Meng hatai anit ranam Wa Ho, di dom palei urang Xơ đăng dalam tỉnh Kon Tum, bruk bac megru saong ngak tui Wa Ho hu bhap bini eng drei khik ramik, ngak tui. Kadha “Manuac gheih bruk siam” harei ini, da-a mikva saong grauk ayut taom gaok taha palei A Bơ, Bí thư Chi bộ palei Tua Tem, xã Đăk Long, huyện Đăk Hà, tỉnh Kon Tum, sa kareih camin dalam bruk bac megru saong ngak tui Wa Ho di bhum urang bangsa takik dalam tỉnh Kon Tum:

Họa sĩ ranaih umo Xèo Chu (angan biak lac Phó Vạn An) – sa urang naih joi gah hội họa, hu pambak praong hatai anit ranam tuk ba abih yaom jien jaik 3 tỷ đồng mek hu meng mbang pablei to yaom online rup cih di drei piah daong ka bruk pacang caga jit Covid-19 di ban raya Hồ Chí Minh. Kadha manuac ghieh bruk siam harei ni, daa mikva saong taong abih gauk pang dalikan ka urang ranaih umo naih joi hu hatai anit ranam ni tapa kadha vak di Lê Vũ angaok mbao bangsa saong bhum ceik:

Ralo sang di tỉnh Hà Tĩnh ba gauk nao daok di labik karei, atau brei nyim sang daok klaak saoh piah ka bhap bani mai meng bhum jit gah Meraong ngak labik brei daok karei pataom sa labik. Ini lac bruk ngak brei mboh hatai anit ranam gauk, daong ba gauk biak njauk pok meyaom. Kadha vak di Đức Hùng angaok báo điện tử VN Express brei thau ka dom bruk ngak siam gheih ini:

Di tuk pahadar harei pakacah gauk anitt ranam taneh ia 11/6/2021 meng bloh, akaok negar Nguyễn Xuân Phúc hu harak meyaom Ong Trần Cang, umo 98 thun, dok di palei Phú Thành B, xã Phú Tâm, huyện Châu Thành, tỉnh Sóc Trăng kayua paglong kreih camin urang praong thun. Oh huac glaih glar, kan kandah, dalam rilo thun gam ong Cang halan hatain ngak bruk pahla, dong ka yaok ribau urang hu rai duik kan kandah. Kadha menuac gheh bruk siam adit ni, kol dahlak hu khan kadha vak di Khắc Tâm angaok mbao Tuổi Trẻ ndom ka kreih camin di ong Trần Cang:

Pathau mikva saong taong abih gauk! Labaih 2 adit ini mai, angaok dom canah jalan di Cần Thơ hu mboh 1 sruh radaih bánh mì bhian randap. Sruh radaih ini di Gah Bánh mì Bei Gon dalam Công ty TNHH Pablei salih ngak tabiak pandap panda Thái Thảo, piah ba bánh mì brei ka dom urang kathaot, urang daok ngak bruk di labik taong ruak, dom balai pasang iek jit ruak dalam bal Cần Thơ dalam tuk taong abih labik dalam bal daok peih bruk brei daok atah di gauk. Kadha Manuac gheih bruk siam adit ini, khaol drei pang panuac khan ka Sruh radaih anit ranam ini tapa kadha vak di Hồng Phương, urang vak di rayo sap ndom VN daok di bhum taneran kraong Cuu Long:

Pathau mikva saong taong abih gauk! Meng hatai caong khin daong ka mikva daok dalam labik njauk pacang veik kayua jit covid-19 yam tapa kan kandah, sa-ai Nguyễn Văn Kiều daok di palei Quảng Hợp, xã Quảng Sơn, huyện Đắk G’Long, tỉnh Đắk Nông hu alin hadaih labaih 60 tấn baoh pâu piah ba tame bal raya Hồ Chí Minh. Kadha vak di Tuấn Anh-Urang vak di rayo sap ndom Việt Nam daok di bhum Tây Nguyên hu ndom ka bruk nan.

Anak bruk jit COVID-19 daok rahtabiak sarau kadhau, ngak kan kandah biak trak tal raidiuk di bhap bini ban raya, abih di nyu nan lac dalam tukvak ban raya HCM brei paatah di gauk tui Sarak 16 di Thủ tướng rajaei, dom tăng ni, phật tử, labik tự viện Phật giáo di ban raya Hồ Chí Minh kham merat jhul khang rilo bruk ngak pahla, gam haong karja sangka, daong ka urang kan kathaot, bhap bini dalam labik daok karei, labik pacang veik saong dom urang gaok kan kandah kayua jit ruak. Kadha manuac ghieh bruk siam adit ni, khol dahlak likau khan kadha vak di Xuân Khu angaok Tin Tức brei thau ka bruk ngak pahla ndung bak hatai anit ranam di dom tăng ni, phật tử di ban raya:

Jit praong Covid-19 tamuh tabiak khang di Ban raya HCM luac dalam dom bilan tapa ngak ka raidiuk di dom urang ngak kan kathaot, urang daok labik karei mai labik ini ngak bruk …gaok biak ralo kan kandah. Min dalam dom harei jit ruak, hu biak rilo labik brei pandap, brei lisei ka urang ngak kan kathaot, brei mboh hatai anit ranam di anek menuac Ban Gon daong ka gauk, oh caik luai ka urang halei eik lipa. Kadha “Manuac gheih bruk siam” adit ini, khol dahlak khan kadha vak di Diệp Phan, angaok mbao online VN Express brei thau ka ATM “tabiak meng nding raok” di nhà thờ Tân Sa Châu, Quận Tân Bình brei pandap mbang ka urang kan kathaot :

Jit ruak Covid-19 daok tamuh khang di tỉnh Tiền Giang. Gam haong bruk pacang caga jit njaom mbak, ye bruk sangka tal rai diuk dom sang kan kathaot, sang hu rai diuk kan kandah daok hu dom pakat karja, kapul nyaom, dom urang ngak pahla sang ka, daong brei tui jalan gul pataom, anit ranam gauk, daong ba gauk. Kadha manuac gheih bruk siam adit ini, daa mikva saong taong abih gauk pang Nhật Trường – Urang vak di rayo sap ndom VN brei thau ka sang amuk Phan Thị Bạch Yến daok di ấp 1, xã Đạo Thạnh, bal Mỹ Tho- urang yau kareih camin ka hatai anit ranam gauk dalam jit prong.

Urang vak báo Phan Quang hu rilo rik daong praong ka báo chí cách mạng Việt Nam di rilo gah, lac urang vak báo naih gheih dang akaok dalam sajarah 70 thun dak padang saong cak rok patagok di Kapul urang vak báo Việt Nam. Ngan haong dom rai rah urang vak báo Việt Nam, urang vak báo Phan Quang lac kareih camin pambak tabiak rilo yaom glaong ka bruk ngak njauk pathau khan bac megru saong thau dhar phor. Pahadar 96 thun Harei báo chí cách mạng Việt Nam (1925 - 2021), Kadha Menuac gheih bruk siam harei ini, khaol drei pang kadha vak ndom ka urang vak báo taha umo rilo ilamo Phan Quang: