Oh lac daok cang urang jakar tacei pato yau dahlau, urak ini bhap bani mai tal Pasak duh ngak harak karja xa Lai Hoa barau mai jaik tal jamariak Robot AI, sua tangi ka harak ba-ar caong khin ngak, hadei di dom bruk khin ngak, robot meda tacei pato cambaih laih dom janih harak ba-ar njauk kuhria caga dahlau, jalan ngak saong labik pataom mek harak ba-ar brei ngak brei ka harak gal.

Oh, lac tok daong ka bhap bani, Robot AI daok hu jeng "uradaong - tro ly" biak siam ka urang jakar di Pasak duh ngak harak gal karja. Meyah lac dahlau diah, yaok harei urang jakar njauk buh tabiak rilo tukvak masa piah tacei pato ka yaok bhap bani ka dom harak ba-ar, jalan ngak ye urak ini dom bruk ngak nyu hu ngak nao ngak mai ye hu Robot AI dang tabiak ngak. Amuk Nguyễn Thị Doan, urang jakar Pasak duh ngak Hanh chinh kong harak gal karja xa Lai Hoa, ngak gah ho tich  saong chung thuc, brei thau:

"Tuk hu anek robot ini tacei pato ka bhap bani ye patrun meneng tukvak masa piah ka drei tacei pato harak ba-ar ka bhap bani, daong ka drei hu tukvak masa piah pataom tame ngak dom bruk tui bruk khin, langyah samar harak ba-ar saong samar ba-yar brei thau bruk khin ngak, daong mek hu baoh jeng siam mekre jang. Hu robot daong ye meda patrun hu meneng tukvak masa brei ka drei meng 60 tal 70% bruk tacei pato meng akaok".

Baoh jeng siam mekre di bruk ngak ini hu brei mboh tapa dom baoh taka biak mekre. Dalam 6 bilan akaok thun, Pasak duh ngak harak karja xa Lai Hòa taduan mek hu labaih 3.600 harak ba-ar, dalam nan hu jaik 100% harak ba-ar ngak meng online. Kadha langyah njauk saong dahlau di vaktu masa mek hu jaik taong abih bruk. Ini lac baoh jeng siam mekre di vaktu jhul pakhang bruk panduan salih laik taka, pandar ilamu saong oh padeih salih bahrau bruk ngak duh ka bhap bani di palei.  

Langiu di Robot AI, rilo bruk ngak pasalih barau brei ka gah harak gal karja di xa Lai Hòa jeng daok patagok baoh jeng siam mekre, yau tacei pato ngak harak ba-ar tapak angaok Pabah Jitvu karja negar, mek taka patui gauk tapa Zalo Official Account di UBND xa saong peih iek video tacei pato peih ngak harak ba-ar gah harak gal karja nagar.  

Piah patui bruk patagok baoh jeng siam mekre dom bruk ngak ini dalam tukvak masa mai meng anak daok tal, xa Lai Hòa hu brei mboh panduan salih taka nan jeng lac sa dalam dom bruk ngak pasak. Ong Trần Trí Vân, Akaok UBND xã Lai Hòa, brei thau:

" Tukvak anak daok mai tal ye gam haong xa Lai Hòa meda patui bruk brei ngak cambaih laih dom sarak di Trung ương, di Thanh uy saong danak bruk di Uy mban bhap bani ban raya. Pataom tame ka klau ghang jameng nan lac kinh te taka sok, rahra taka saong raja-ei taka sok. Dalam nan meda paglaong bruk ngak jitvu karja meng online, pandar glao akaok manuac - tri tue nhan tao dalam bruk langyah harak ba-ar karja nagar, padang ngak dom bruk panduan salih taka ka nyu biak biai, mek hu baoh jeng siam mekre, rik daong duh ngak ka siam bruk khik iek puk palei saong hatai caong khik cak rok patagok kinh te – rah ra, paglaong rai diuk bhap bani, daong ka xa Lai Hòa cak rok patagok samar saong khang kajap".

Meda mboh lac, tuk bruk ngak kong hu pandar njauk tuk, njauk hatai caong khin, yaok harak ba-ar hu patrun katut tuvak masa ngak, bhap bani patrun meneng tukvak masa saong jien ndo nao mai, daok urang jaka hu jang tukvak masa piah pataom tame paglaong bruk ngak di drei piah duh ka bhap bani. Dom salih bahrau di xã Lai Hòa daok dak harei dak ngak ka bruk ngak sarak karja nagar bahrau jang, jaik taphia bhap bani saong duh ka bhap bani dak harei dak siam makre jang./.