Sở Nội vụ Hà Nội bahrau brei thau talei angan 10 urang hu ba tabiak piah pilih ruah pok brei angan "Bhap bani bal ine naih gheih" thun 2020 piah mek panuac di bhap bani. Dalam 10 urang nan, hu bác sĩ Nguyễn Trung Cấp, phaok akaok Sang iek ruak Bệnh nhiệt đới trung ương.

Nguyễn Tất Minh, anek saih sang bac THPT Triệu Sơn 5, Thanh Hóa tuk ndik tapui tabiak kurang sa gah tangin song 2 gah takai. Luac 10 thun tapa Minh hu ayut sahabat bac haong gauk lac Ngô Minh Hiếu gui angaok bara nao tal sang bac .Dalikan ka 2 ayut Minh-Hiếu gui gauk nao bac dalam tuk vak biak atah nan, yau dalikan dalam rai duik yaok harei, abih di nyu lac dalam mbang pakacah tamat THPT meng bloh 2 adei Minh song Hiếu jeng mek hu 28 điểm. Kadha menuac gheih bruk siam harei ni, khol drei tui pang dalikan ka hatai ranam gauk di 2 ayut nan tapa kadha vak di urang vak di rayo sap ndom VN

Dom NSƯT Tuyết Mai, Kim Cúc, Kim Tiến, Việt Khoa, Trần Phương... lac dom sap puac huyền thoại 1 saman di riyak papar sap. Rilo thun tapa, min dom sap puac di “rai ameh” nan jeng daok dalam hatai di urang pang rayo. Di tuk pahadar 75 thun harei padang Rayo sap ndom Việt Nam, kol dahlak likau payua tal mikva saong taong abih gauk kadha vak di urang vak Thu Giang, vak ka NSƯT Kim Cúc- urang papar sap hu bac blah tin jayah praong di harei 30.4.1975 angaok riyak lingik Rayo sap ndom Việt Nam, amuk jeng lac urang kak kajap haong danbak dak “Puac dalikan melam joa” yau sa angan je oh meluk hu saong mbiah tal harei ini jeng oh ka hu urang halei salih hu.

Dom paok lisei kayua kapul “Ging lisei pahla” phường Thống Nhất (ban Ma Thuột, tỉnh Đắk Lắk) tahanek hu daong klah rabha kan kandah haong dom urang kan kathaot gaok kan kandah kayua jit ruak Covid-19, saong jeng lac bruk pachrieh ba dom urang ngak pahla daok ngak bruk di dom bilai pacag caga jit.

Salih ka bruk padeih padei tuk umo thun taha, rilo urang dahlau diah ngak bol lin di bal sit Lạc Dương, huyện Lạc Dương, tỉnh Lâm Đồng jak gauk padang kapul pacang khuah padam khuah, daong duah urang njauk bala piah daong ka bol bhap rah ra . Taong abih urang dalam kapul ini huak lisei sang, ngak bruk pah la, min thei jeng abih hatai, daong ka dom baoh sang khik caga hu drap saong samar drah daong dom tuai damuai mai rivang ma-in pak ini tuk gaok kan kandah.

Jit ruak Covid-19 daok rahtabiak sarau kadhau. Di dom puk palei bhum atah biyah di tỉnh Đắk Lắk, piah daong ka bhap bini thau njauk saong thau jalan pacang caga jit ruak, kapul dam dara pak ni hu rilo jalan pathau khan siam lagaih. Meng sa baoh phone par tangin hu kadha vak blaoh, gam saong baoh loa pagam di radaih mac, dom kapul dam dara yaok harei nao tal dom jalan praong - sit peih loa khan brei thau.

Labaih 22 thun tapa, “Gilang tapuk tư nhân Tứ Hưng” xã Mỹ Lộc, huyện Tam Bình, tỉnh Vĩnh Long lac labik biak bhian randap piah ka anek saih saong mikva dalam bhum mai puac tapuk saong paglaong ilamu. Gilang tapuk ini kayua ong Huỳnh Tấn Hưng, sa urang nong daok di xã Mỹ Lộc, huyện Tam Bình, tỉnh Vĩnh Long peih tabiak.

Di mblang bein Lê Thị Riêng, quận 10, ban raya HCM hu sa tal bac pato caluai ia oh mek jien ka adei uranaih matui madar, daok ban glai ban klo hu dom ayut daok ranaih umo dalam kapul “camluai ia saong dom saabat” peih tabiak meng labaih 2 thun tapa. Mai tal tal bac bak sap klao, bui sambai di yaok page puac adit, dom adei hu caluai ia saong dom ilamo pacang caga mblung ia, meng nan hu sahanag hatai dalam raidiuk.

Amaik Nguyễn Thị Dư, ndih tapui thun 1930, lac hadiuk, lac amaik liệt sĩ, urak ini daok haong urang anek likei taluac di xã Thành Công, huyện Gò Công Tây, tỉnh Tiền Giang. Amaik Dư prong tagok dalam baoh sang kathaot di xã Bình Phú, huyện Gò Công Tây.

25 sang bac di bhum glaong ngak meng krem laa hu padang ngak siam mekre, 12 ribau urannaih di bhum ceik kan kandah hu brei sa van mbang jala pandiak yaok harei. Ini lac bruk ngak hu siam mekre meng bruk halar hatian rilo thun ini mai di sa urang likei ranaih umo daok di Hà Nội angan Hoàng Hoa Trung, daok hu angan karei iew lac “Trung đồng nát”