Abaih hatung hatian kak kajap haong ilamo bangsa oh njuak lac thei jeng hu, kayua lac abih hatung hatian thaoh jeng oh ka ginup bo daok brei hu hatai takre, roh duah, khik piah, tacei pato meng biak biai khik hu kadha hu mong lac “Suan yava” di bangsa... Amuk HoàngThị Mai, bangsa Thái lac 1 urang yau nan. Kadha “Menuac gheih bruk siam” harei ini, daa mikva saong taong abih guak pang ka kadha vak di Việt Phú, urang vak di Rayo sap ndom VN ndom ka amuk:

Ong Thái Văn Âu, sa urang nong daok di xã bhum ceik Ma Nới, huyện Ninh Sơn, tỉnh Ninh Thuận hu ngak tabiak boh jamriak laok kanduh pilih asar tangei, dong ka mik va bangsa takik pak ni abih takik tuk vak song pren ngak. Dalam kadha “Menuac gheih bruk siam” khol hulin hu kadha vak di Việt Quốc ndom ka bruk ngak ni di ong, daa mik va song tong abih gauk tui pang:

Dom thun tapa, thau lac bruk bac megru song ngak tui jalan hadah krah siam mekre di Hồ Chí Minh meng dom bruk ngak sit sot yaok harei , saai Pi Lao Thương, urang bangsa Raglai, Bí thư Đoàn xã Phước Tân, huyện Bác Ái, tỉnh Ninh Thuận, tuk halei jeng ba akaok nao dahlau song hu rilo sahneng duah, ba bruk dam dara - uraniah di xã hu tani tanat siam mekre. Kadha“Menuac gheih bruk siam” adit ni, khol hulin hu kadha vak di Nguyễn Trung angaok báo Ninh Thuận ndom ka kreik camin ini:

Mbiah tal ini, bruk bac megru saong ngak tui jalan diukrai siam mekre di Chủ tịch Hồ Chí Minh hu urang jakar, urang đảng saong bhap bini di tỉnh Trà Vinh ngak tui tapa dom bruk ngak cambaic laic saong dak harei dak hu rilo urang hadah krah. Dalam nan, hu ong Thạch Dươl daok di palei Bà Giam A, xã Đôn Xuân, huyện Duyên Hải lac urang yau sa kareih camin hadah.

Pathau mikva saong taong abih gauk, njom tame dalam hatai panuac pato di Wa lac ngak urang jakar brei thau caik hatai sangka tal rahra, meng bruk ngak saong meng hatung hatian di drei, di tỉnh Bà Rịa– Vũng Tàu, ong Nguyễn Tấn Bản, Phó Chủ tịch UBND huyện Châu Đức tuk halei jeng nao jaik rahra, abih hatai iek glang rahra, abih di nyu nan lac urang kan kathaot daok di dom xã bhum atah bayah dalam huyện. Urang vak Lưu Sơn, daok di TPHCM hu khan ka urang jakar ini tapa kadha vak hadei di ini:

Dalam rai di drei, dahlak hu pato rilo anek saih, min bui sambai saong uan tabuan di bih lac pato hu 4 urang anek jeng menuac jeng urang. Nan lac panuac khan di ong La Thanh Nông, gru pato Sang bac tiểu học Phú Mỡ (huyện Đồng Xuân, tỉnh Phú Yên). Hadei di ini, lac kadha vak di Hà Kiều My ndom ka baoh sang Cam takre bac ini:

Dom thun tapa, urang hu angan je dalam bhum urang bangsa takik (DTTS) di huyện Lộc Ninh, tỉnh Bình Phước tuk halei jeng ngak siam bruk pathau khan, jhak ba bhap bani ngak siam jalan ba di Đảng, sarak hukum di karja, peih ngak siam adat hukum jalan tapen negar, daong ngak brei patagok bruk ngak mbang kinh tế, dak padang rai diuk ilamo puk palei. Ong Lâm Nho,bangsa Khmer, daok di ấp Cần Dực, xã Lộc Thành nan lac sa kareih camin yau nan. Kadha manuac gheih bruk siam adit ini, daa mikva saong taong abih guak pang kadha vak di Văn Hùng angaok harak báo Bangsa saong bhum ceik ndom ka ong ngan haong dom bruk ngak bak makna:

Dom thun tapa, anai gru Vũ Thị Việt Hoa, Akaok sang bac Tiểu học Quang Trung, ban Vũng Tàu, tỉnh Bà Rịa- Vũng Tàu oh lac ngak siam bruk pato bac bo dok jak ba urang jakar, urang đảng , gru pato ngak hu siam panuac pato di Wa Hồ dalam bruk padang sang bac pamong tal bruk “Kayua anek saih anit ranam”. Dalam kadha“menuac gheih bruk siam”harei ini , khol dahlak hu kadha vak di Lưu Sơn, urang vak di rayo sap ndom VN ndom ka kreik camin anai gru Vũ Thị Việt Hoa. Daa mik va song tong abih gauk tui pang:

Palei ngak lan am Hamu Traok - Bàu Trúc daok di ban sit Phước Dân, huyện Ninh Phước, tỉnh Ninh Thuận daok angaok jalan cakrok patagok, ba mai raidiuk bahrau ka urang Cam daok pak ini. Min piah “khik suan” ka palei ngak meng kan ini, brei hu dom anek menuac abih hatai jai … Kadha vak di Minh Triều – urang pambuak bruk haong kol dahlak yaih khan 1 dalam dom nghệ nhân caik abih hatai takre haong bruk ngak lan am saong lac urang ba jalan ka dom sang Cam di Bàu Trúc salih meng ngak lan am piah pandar tapa ngak lan am mỹ nghệ. Nan lac ong Đàng Xem - nghệ nhân duy nhất di palei Bàu Trúc hadah mbaok meta hu Akaok negar pok brei angan nghệ nhân ưu tú.

Di ban Đồng Xoài, tỉnh Bình Phước hu dom urang ngak nong halan hatian neh rabha meneing dom kein laba di drei, kaoh brei taneh piah ka karja palei ngak jalan, ngak ar pacang craoh, rik daong ngak brei hadah hadai mbaok meta đô thị, pagaong raidiuk ka bhap bini. Ong Phùng Tiến Quang daok di phường Tiến Thành lac sa dalm dom urang ngak nong yau nan.