Pathau mik va song tong abih gauk ! “Sa tanyaok drah brei nao sa rai duik hu dok veik”, thau hu makna prong glaong nan, luac 15 thun tapa, ong Thổ Phú bangsa Chơro daok di xã Bảo Quang, ban sit Long Khánh, tỉnh Đồng Nai tuk halei jeng halan hatain alin brei dom tanyaok drah bhong di drei piah dong ka urang ruak. Dalam kadha “Nmenuac gheih bruk siam” harei ni, khol drei pang kadha vak di Sông Thao vak angaok harak báo Đồng Nai ka kreih camin ni :

Huyện Bắc Bình- tỉnh Bình Thuận urak ni hu rilo pren khang daok kandauk dalam, siam lagaih jang labik karei, kayua taneh ngak nong biak rilo, thủy lợi jeng hu ngak siam, abih di nyu nan lac danao Sông Lũy dok peih ngak meda pasiam hu bruk thu lagu, khik ginup ia ka bruk pala drak, dalam nan hu bruk ngak nong pandar công nghệ glong. Daa mik va song tong abih gauk pang kadha vak di Kiều Hằng angaok báo Bình Thuận hu ndom tal dom kham merat di Bắc Bình dalam patagok bruk pandar công nghệ glong piah tagok bruk ngak nông

Mai quán café piah puec, piah ndom sap Anh saong prong jang lac, jien bac tok samu sa ly café. Nan lac bruk bac sap Anh di Talks Café 100% English, Đinh Minh Quyền -sa start-up mbluak di abih dalam thun 2018. Talks Café di urang likei 8x oh lac tok pamaong tal jalan ba mai kein laba bo daok caong khin ba mai rilo yaom glaong, rilo makna xã hội biak siam. Khaol drei nao taom gaok Minh Quyền saong chuỗi café sap Anh tapa kadha vak di Xuân Lượng, urang vak di rayo sap ndom VN daok di bal raya Hồ Chí Minh dalam kadha “Menuac gheih bruk siam” hadei ini:

# Di ban raya HCM, jaik pluh trieu bhap bini birau uan raok Tết salamat, bui sambai saong jum pataom; ngan saong kadha akaok thun birau nasak Pabui lac ba gauk yam tapa kan kandah piah yam tagok gah anak, ngak ka “Hòn ngọc viễn Đông” hadah tanjak grauk labik. Dalam dom harei akok thun birau, da-a mikva saong grauk ayut pang kadha vak di urang vak Sông Thao ka bruk kham merat di ban raya angan Wa dalam bruk peih ngak jak jeng dom Danak dak birau di thun 2019:

Pathau mik va song tong abih gauk : Mek hu angan urang siam binai Việt Nam 2017, bloh Top 5 urang siam binai dunya 2018, H’Hen Niê, anai bangsa Ê đê mai meng palei Sut M’đưng, xã Cư Suê, huyện Cư M’gar, tỉnh Đắk Lắk dak harei dak hu menuac urang anit ranam. Anai jeng urang ngak brei hadah mbaok meta urang Việt Nam jeng ye urang Ê-đê. Menuac urang biak anit ranam H’Hen Niê oh lac anai siam binai, khang kadang, raidiuk siam mekre, bo dok kayua dom bruk ngak hu makna bo anai ngak ka puk palei di drei. Nam Trang, urang vak di rayo sap ndom VN dok di bhum Tây Nguyên hu ba mik va song tong abih gauk mai palei Sút M’đưng piah mboh dom salaih bahrau bo H’Hen Niê ba mai ka puk palei di drei tapa kadha “dom bangsa adei saai ” harei ni:

Pathau mik va song tong abih gauk! Thun 2018, meng bruk ba tabiak labaih 1.200 tỷ đồng brei ka jiak 50.00 boh sang kan song jiak si kan mesraiy piah ngak mbang, pala drak, rong glang, paglaong rai duik, tal urak ni jien brei sraiy di Gilang pariak karja tỉnh Đăk Lăk lac labaih 4.200 tỷ đồng. Meng phun jien ni, dalam dom thun tapa, urang kathaot song dom urang dalam sarak karja hu jalan yam tagok, paglaong rai duik . Hương Lý, urang vak di rayo sap ndom VN dok di Tây Nguyên brei thau dom kein laba meng phun jien mesraiy ni. Daa mik va song tong abih gauk tui pang.

Ikan hô lac sa janih ikan ia taba dalam pajaih ikan chép. Ikan hô bhian hu ieu lac patao di dom janih ikan ia taba, hu drei trak tal 300 kg. Urak ni ikan hô pablei biak laik kayua nyu sản meda ngak jeng rilo pandap mbang bingi. Kadha “Urang ngak hamu cong thau” adit ni, daa mik va song tong abih gauk pang yaih khan ka bruk rong ikan hô piah pablei hu jak jeng di sa urang nong dok di huyện Tam Bình, tỉnh Vĩnh Long

Meng hadei di tuk padang tagok, rilo harei tapa gah pasang iek hỗn hợp 363 – Công an ban raya HCM chap mek hu rilo janih tôi phạm, abih di nyu nan lac tội phạm angaok jalan. Bruk hu mbaok di kaspul ni di angaok rilo jalan mbak ngak brei salih bahrau bruk an ninh trật tự di ban raya dahlau di tuk Tết Nguyên đán. Vinh Quang, urang vak di rayo sap ndom VN dok di ban raya HCM hu kadha vak ndom ka dom siam lagaih tuk camereip di kapul 363:

Pathau mik va song tong abih gauk! Yaom lac dok biak ranaih, oh ka hu pasang, min Y Byen daok di palei Piơm, ban sit Đăk Đoa, huyện Đăk Đoa, tỉnh Gia Lai taduan rong 2 uranaih njauk amaik ame klaak kayua adat cambat tanarakun. Y Byen var klaak haniem phol di drei, rong pato dom anek meng hatai anit ranam di sa urang amaik. Nguyễn Thảo, urang vak di rayo sap ndom Việt Nam dok di bhum Tây Nguyên hu khan veik dalikan ni tapa kadha “ Menuac gheih bruk siam” harei ni, Daa mik va song tong abih gauk tui pang.