong dom jien alin di doanh nghiep tagok glong, pacheih jakar ky su saong urang ngak bruk abih hatai.

Australia dang anak bruk kurang sang daok anak bruk khik hu sang daok ralo jang bruk padang ngak sang. Piah langyah ka bruk ini, karja lien bang saong karja bhum palei di taneh ia ini pachreih bhap bini padang sang tui kieu pagam mo đun piah patai pataom jien jeng yau tukvak. Bang New South Wales daok kuhria bruk pandar sang daok pagam mo ndun piah ngak rilo sang bac saong sang iek ruak.

Mbang akok meti peih ngak di Bac My, Parang iek Dat blong saong Kong nghe di Gilang khik piah FIFA daok pachreih ralo urang takre iek caoh mbanh  di Science World ở Vancouver, Canada. Bruk nan brei mboh bruk patagok di gah the thao padhih dalam jaman birau, tui nan rik tame pambak praong bruk iek caoh mbanh di taneh ia ini hu urang thau tal rilo jang.

Panuac brei caik hatai: 

# caoh mbah, dat blong: bóng đá

# Alam, alam dunya: môi trường

# Yulit: Du lịch