Patui danak dak mbang nyaom  oh bhian mbang ka Sa, page ini, Quoc hoi ginum biai ka bruk pdang ban Quảng Ninh, ban Bac Ninh; brei padang ngak jalan Vành đai 5 – Bhum Ban ine Hà Nội; brei ramik pasiam jalan ngak Danak dak padang ngak jalan pasei Lào Cai - Hà Nội - Hải Phòng. Gah langiu, dom urang lambaok sahaneng mboh lac ini dom sarak daong hu makna, piah ngak jeng hukum jhul pakhang bruk pambuak bhum, pambuak labik, meng nan rik tame  ngak hu siam bruk patagok dua taka so.

Sở Pato megru TPHCM kuhria daong ka labaih 1,2 trieu anek saih oh ka thau caluai ia dalam ban raya. Tui nan, yaok adei meng tal 1 tal bac 12 hu daong 700.000 đồng ka mbang bac saong jien xang menyek nao mai ka dom labik oh ka ginup kaya peih patao caluai ia. Meyah labik pato oh hu ginup bruk peih pato di labik drei, jien daong pajeng ba anek saih mai  bac  glong abih 20.000 đong sa mbang, sa urang.

Labaih 300 bhap bini hu raidiuk kan kandah di xã Nhơn Mỹ, tỉnh An Giang hu tame Danak dak “ Nyaom darak Zero jien - Klak rabha anit ranam” . Di labik ini, bhap bini hu brei ba-ar blei kaya oh abih jien, dom labik ini ralo pablei kaya pandar yaok harei dalam rai diuk. Nyaom darak oh deih di dom kaya kan nan, bo daok brei mboh hatai anit ranam, klak rabha di Mban peih bruk  tal bhap bini hu raidiuk ka kandah dalam xã. Ini lac bruk “ Ngak bruk daong bhap bini” saong bruk ngak di Mban Urang kumei Kong an tinh An Giang dalam bruk kuhria tani tanat raidiuk.  

Yaom la-u thu di tinh Vĩnh Long daok trun biar abih dalam dom thun tapa, yaom meng 20.000 tal 25.000 đồng sa pluh ba tal jien mek tame di urang pala trun biar. Gha ngak nong kakei urang pala la-u brei bhian tui iek ngak njauk jalan pala, takik cakak bruk buh jien tame  piah khik brei ralo baoh, baoh bingi yamen tuk darak hu siam gilai. Vĩnh Long urak ini hu labaih 122.800 hecta pala li-u, meblah 61% taneh pala la-u dalam negar.  

Tui Jabat Khí tượng - thủy văn Meraong negar, meng ini tal harei 11/8, hajan di gah Meraong negar tagok, ralo di jalan pandiak, biar harei saong melam. Hajan ralo meng 30 tal 80mm, hu labik labaih 100 mm. Yaom lac yau nan, harei langik pandiak, tagok tal 34 do C. Urak ini, ia di Bhum taneran kraong Cuu Long tagok. Di Tân Châu, glong 2 met Chau Doc glong jang 2 met. Dom bhum palei di Bhum taneran kraong Cuu Long daok ngak ar pacang caga klak ia dauk padai saong bein phun mbang baoh.

 Indonesia meda rah tabiak apui khuah glai biak jhak dalam dom thun tapa. Dalam meteh akaok thun ini, hu labaih 107.000 hecta taneh saong glai, taneh praong jaik dua mbang ban ine Jakarta, apui khuah mbang di dalam negar. Apui khuah glong labaih 120%  dut saong tukvak ini thun 2019. Karja di ralo labik kakei ka athak kalin pin  hadei duah mboh 200 labik pandiak dalam sa harei.

Itali paglong tanut kakei mereik bhong ka langik pandiak di taong abih 27 ban, langik pandiak mbang ka 4 rah tabiak gam gam di negar ini, pandiak tagok tal 40 do C. Karja kakei bhap bini takik tabiak gah langiu dalam tuk meng mon 10h00 tal 18h00, menyum ginup ia saong pandar dom liak phone piah iew daong y te. Tui dom urang ilamo, pandiak yau urak ini ralo lac kayua langik salih karei kayua anek manuac. Yau nan min, bruk rah tabiak trak jang dalam dom bilan anak tal tuk langik El Nino.

Gah pathau khan An Do kayua Yam ndoc dieu hanh Meta Mark Zuckerberg hu payua panuac likau ma-ah  tal Rajaei An Do ka brei tagok dom asar kadha rambeik rambai uranaih, ngak ja meng AI ( deepfake)gam haong dom bruk karei di dom nen tang di kong ty ini. Dahlau di nan, meng bilan 7, Rajaei An Do iew Meta atah klak dom asar kadha yaih khan ka bruk rambeik rambai uranaih di Instagram, tui nan iew cong ty langyah bruk nan./.