Yaom padai di Bhum taneran kraong Cuu Long urak ini trun rilo, dalam tuk gah ikak kaiy saong gah ngak mbang pablei salih pataom blei dahlau dom banah padai, ba tal bruk duh hatai dalam urang ngak nong. Rilo gah ngak mbang pablei salih duh hatai ka bruk mbuan trun yaom, bruk pablei tabiak oh lagaih nan takik pataom blei, oh khin khik piah rilo. Anak bruk ini, Thu tuong Rajaei hu jao Mentri Ngak nong saong dom gah ngak mbang pablei salih roh duah jalan langyah njauk lagaih piah khik tani tanat bruk ngak padai karo kajap. Dalam nan, pandar dom labik hu pambuak tal bruk pataom blei khik piah padai brah, peih praong darak pasar pablei piah tani tanat yaom kaom saong daong dil samu ka urang ngak nong.

Hadei Akok UBND Ban Can Tho ba tabiak paok jien alin meyaom bruk  sahaneng hadah krah pacang hu ia dauk, mbiah tal ini Ban taduan hu 50 kadha roh duah ka bruk pacang ia dauk di bhap bini. Dom thun jaik ini, bruk ia dauk di pasak Ban  dak harei dak tagok, abih di nyu lac dalam bilan hajan, ia ndik tagok, ngak kan kandah tal raidiuk bhap bini saong bruk cak rok patagok kinh te xa hoi. Can Tho ngak blaoh saong daok tui ngak veik rilo jalan piah pasiam, yau nan min, piah duah tabiak bruk ba tal saong langyah catang dom bruk ngak ia dauk ye karja Ban Can Tho caong khin patui veik dom jalan pacang ia dauk meng dom kapol, urang.

Xa Gia Thuận, tinh Dong Thap hu 704 gilai ikan taong mek atah ar, kuhria rah tapa yaok thun taong mek hu labaih 10.000 tan ikan hadang. Ngan haong bruk ngak ikan thu Gia Thuận, yaok thun pandar 5.000 tan ikan rilo janih, hu yaom tagok labaih 50 ty dong, pabak ka darak pasar 1.500 tan rilo janih ikan pambu thu (rik)… Piah khik ramik, patagok bruk ngak bhap bini pagam haong hatai caong patagok tui jalan karo kajap, palei ngak bruk di xa Gia Thuận daok biak khin hu buh jien tame, padang majam ha tang dom labik ngak bruk dalam palei.

Balai Bien phong Thạnh An, Bol lin Bien phong TPHCM pambuak haong UBND xã Thạnh An saong THCS - THPT Thạnh An padang bruk “Daong ka anek saih xa kaoh pulao”. Asar kadha ini lac danak dak “ Var mbang huak ka adei di sang bac” saong danak dak “ Daong ka bilan pakacah di kaoh  pulao”. Yaok paoh lisei jala pandiak  di dom adei ginup mbang hu kaya siam yaom 35.000 dong sa adei. Balai bol lin daok alin brei ka dom adei 15 laneng gaiy ndih talauk, kalam mbut siphau ka dom anek saih. Bruk ini daong ka dom anek saih xa kaoh pulao nao bac.

Hajan praong dalam dom harei tapa ngak ka labaih 5.000 phun kong nghiep, yaok rituh hecta padai saong rilo athur raong di mikva tinh Dak Lak njauk ia dauk, metai dalam ia, ngak khat lahik yaok ty dong. Di xa Pơng Drang hajan praong, ngak tabiak bruk ia dauk ngak kan kandah tal rilo janih phun kong nghiep hu yaom glaong yau durian, amraik kalu saong kophi. Urak ini urang dang akaok UB Bhap bini xa hu mai tal tapak labik ia dauk, pambuakhaong mikva peih jalan taoh ia tabiak. Gam haong nan pachreih rahra caik hatai tal bruk khik kajap sron mbon salamat, ngak rilo jalan langyah piah patakik khat lahik.

Rajaei Thai Lan khan lac, bruk ginum biai Uy mban taphia negar (GBC) Thái Lan saong Campuchia mboh siam jang. Kapol urang ngak bruk di dua negar ginum biai, njauk gauk dom bruk sangka dahlau tuk peih bruk ginum GBC pakat Mentri Quoc phong di harei paguh (10/9). Tukvak tapa, bruk kandah gauk di dua negar mboh trun. Thai Lan saong Campuchia jhul pakhang bruk ginum biai dua gah, sanya brei padeih cuh saong brei pambuak ba siam veik, piah hu sron mbon salamat.

Lien Hop Quoc hu rabha veik 5 ty USD meng Kadung jien daong samar chip di LHQ piah daong Pakistan piah pandar tuk bo ia sua daok ngak khat lahik rilo bhum taneh di negar ini. Paok jien nan hu daong ka y te, ia hacih sa-at, labik daok saong pandap mbang, gam haong dom hatai caong samar chip karei. Urak ini rilo bhum palei di Pakistan jeng dauk dalam tal 10m, ngak suai ka bruk taong yaom bruk ngak pahala daong ka urang.

Takik abih lac 10 urang metai saong labaih 60 urang njauk rambuac hadei sa sruh radaih dua tal gaok radaih pui ginuk tame di labik gah Pei Barak ban ine di Mexico. Tui Jabat Khik iek Jalan pasei Mexico, dom mbang rah tabiak bala kayua radaih pui di taneh ia ini mbon rah tabiak meda rilo tagok. Yaom lac oh yaok hu hadom urang gaok bala, jabat ini khan ka bala kayua radaih pui dalam thun 2024 lac 800 mbang dut haong thun thun 2020 lac 602 mbang./.