Hadar kanal panuac Wa Hồ pato “Thương binh jaoh jo min oh klaak saoh nao”, Thương binh hạng 1/4, Huỳnh Thanh Văn, umo 73 thun, daok di palei Thanh Nhàn, xã Thạnh Thới An, huyện Trần Đề, tỉnh Sóc Trăng tuk halei jeng kham merat ngak mbang sản xuất, ngak kaya meda, dong ka ayut sahabat song abih hatai jak ba bhap bini ngak siam dom sarak di Đảng, hukum di karja, rik dong ka bruk patagok di di puk palei .

Labaih 12 tapa, dom urang nong takai haluk saong dom ong bhik di xã Thuỷ Liễu - huyện Gò Quao, tỉnh Kiên Giang hu jak gauk padang ngak yaok rituh mbaik tatua bê tông khang kajap di bhum palei pala. Abih di nyu lac, dom mbaik tatua ini hu padang ngak khang kajap kayua hu bruk rik daong di dom urang ngak pahla, bruk rik daong abih drei di ong bhik Lý Long Công Danh, akaok baha Thuỷ Liễu saong di kapul urang padang ngak tatua pahla di sang baha huyện Gò Quao, tỉnh Kiên Giang.

Gru Chàm Ên, pato dua dua sap Việt –Cam, Sang bac Tiểu học Tân Trung B, xã Tân Hưng, huyện Tân Châu, tỉnh Tây Ninh dalam labaih 20 thun tapa, abih hatai ka bruk bac di anek kamuan bangsa Cam. Gru lac urang vak tabiak rilo tapuk meng sap Cam piah duh ka bruk pato saong bac di anek saih bangsa Cam hu siam jang. Langiu di bruk pato, gru Chàm Ên daok kham merat hu mbaok tame dom bruk di puk palei, jak ba mikva Cam diukrai siam ka dunya, mekre ka agama.

Ngak kaya meda meng phun thanh long ralow meriak, boh sang saai Nguyễn Thị Dung daok di tiểu khu 7, xã Nà Bó, huyện Mai Sơn, tỉnh Sơn La dok hu ba bruk ngak ka yaok pluh urang ngak dalam palei.

Taha palei A Chông, bangsa Xơ Đăng daok di palei Đăk Klong, xã Đăk Hring, huyện Đăk Hà, tỉnh Kon Tum lac urang hu anfan je dalam bhap bini. Ong oh lac ngak mbang kinh tế niah joi,bo dok kham merat hu mbaok dalam bruk puk palei, dong ka rilo urang kan kandah yam tagok dalam rai duik. Meng dom bruk ngak hu makna nan, taha palei A Chông hu mik va iek prong song karja pak ni pok meyaom. Kadha “ Menuac gheih bruk siam” harei ni hu kadha vak di Nhat Lisa song A Sa Ly brei thau ka ong. Daa mik va song tong abih gauk tui pang.

Menek tabiak saong praong tagok di palei Ma Nai, xã Phước Thành, huyện Bác Aí, tỉnh Ninh Thuận, meng di tuk daok sit, Chamaléa Thị Khuyên caong hu jeng anai gru piah ba akhar haroh tal anek kamuan urang Raglai palei drei. Hatai caong nan hu jeng biak, tuk Chamaléa Thị Khuyên bac tamat Trung cấp Giáo dục Tiểu học hệ cử tuyển thun bac 2004- 2007 di sang bac Cao đẳng Sư phạm Ninh Thuận. Anai gru ranaih umo Chamaléa Thị Khuyên likau mai pato di Sang bac TH Phước Thành A piah hu pato akhar haroh ka anek saih.

Tangin sua tal sa-ai Hà Thị Thuận, ở Tiểu khu 5, thị trấn Phù Yên, huyện Phù Yên, tỉnh Sơn La, mikva pak nan thei jeng thau urang kumei biak takre roh duah phun jru dalam bhap bini. Tapa roh duah saong bac megru, sa-ai Thuận ngak hu jak jeng jru ruak gan ka rup drei eng saong ka rilo urang karei.

Khik caga jalan tapen negar, cột mốc, khik siam mekre ka manuac sia daok jaik labik tapen negar nan lac bruk daok pamaong tal piah peih ngak Chỉ thị 01 di Thủ tướng Raja-ei ka bruk “taong abih bhap bani khik caga chủ quyền taneh ia, an ninh jalan tapen negar dalam tukvak bahrau”. Meng hatai caong khin khik ramik puk palei tuk halei jeng hu sron mbon, ong Phùn Hợp Sềnh, sa taha akaok palei hu angan je daok rik prein daong ngak bruk nan angaok bhum palei di drei pak huyện bhum ceik Hải Hà, tỉnh Quảng Ninh. Dalam kadha “Manuac gheih bruk siam” adit ini, daa mikva saong taong abih guak pang kadha vak di Thu Hằng- urang pambuak bruk haong Đài TNVN daok di bhum Đông Bắc ndom ka ong:

Jaik 10 thun tapa, cuk angaok rup blah ao dân phòng, meng siam lagaih di urang kamei lac ndom puac bingi pang nan ye Kapul urang kamei xã Xuân Phú, huyện Xuân Lộc, tỉnh Đồng Nai hu rik daong ka rai diuk pak ini hu salih bahrau siam mekre. Daa mikva saong taong abih guak pang kadha vak di Lê Xuân- urang vak di TTXVN ndom ka Kapul urang kamei dân phòng hu brei angan lac dom “bóng hồng” khik siam mekre ka puk palei:

Dalam dom thun tapa, urang hu angan je dalam bhap bini bangsa takik hu patagok labik dang song hu dom rik dong prong dalam dom bruk ngak di puk palei. Ong Lưu Nào, bangsa Chăm daok di ban sit Phước Dân, huyện Ninh Phước, tỉnh Ninh Thuận lac sa urang hu angan je.Piah thau cambaih jang ka ong, dalam kadha“menuac gheih bruk siam” harei ni, khgol hulin hu kadha vak “Ong Lưu Nào- nurang hu angan je tuk halei jeng hu mik va anit ranam ” di Việt Phú, urang vak di rayo sap ndom VN. Daa mik va song tong abih gauk tui pang.