Malam 2/7/2026, Ban raya Ho Chi Minh peih ngak danak dak tatua papar binguk gheih karei hu angan “Hadah tanjak angan Wa Ho”, di harei pahadar 50 thun Harei Ban Sai Gon – Gia Dinh hadah mbaok meta mek angan Chu tich Ho Chi Minh. Danak dak gam haong rahra bhap bini maong veik luac jalan 50 thun padang saong patagok di Ban raya mek angan Wa Ho, pambak hatai di mikva bhap bini dalam negar brei ka Ban raya Ho Chi Minh.

Quan khu 9 bahrau peih bruk pok jao, taduan raok saong ba mai palei 12 tau talang liet si bol lin halan hatian, urang ilamu Viet Nam labuh trun dalam dom jaman mesruh metak di Campuchia dalam bhum taneh tinh Kampong Chhnang vaktu bilan thu 2025-2026. Thieu tuong Huỳnh Văn Ngon, Phaok Chinh uy Quan khu 9, Akaok Mban tacei pato 515 Quan khu 9 khang panuac lac, kadha mek hu dalam bruk roh duah, pataom mek tau talang liet si nan lac brei mboh talei rohim pambuak bruk meng kan mai, pambuak bruk nao mai khang kajap di dua taneh aia Viet Nam – Campuchia.

Page 2-7, Adat pok Chân phước ka linh muc Trương Bửu Diệp hu peih ngak praong prang di Pasak Hanh huong Tắc Sậy, xa Phong Thạnh, tinh Ca Mau, hu mbaok di labaih 70.000 urang tui aguma saong tuai damuai mai rivang iek. Ini lac mbang akaok meti adat pok Chân phước hu peih ngak di Viet Nam, salih di Vatican. Hadei adat pok Chân phước, adat patui veik haong banah pang tui ngak tui panuac di Po, ngak tui Thánh Thể saong dom adat di aguma Kong yao.

Hadei di 5 thun peih ngak danak dak jalan ngak pakat negar patagok bruk ngak mbang kinh te – rah ra bhum urang bangsa takik saong bhum ceik vaktu 2021 – 2025, tỉnh Lâm Đồng patrun hu 50.000 baoh sang kathaot; jien mek tame kuhria tui akaok manuac bhum urang bangsa takik mek hu meng 45 - 47 trieu ndong/urang/thun. Akaok Mentri Bangsa saong Agama Nguyễn Đình Khang ndar tỉnh Lâm Đồng pataom tame peih talaih dom tavak tave ka bruk peih mek phun jien; jhul pakhang bruk parabha bruk ka pakat ala; brei ngak dahlau dom bruk daok caong khin ngak samar drah, pataom pren peih ngak 55 danak dak aia hacih pandar pataom, 19 danak dak ndien, gom truac hadah saong daong ngak sang danaok ka dom baoh sang kan kandah abih di 218 palei biak kan kandah.

Tui Balai Kuhria dut iek Langik tasik Kraong ribaong bhum Meraong negar, dom harei anak tal hu hajan angin, rah tabiak rilo di var biar harei, malam saong lavik malam. Hajan praong rah tabiak di rilo labik, hu hajan angin saong tathro, hu labik hajan praong, hajan biak praong pataom di sa labik; hajan pataom rilo di var biar harei, malam saong lavik malam hu tanut meng 20-40mmm, hu labik hu hajan biak praong labaih 90mm. Dalam dom mbang ribuk tatho, bhap bani rahra patui veik brei caga angin khang, jakala, hajan patau saong angin ndaoh khang.

1.000 harei mbang mesruh metak Gaza hu mek nao rup diuk di labaih 73.000 urang Palestin, labaih 173.500 urang njauk rambuis saong ngak khut khat labaih 90% ha tang co so di Gaza. Langiu di nan, jaik labaih 9.500 urang daok lahik. 1.000 harei mesruh metak jeng ngak tayah tayac labaih 410.000 baoh sang, ngak ka jaik 90% bhap bani Gaza, oh daok labik daok saong njauk likau panduan nao daok di labik karei. Xung đột còn bùng phát giữa Israel với lực lượng Hezbollah ở Lebanon, Phong trào Houthi ở Yemen và đặc biệt là Cộng hòa Hồi giáo Iran.

Langik oh lagaih patui veik rah tabiak srau kadau di rilo labik dalam dunya brei mboh bruk pambuak dak harei dak catang di bruk langik salih karei. Karja bhum Veneto di Pur Barak Italia hu ba tabiak bruk samar chip kayua pandiak bhang dalam tuk hajan dalam 5 bilan akaok thun ini patrun labaih 28% dut saong tukvak ini thun dahlau. Dalam tuk nan, Trung Quoc daok pandiak tagok samar jang tanut kuhria rah tapa dalam dunya. Daok di labik Tay Phi, hajan praong ngak ia sua trak, ngak tagok bruk khat lahik ka meuac urang saong drap ar jien padai.

Blah ao taka 10 huyen thoai “Patao caoh mbanh” Pele cuk di Mbang chung ket World Cup 1958 daok brei tagok san to yaom di New York, My saong yaom hu ba tabiak meng akaok mereip nan lac 1 trieu USD. Mbang to yaom meda tamat dalam harei 16/7 anak tal. Ini lac blah ao sambo hijao tasik bo urang caoh mbanh Pele hu cuk dalam mbang chung ket World Cup dak rai sajarah di Brazil saong Thụy Điển harei 29/6/1958. Pele – tuk nan tok bahrau 17 thun  – hu caoh tame dua mban jayak, daong ka Brazil taong lah po sang Thụy Điển ngan haong ty so 5-2 piah mbang akaok mereip yam tagok labik dang akaok dunya.