Dom thun tapa, bruk patrun kathaot dalam bhap bini bangsa takik hu dom urang pan akaok tỉnh Bình Phước biak caik hatai sangka, saong hu maong lac bruk praong dang akaok. Rilo bruk pakacah gauk ngak mbang, pala drak dalam bhum bhap bini hu peih tabiak, tapa nan dak harei dak hu rilo urang naih gheih, rilo kreih camin hadah, hu rilo menuac bac megru, ngak tui. Dalam kadha “Menuac gheih, bruk siam” adit ini, kol dahlak hu kadha vak di Trần Thể - urang pambuak bruk haong rayo sap ndom VN daok di tỉnh Bình Phước brei thau ka ong Điểu Đấy, lac sa dalam dom urang ngak nong naih gheih yau nan, da-a mikva saong taong abih gauk tui pang: ​

Pathau mik va song tong abih gauk ! Yaom lac tukvak tapa, TPHCM hu rilo sarak, rilo jalan ngak piah daong ka urang jaoh jo hu bac bruk ngak, duah bruk ngak. Min tal urak ini, dom urang jaoh jo duah hu bruk ngak saong duah hu jien tani tanat jeng daok biak takik. Rilo urang jaoh jo yaom lac hu bac bruk ngak bloh min daok kan duah hu labik ngak, daok labik taduan tame ngak ye oh lagaih haong urang jaoh jo nan ye oh ngak hu suai lavik. Dom bruk ini hu brei thau dalam kadha vak hadei ini di Mỹ Dung, urang vak di rayo sap ndom Việt Nam daok di TPHCM.

Ikan lăng nha daok iew lac ikan lăng iku bhong nan lac janih ikan diuk dalam aia taba, ralaow mbong, pahe bingi saong hu rilo dinh dưỡng. Dahlau diah, janih ikan ini taong mek hu dalam kraong ribaong, oh ka raong piah pablei. Mboh hu hatai caong khin blei rilo janih ikan ini, di bhum cù lao Long Phú Thuận, sa urang nong roh duah saong lai tạo hu jeng janih ikan ini, piah pablei tabiak darak pasar. Nan lac urang nong Trương Văn Điền, daok di xã Phú Thuận B, huyện Hồng Ngự - tinh Đồng Tháp.

Meng hatai jia saong bruk kham merat di drei, saai K’Luận, thun ini 39 thun, bangsa Châu Mạ, daok di ấp 4, xã Tà Lài, huyện Tân Phú, tỉnh Đồng Nai…thau kham merat yam tagok dom kan kandah, tavak tave, saong puac di abih lac jak jeng hu mai tal ông. Oh lac ngak meda ka sang drei, ông daok lac urang tuk halei jeng halan hatian daong dom urang kan kandah gam yam tagok. Dalam kadha “Menuac gheih bruk siam”, kol dahlak lhu kadha vak di Đoàn Phú vak angaok báo Đồng Nai ka dom kham merat saong bruk rik daong di saai, daa mikva saong grauk yut tui pang: ​

Meng dom pandap panda biak sit sot, urang nyuk ia tram drei di ala mbat krong dalam, kakac duah yaok luabng patau, ghar phun … mek hu dom drei hadang ginraong hijao. Meng ilamu di drei, urang nyuk ia jeng “sát thủ” cap mek hadang ginraong hijao angaok krong Đồng Nai. Dalam kadha “Kreih camin hadah krah”adit ni , daa mik va song tong abih gauk taom gaok urang likei “thợ săn”biak gheih ni tapa kadha vak di urang vak di Xuân Lượng, urang vak di rayo sap ndom VN dok di ban raya . Hồ Chí Minh:

-Dalam jaik 30 thun tapa, ông Đàng Quang Dũng - Trưởng khoa thẩm mỹ nghệ thuật, danaok Thiếu nhi Quận 5, ban raya Hồ Chí Minh oh daok hadar drei hu pato tacei hadom rai uraniah bac daoh tamia ragam mengkan di bhapbini Cam. Ông hu padang kapul uraniah daoh tamia bangsa Cam “Hương Champa”, padang rilo tiết mục hu mbaok tame dom mbang pakacah di ban raya saong dalam bhum. Ông jeng lac po di rilo giải thưởng ka daoh tamia bangsa dalam dom thun tapa. Thun 2015, ông hadah mbaok hu karja alin angan Nghệ nhân ưu tú, pok meyaom bruk ngak saong dom rik daong di ong dalam bruk khik ramik saong patagok ilimo bangsa. Urak ini, daa mikva saong taong abih gauk pang bruk ndom biai nao mai di urang vak di rayo sap ndom VN haong Nghệ nhân Ưu tú Đàng Quang Dũng ka bruk khik ramik, patagok nghệ thuật bangsa tapa bruk pato tacei ragu daoh bhapbini, ragam tamia mengkan Cam ka uraniah:

Labaih 15 thun tari tarieng ngak mbang, kham merat kak kajap saong phun nho – yaom lac hu tukvak phun pala “độc tôn” di bhum taneh pandiak angin ini laik tame bruk trun takik, ông Nguyễn Văn Mọi (angan bhian ieu lac Ba Mọi) hu jak jeng. Meda ndom lac ông nan sa urang caik angan ka baoh nho Ninh Thuận. Baoh angan pang mboh biak mộc mạc di ông hu kak kajap saong angan nho hacih danei angan di darak pasal dalam taneh ia: Nho Ba Mọi.