Baha Phước Ân, phường Phú Thứ, quận Cái Răng, ban Cần Thơ hu sa tal bac biak karei, hu mikva pak ini iew lac “ Tal bac zero đồng”. Tal bac kayua sa urang gru pato Toán peih pato meng dua thun ini mai, pato brei saoh oh mek jien dom mon bac ka anek saih sang kan kandah daok dalam phường. Kadha vak di Xuân Đào angaok harak mbao điện tử Cần Thơ.brei thau ka bruk ini:

Meng hatai saneng brei nao tanjaoh darah ba brei hatai caong, labaih 15 thun tapa sa-ai Đào Anh Hải urang ngak di Công ty Xổ số kiến thiết tỉnh Lâm Đồng hu blaoh 30 mbang halan hatian brei darah. Meng dom rik daong brei ka bol bhap rahra, sa-ai bahrau hu pok angan urang brei darah hadah krah pakat negar mbang ka 14 thun 2020.

Diuk pasang ong Châu Ly saong muk Amina daok di Phường 2, Quận 8, TPHCM daok haong gauk hu labaih 30 thun. Nan jeng lac tukvak dua ong muk klah rabha ka guak dom bui sambai jeng yau dom rambap rambeip, ba gauk pabak haniem phol, raong anek jeng menuac jeng urang. Pahadar Harei Baoh sang Viet Nam 28/6, urang vak di rayo sap ndem VN daok di Ban raya HCM hu kadha vak ka baoh sang bangsa Cam hadah krah ini

Dom thun mai ini, yaok page mesup, ong Nguyễn Văn Cẩn daok di khu phố 3, Jalan roya 1K, phường Linh Xuân, quận Thủ Đức, TP.HCM medeih biak yon puh bah hacih hareik labik jalan anak sang, ngak brei hacih sa-at ka khu phố 3.

Sa-ai Lý Phúc Hưng, urang bangsa Dao daok di palei Soi Hà, xã Xuân Vân, huyện Yên Sơn, tỉnh Tuyên Quang hu jeng urang biak kaya meda biak biai dalam palei ini meng hatai kham merat ngak kaya meda.

Jiak 2 thun ni mai, yaok melam , ong Lê Thanh Tùng, umo 43 thun dok di quận 12, TPHCM nao grauk labik di ban raya piah bal kong radaih, tuh xăng song pasiam veik radeih brei saoh ka urang oh patuah gaok bala angaok jalan . Kadha “menuac gheih bruk siam” harei ni, hu kadha vak di My Lăng angaok báo Tuổi Trẻ, ndom ka ong haong dom bruk ngak biak mekre ni, daa mik va song tong abih gauk tui pang

Dom harei tapa, anek saih , menuac sia di xã Thăng Long (huyện Đông Hưng, tỉnh Thái Bình) jeng dok khan brei gauk pang bruk sa anek saih duan hu jien bayar veik ka urang laik lahik . Nan lac adei Nguyễn Việt Hùng, anek saih tal 3B, sang bac tiểu học song THCS Thăng Long. Dalam kadha menuac gheih bruk siam adit ni , khol drei ngak krein song kreih camin anek saih ngak bruk siam ni tapa kadha vak di Xuân Phương:

Mikva urang pang rayo anit ranam! Di umo 69 thun, amuk Nguyễn Thị Thủy, daok di palei Bản Pình, xã Trung Minh (huyện Yên Sơn, tỉnh Tuyên Quang) patagok hu bruk “umo thun glaong, kreih camin hadah”, rik daong biak rilo tame bruk pacang, caga jit Covid-19 dalam palei.

Lac urang bangsa Khmer, ndih tapui tabiak saong praong tagok di bhum palei Sóc Trăng daok rilo kan kandah, min sa-ai Sơn Thái Vĩnh, Bác sĩ Chuyên khoa I, Phó kaok Khoa Ngoại Sang iek ruak Quận 4, Ban raya HCM biak kham merat yam tapa dom kan kandah, oh padeih bac megru biak ka naih joi. Urak ini, dom caong khin di sa-ai hu jeng biak tuk sa-ai rik daong preih di drei tame piah iek glang prein yawa ka bhap bini.

Meng hatai sahaneng mbuan mbiah lac:“Brei pagap rup drei tame dom urang ruak saong gauk gar di urang ruak,tuk khin hu darah piah diuk hu, meng mboh abih makna di bruk brei darah daong manuac”, lac panuac ndem di sa-ai Nguyễn Thị Bình ndih tapui thun 1975, daok di puk 6, xã Đồng Tâm, huyện Đồng Phú, tỉnh Bình Phước. Meng hatai sahaneng yau nan, sa-ai Bình hu blaoh 40 mbang halan hatian brei darah, rik tame daong urang ruak hu diuk veik. Kadha“Manuac gheih bruk siam” harei ini, khol hulin dahlak hu kadha vak di Khắc Bảy angaok harak mbaok Bình Phước hu ndem tal urang siam hatai ini: