Bruk pakacah Khoa học, Kỹ thuật pakat negar anek saih trung học thun 2018-2019 bhum gah Meraong hu peih tabiak di TPHCM bahrau tamat blaoh. 122 giải thưởng dalam thun ini brei mboh bruk sahneng duah, ndung bak kein lagaih hu ngak ka Ban giám khảo tatuak drei. Rilo anek saih phổ thông hu ba tal bruk pakacah dom công trình roh duah abih hatung hatian saong hatai caong pasiam raidiuk ka urang jaoh jo, urang ruak – dom urang yếu thế biak caong hu bruk sangka meng bol bhap rahra. Dalam kadha “Menuac gheih bruk siam” harei ini, daa mikva saong taong abih gauk pang kadha vak di Mỹ Dung – urang vak di rayo sap ndom Việt Nam daok di TPHCM ndom ka dom dự án biak hu makna ini: ​

Ngan haong dom urang jaoh jo, bruk eng drei khik ka rup drei hu ginup mbang ginup huak nan lac bruk biak kan kandah. Yau nan min, di bal Kon Tum, tỉnh Kon Tum hu sa urang jaoh jo kham merat yam tagok, meng yaok pluh thun ini mai gandi gandang buh tabiak rilo pren yava piah raong ba rilo urang jaoh jo karei hu rai diuk kan kandah jang. Urang nan lac sa-ai Đàn Văn Hồng, Akaok kapul ngak pahla Guitar 5. Piah thau cambaih jang ka bruk kham merat yam tagok jeng yau bruk ngak pahla di sa-ai, daa mikva saong taong abih gauk pang kadha vak di Khoa Điềm, urang vak di rayo sap ndom VN tapa kadha “Menuac gheih bruk siam” harei ini:

Meng lavik mai, bhap bani Raglai oh hu akhar vak karei nan ye gaok biak rilo kan kandah dalam bruk puac saong vak. Mong mboh dom kan kandah di mikva, amuk Mấu Thị Bích Phanh daok di xã Phước Đại, huyện Bác Ái, tỉnh Ninh Thuận hu roh duah tabiak jalan phát âm, jalan vak saong jalan puac dom ine akhar Raglai tui jalan La-tinh hóa. Amuk Mấu Thị Bích Phanh hu pambuak bruk haong dom urang ilamu trí thức Raglai dalam tỉnh, dom urang ngak gah ngôn ngữ học piah biên soạn bộ ine akhar vak Raglai ba tame pato ka urang jakar daok ngak bruk di bhum urang Raglai. Dom bruk ngak biak hu yaom ini di amuk Mấu Thị Bích Phanh hu Minh Triều – urang pambuak bruk haong rayo sap ndom VN daok di tỉnh Ninh Thuận brei thau dalam kadha “Menuac gheih bruk siam” harei ini, daa mikva saong taong abih gauk tui pang:

Pathau mik va tong gauk ! Yaom lac rai duik oh ka ginup meda hagait, min muk Thị Nêu dok di palei 2, xã An Khương, huyện Hớn Quản, tỉnh Bình Phước halan hatain brei yaok rituh mét vuông taneh bein paoak blait dok paik boh piah ngak jalan mbak nao mai dalam palei, dui điện pandar. Dalam kadha “menuac gheih bruk siam” harei ni, khol hulin hu kadha vak dia Ngân Hà angaok báo Bình Phước ndom ka kreik camin ni:

Meng hatai sahneng bahrau, gam saong bruk pataom mek ilamu tapa rilo kênh thông tin, Hồ Thị Viên, urang Banar daok di palei Pơ Nang, xã Tú An, ban sit An Khê, tỉnh Gia Lai khang hatai padang mbang ngui. Bruk padang mbang ngui di anai hu daong ka rilo mikva di bhum taneh thu lagu cao nguyên cakrok patagok kinh tế sang. Nan lac phun traong gai leo, jsa janih phun jru quý saong daok hu pablei khang di darak pasar.

Pathau mik va song tong abih gauk : Yaom lac rai duik oh ginup meda hagait, min ong Điểu Sách dok di palei 10, xã Thống Nhất , huyện Bù Đăng, tỉnh Bình Phước halan hatain brei labaih 250m2 taneh piah padang ngak baoh sang paprong jum pataom ka dom sang kan kathaot dalam palei oh hu sang daok. Dalam kadha “ Menuac gheih bruk siam” harei ni, hu kadha vak di Ngân Hà vak angaok mbao Bình Phước brei thau cambaih jang ka bruk ngak bak makna ni di ong Điểu Sách:

Luac 17 thun tapa, yaom lac gaok rilo kan kandah gah cơ sở vật chất yau balik bac, harak tapuk…., min meng hatai kham merat, baha Long Cát, xã Công Hải, huyện Thuận Bắc, tỉnh Ninh Thuận lac labik dong ka anek kamuan bhap bini Raglai kan kathaot pak ni thau akhar haroh; pabak ilamu ka dom adei khang takai yam tame rai duik, patui ngak dom caong khin dalam harei hadei. Piah thau cambaih jang ka dom bruk ngak siam ka agama, lagaih ka rai duik ni, dalam kadha “ Menuac gheih bruk siam” harei ni, khol hulin hu kadha vak di Phan Hiếu angaok mbao Ninh Thuận brei thau ka bruk ini di baha Long Cát.

Pathau mik va song tong abih gauk! Yaom lac yam tapa umo 60 thun, min muk Nguyễn Thị Thành, Akaok kapul urang kamei palei 2, xã Sông Trầu, huyện Trảng Bom, tỉnh Đồng Nai jeng dok abih drei hong dom bruk ngak di puk palei song bruk ngak pahla, abih di nyu nan lac dong ka dom boh sang kan kandah, urang taha dok sa drei. Kadha “ Menuac gheih bruk siam” adit ni, daa mik song tong abih gauk pang kadha vak di Văn Chính angaok harak mbao Đồng Nai ndom ka kreik camin ni:

Yaok pluh thun ini mai, urang bang K’Ho daok di xã Đông Tiến, huyen Ham Thuan Bac, tỉnh Bình Thuận thei jeng thau tal taha palei K’Blar. Yaom lac umo taha, min ong tuk halei jeng kham ba abih prein yawa piah ngak rilo bruk daong patruh iek patrun kathaot di puk palei.