Bruk ngak hu siam di Danak dak 8 dalam danak dak pakat negar patagok kinh te-xa hoi bhum mikva urang bangsa takik saong bhum ceik tukvak bahrau blaoh lac sa “bruk patagok njauk ndom tal” ngan haong kadung jien saong bruk ngak karei ka bruk lakei kamei samu gauk, min TS. Phạm Thái Hưng, urang ilamo langyah sarak ndom lac kham merat ini lac “oh ka tal”. Thaik thaot taong abih brei mboh, dalam tuk Danak dak 8 tok meblah labaih 1,4% taong abih prein ngak di danak dak pakat negar pâtgaok kinh te xa hoi bhum urang bangsa takik saong bhum ceik, dalam nan hu dom danak dak saong danak dak sit karei. Tien si ndom lac: “anak meta oh ka sangka atau biak oh lagaih ka bruk pagam lakei kamei.”

Bruk ini ba tabiak sa kan kandah praong, kayua naong trak ngak ka bruk lakei kamei samu gauk di bhum mikva urang bangsa takik mada kan si ngak sa danak dak haong prein ngak saong bruk ngak daok kurang.

Anak bruk nan, TS. Phạm Thái Hưng ndom ka sa bruk njauk langyah dahlau ka tukvak anak tal: Brei ka hu bruk salih karei mbuan mbiah abih ka bruk ngak. Meyah khol drei oh hu bruk salih ka bruk ngak pambuak tal bruk ngak lakei kamei samu gauk dalam tukvak anak tal, ye biak kan piah khol drei ngak hu jalan ngak ka bruk lakei kamei samu gauk yau hu ba tabiak. Jalan langyah hu ba tabiak lac “pagam lakei kamei tame taong abih danak dak, dom danak dak sit saong dom asal kadha bruk ngak di danak dak”.

Piah bruk pagam oh padeih gilac di jalan ngak, brei hu tacei ba cambaih laih di dom mentri, dom gah dang ngak dom danak dak, dom danak dak sit, asal kadha thanh phan, ngan haong bruk dui ba di Jabat Dui ba danak dak. Taphia bruk salih bruk ngak di pakat praong prang, dom bruk ba tabiak di TS. Phạm Thái Hưng daok tame dalam bruk salih bahrau bruk peih ngak cambaih laih:

"Brei mboh veik labik saong urang njauk caik dahlau: Ngan haong dom danak dak “phan mem” yau paglaong prein ngak saong truyen thong (meng nan mai lac bruk hu makna di Danak dak 8), brei salih meng bruk ngak tui labik biak kan kandah (bhian caik dahlau bruk buh jien tame “phan cung”) tapa bruk ngak ka urang cambaih laih njauk daong; Paglaong siam lagaih truyen thong: Brei “patagok saong jhul tagok kadha ka lek taka so, “min hu makna jang lac brei khik kajap prein ngak tapak ka dom kapul truyen thong pambak tame bhap bini”."

TS. Phạm Thái Hưng tacei cambaih laih dom bruk kanjah urak ini: “Khol drei padang dom kapul truyen thong, caga loa…min anak meta lac siam lagaih tapak dalam truyen thong ye oh ka salih rilo, kayua khol drei oh ka hu jien piah meda hu ngak danak dak”. Langiu di nan, daok rilo asal kadha kanjah karei oh njauk piah sangka:

"Bruk bac pasram ka bruk lakei kamei samu gauk daok laik tame bruk “gam labaih, gam kurang” – labaih dom asal kadha palak veik, thaik thaot langiu oh lagaih; kurang dom ilamo lagaih, dom bruk ngak hadah krah. Brei salih tapa “paglaong prein ngak tui jalan ngak” salih ka dom bruk bac pasram majua, piah biak caga ka kapul urang jakar dom pakat ilamo pagam lakei kamei hu siam lagaih tame bruk yaok harei."

TS. Phạm Thái Hưng likau Trung uong Kapul Urang Kamei Viet Nam brei ngak bruk rilo haong Jabat Dui ba Danak dak pakat Negar saong dom mentri, dom gah hu pambuak piah khik kajap lac, pasak ka lakei kamei brei hu pagam biak tani tanat, lagaih tame taong abih dom danak dak, njauk haong banah bahrau. Atau, njauk brei khik tani tanat sa kapul ngak bruk karei, sa labik dang cambaih laih ka bruk ngak lakei kamei smu gauk saong langyah dom asal kadha samar chip ngan haong urang kamei saong uranaih, meda maong iek caik dalam banah patagok gah prein ngak yau sa jalan langyah njauk lagaih.

Meda mboh lac, biak njauk hu bruk khik tani tanat jeng yau bruk jhul tagok khang kajap jang veik dom asal kadha pagam lakei kamei dalam dom asal kadha di danak dak dalam tukvak anak tal, yaom lac jalan ngak di danak dak hu yau halei. Ini oh lac hatai caong di urang ilamo bo daok lac caong takre di bol bhap rahra, abih di nyu nan lac urang kamei saong uranaih bhum urang bangsa takik saong bhum ceik, ka sa harei hadei patagok samu gauk saong karo kajap jang./.