Meng tuk jit ruak COVID-19 tamuh khang di Việt Nam, Kapul nyaom Phương Trang (FUTA Group) peih ngak rilo bruk hu mbaok tame pacang caga jit. Meda ndom lac, Phương Trang hu ieu pataom taong abih manuac urang piah nao gam haong bol bhap rah ra, brei mboh bruk ngak di drei ngan haong rah ra jeng yau caong khin Việt Nam meda samar drah yam tapa jit prong. Kadha Manuac gheih bruk siam adit ini, daa mikva saong taong abih gauk pang kadha vak di Gia Thịnh angaok báo Tuổi Trẻ brei thau ka dom rik daong di Kapul nyaom Phương Trang dalam bruk jhul kadhul likuk jit ruak:

Jit ruak Covid-19 tamuh gilac veik mbang ka 4 ngak ka rai diuk di bhap bani gaok rilo kan kandah. 2 bilan tapa, Nguyễn Duy Anh, urang likei dam ndih tapui thun 1995, urak ini lac Bí thư Chi đoàn Công an phường Long Hòa, quận Bình Thủy, bal Cần Thơ, hu panar ứng dụng Zalo Connect, pambuak haong yaok labik, ba pandap mbang huak yaok harei ka bhap bani gaok kan kandah. Bruk ngak abih hatai di sa-ai jak ba hu rilo urang ngak pahla, di jabat rik daong tame. Kadha Menuac gheih, bruk siam adit ini, daa mikva saong taong abih gauk pang kadha vak di Hồng Phương, urang vak di rayo sap ndom VN daok di bhum taneran kraong CL ndom ka urang likei 9X truac hadah bruk ngak pahla ini:

Gam haong dam dara dalam taneh ia, dam dara TPHCM chreih chrai ba drei tame pacang caga jit ruak COVID-19. Langiu di bruk halan hatian dalam palei, daong urang y tế mek mẫu pasang iek dalam bhap bini, tacei ba jalan rahra di dom labik klauk vaccine, dom dam dara daok hu daong sangka dom uranaih di dom labik njauk pacang veik, pajeng ba pandap mbang, lisei huak ka urang taha, daok sa drei, ka rahra daok dalam labik pacang veik, daong khik iek di bilai pasang iek jit ruak… Kadha “menuac gheih bruk siam” harei ini, da-a mikva saong taong abih gauk pang dalikan di Tiêu Dao angaok báo SGGP brei thau ka urang đoàn, dam dara khu phố 5, phường Bình Trưng Tây (TP Thủ Đức) haong Khu phố 1, phường Hòa Thạnh, quận Tân Phú hu mbaok di dom labik pandiak pacang jit:

Dalam tuk jit ruak COVID-19 tamuh khang di Việt Nam, rilo urang negar langiu pambuak gauk haong bhap bani Việt dalam bruk pacang caga jit. Meng jalan ngak karei di drei, dom urang nan caong khin rik daong hasit pren yava ka taneh aia bo urang nan anit ranam. Kadha Manuac gheih bruk siam harei ini, daa mikva saong taong abih gauk pang dalikan ndom ka ong Prang pambuak haong Việt Nam pacang jit di Hồng Vân angaok báo Tuổi Trẻ:

Piah klah rabha kan kandah haong sinh viên dok gar veik di Cần Thơ dalam tuk paatah di gauk, dom cei gru, anai gru di dom sang bac Đại học dalam tỉnh hu rilo bruk ngak dong ka dom adei yam tapa jit prong. Bruk ngak siam mekre ni hu rilo urang ngak pahla dok dalam song langui sang bac pachreih tui. Kadha menuac gheih bruk siam hu khan brei thau hatung hatain siam mekre di dom cei gru anai gru tapa kadha vak di Hồng Phương, urang vak di rayo sap ndom VN dok di bhum taneran krong CL:

Thun bac birau 2021-2022 peih tabiak dalam tuk jit Covid-19 daok rah tabiak sraw kadau. Rilo anek saih laik tame kan kandah kayua jit ruak mbuan padeih bac meteh dhi. Danak dak dua bruk haong gauk lac “Gam yam tapa jit - Gam nao bac” birau hu Tỉnh đoàn pambuak bruk saong Hội đồng đội tỉnh Bình Thuận peih tabiak piah ba gauk tame daong ka dom anek saih, sinh viên hu raidiuk kan kandah dalam tỉnh hu jalan piah yam tapa kan kandah patui veik bruk bac da-a. Dalikan “Gam yam tapa jit - Gam nao bac” di Thanh Thủy angaok mbao Bình Thuận:

Meng hatai anit ranam Wa Ho, di dom palei urang Xơ đăng dalam tỉnh Kon Tum, bruk bac megru saong ngak tui Wa Ho hu bhap bini eng drei khik ramik, ngak tui. Kadha “Manuac gheih bruk siam” harei ini, da-a mikva saong grauk ayut taom gaok taha palei A Bơ, Bí thư Chi bộ palei Tua Tem, xã Đăk Long, huyện Đăk Hà, tỉnh Kon Tum, sa kareih camin dalam bruk bac megru saong ngak tui Wa Ho di bhum urang bangsa takik dalam tỉnh Kon Tum:

Họa sĩ ranaih umo Xèo Chu (angan biak lac Phó Vạn An) – sa urang naih joi gah hội họa, hu pambak praong hatai anit ranam tuk ba abih yaom jien jaik 3 tỷ đồng mek hu meng mbang pablei to yaom online rup cih di drei piah daong ka bruk pacang caga jit Covid-19 di ban raya Hồ Chí Minh. Kadha manuac ghieh bruk siam harei ni, daa mikva saong taong abih gauk pang dalikan ka urang ranaih umo naih joi hu hatai anit ranam ni tapa kadha vak di Lê Vũ angaok mbao bangsa saong bhum ceik:

Ralo sang di tỉnh Hà Tĩnh ba gauk nao daok di labik karei, atau brei nyim sang daok klaak saoh piah ka bhap bani mai meng bhum jit gah Meraong ngak labik brei daok karei pataom sa labik. Ini lac bruk ngak brei mboh hatai anit ranam gauk, daong ba gauk biak njauk pok meyaom. Kadha vak di Đức Hùng angaok báo điện tử VN Express brei thau ka dom bruk ngak siam gheih ini:

Di tuk pahadar harei pakacah gauk anitt ranam taneh ia 11/6/2021 meng bloh, akaok negar Nguyễn Xuân Phúc hu harak meyaom Ong Trần Cang, umo 98 thun, dok di palei Phú Thành B, xã Phú Tâm, huyện Châu Thành, tỉnh Sóc Trăng kayua paglong kreih camin urang praong thun. Oh huac glaih glar, kan kandah, dalam rilo thun gam ong Cang halan hatain ngak bruk pahla, dong ka yaok ribau urang hu rai duik kan kandah. Kadha menuac gheh bruk siam adit ni, kol dahlak hu khan kadha vak di Khắc Tâm angaok mbao Tuổi Trẻ ndom ka kreih camin di ong Trần Cang: