Di sa huyện bhum glaong dalam tỉnh Phú Thọ hu dom tal bac biak karei, pak nan, hu dom anek saih bangsa takik meda bac saong ndom sap Enkrit biak gheih. Nan lac kham merat di anai gru Hà Ánh Phượng, gru pato sang bac THPT Hương Cần, urang hu ba mai ka dom anek saih bhum glaong hatai takre bac sap Enkrit ngan haong “Tal bac tapa negar”. Meng dom sahneng duah dalam pato pakai, anai gru Hà Ánh Phượng lac sa dalam 10 urang ranaih umo di Việt Nam hu Kapul dam dara CS Hồ Chí Minh pakat negar pok meyaom dalam bilan Dam dara thun ini. Kadha Manuac gheih bruk siam adit ini, khaol drei pang kadha vak di urang vak di rayo sap ndom VN ndom ka anai gru Hà Ánh Phượng:

Bác sĩ Trần Anh Tú lac sa dalam 10 urang mek hu giải thưởng Urang ranaih umo Việt Nam hadah krah thun 2020 kayua Kapul dam dara pakat negar alin brei; taduan harak pok meyaom di mintri ilamu công nghệ song mek hu angan gru jru ranaih Việt Nam hadah krah. Kadha Menuac gheih bruk siam harei ni, khol drei pang kadha vak di Hà Thanh angaok mbao Tuổi Trẻ yaih khan ka kreik camin bác sĩ ranaih umo tuk halei jeng hu mbaok di dom labik pandiak piah rik dong jhul kandun likuh jit ruak:

Meng ia nerak tathuak di dom sang mac ngak kaya ikan, Nguyễn Hữu Huy Hào- urang likei ndih tapui thun 1995, urak ni lac akaok CLB padang mbang ngui Salih bahrau Sáng Tạo ban Cần Thơ, hu roh duah, ngak tabiak hu gluh vi sinh siam ka phun pala. Jalan saneng ni mek hu giải nhì bruk pacacah sáng tạo padang mbang ngui di sinh viên dalam negar thun 2016, peih tabiak jalan ba Huy Hào ngak hu rilo bruk ngak nong hacih hu kein laba jang.

Yaom lac umo thun prong, min meng hu rilo ilamu dalam rai diuk, thau cambaih ka adat cambat tanarakun, ilamo bangsa, nan ye sư cả Thông Trận tuk halei jeng hu mikva dalam palei Yang Mau, xã Hàm Trí (h.Hàm Thuận Bắc, tỉnh Bình Thuận) jia tui, anit ranam. Kadha “menuac gheih bruk siam” harei ini, khaol drei ngak randap haong ong Gru hu angan je dalam bhap bani Cam di palei Yang Mau tapa kadha vak di Thùy Linh:

PGS.TS. Trương Thanh Hương, urang ilamu Viện Tim mạch, Sang iek ruak Bạch Mai ( Hà Nội) lac sa dalam dom urang ilamu, gru pato hu angan je gah y khoa di Việt Nam. Sa dalam dom jak jeng siam mekre njauk caik hatai di sa-ai nan lac padang hu bruk dut iek ruak, taong ruak saong tui iek ruak tagok cholesterol darah di urang dalam baoh sang di Viet Nam saong jao brei ka dom labik iek ruak. Kadha “Manuac gheih bruk siam” harei ini, hu kadha vak di Phương Thoa khan ka urang kumei abih hatai:

Meng hatai caong khin ngak kaya meda angaok bhum taneh palei drei, sa-ai Châu Thị Xéo (xã Phước Hải, huyện Ninh Phước, Ninh Thuận) oh padeih bac megru, roh duah padang bruk pala phun rabung hijao angaok taneh cuah brei kein laba glaong, saong daong ka rilo sang urang Cam cak rok patagok kinh tế baoh sang.

Di xã Vĩnh Đại, huyện Tân Hưng, tỉnh Long An, mikva urang ngak nong thei jeng thau saong iek praong ong Nguyễn Văn Thơi, lac sa urang nong hu angan je di palei. Labaih 40 thun tapa, ong haong diuk anek hu peih taneh bilau, ngak pasiam bhum taneh njom likhun, daong ka rilo mikva dalam palei ba gauk ngak kaya mada angaok bhum taneh tapen negar atah bayah.

Ngan song urang bangsa Thái Tây Bắc, kubao lac sa dalam dom drei athur rong biak hu yaom glaong dalam rai duik di bhap bini. Kayua kubao lingiu di bruk dong ka mikva ngak mbang pala drak, dok lac drap ar prong di dom boh sang. Iek prong kubao nan ye meng kan mai, bhap bini bangsa Thái Tây Bắc hu adat kakuh kubao piah thau dar phol kubao hadei di tuk li-ua drak bloh. Kadha dom bangsa adei saai adit ni, daa mik va song tong abih gauk pang kadha vak di urang vak Đức Anh yaih khan ka adat kakuh kubao di urang bangsa Thái:

Yaok pluh thun tapa, di bhum palei atah bayah di tỉnh Hậu Giang hu sa urang nong bilan ni tapa thun deih pambuak pagam song yaok rituh drei kabau. Drei kubau hu dong ka urang nong ni meng kan kathaot jeng kaya meda song jien mek tame yaok thun yaok tỷ đồng. Oh lac ngak kaya meda ka rup drei, urang hu brei angan lac “patao kabao” miền tây dok hu dong ka rilo sang kaya meda tagok song rik dong ka puk palei padang ngak sang anit ranam. Dalam dom harei akaok thun bahrau anek sak kubao ni, daa mik va song tong abih gauk mai rivang “patao kubao” Nguyễn Hồng Ngự tapa kadha vak di Tấn Phong- urang vak di rayo sap ndom VN dok di bhum taneran krong CL:

Meng hatai khin saneng, khin ngak, saai Hạng Thị Sú daok di bản Tỉnh B, xã Xá Nhè, huyện Tủa Chùa (tỉnh Điện Biên) kham marat roh duah ilamo peih ngak dom bruk cak rok patagok kinh tế dalam sang piah yam tagok tabiak truh kathaot. Lingiu di bruk lac urang ngak mbang naih joi di palei, saai Sú daok lac urang đảng daok ranaih, ba akaok nao dahlau, abih drei haong bruk ngak di palei pala.