Meng harei 1/7/2025, hadei pagam bhum bhaok palei pala haong Binh Duong saong Ba Ria - Vung Tau, TP.HCM hu jeng ban raya biak prong saong hu labik dang biak prong dalam bruk ngak mbang kinh te negar. Piah patagok pren khang nan, rilo panuac brei thau ban raya njauk hu jao brei adat ginup khang piah peih nga dom danak dak, bruk ngak hu asal pambuak pagam bhum taneh.

Hukum Banda raya biak karei hu caik karei Chuong VII brei thau ka bhum taneh banda raya biak karei saong sarak pambuak pagam patagok bhum taneh. Tui di nan, bruk pambuak pagam hu peih ngak tui jalan ngak njauk hatai haong gauk, brei thau cambaih laih, njauk ngak ka nyu laik haong gauk bruk quy hoạch, ha tang saong peih tabiak labik cak rok patagok piah langyah dom kadha pambuak pagam labik blaoh yaok puk palei kan si langyah hu. GS.TS Nguyễn Trọng Hoài, urang dahlau diah dang akaok sang bac Univesiti Ekonomi TP.HCM taong yaom, Kadung jien Cak rok patagok bhum taneh njauk hu rilo halaw karei di gauk salih ka tok pambak tame kadung jien karja nagar.

“Kapul nyaom urang parabha bhum taneh hu mblang taneh piah cak rok patagok pakakai ha tang pambuak pagam bhum taneh saong khaol drei peih ngak samar dom danak dak pambuak pagam tal puk palei hu asal pagam gauk saong phun jien pachreih ralo urang buh prein tame ka nyu rilo jang. Pagap yau phun jien di TP.HCM saong dom puk palei, phun jien gah PPP, phun jien gah pachreih meng taom gaok bahrau meng TOD tapa kali ha tang”

Ginum biai nao mai haong urang VOV, TSKH.KTS Ngô Viết Nam Sơn brei thau, hadei di peih prong taneh riya langik tasik cak rok patagok, bruk ngak rilo pasak nan lac jalan nao njauk di TP.HCM. Bình Dương tui di nan jeng pasak ngak kong pakat glaong; labik Ba Ria - Vung Tau pambuak pagam haong Can Gio ngak jeng jalan banda tapein tasik, pabah lamnge tasik saong labik logistics; Ndong Nai patagok pren khang meng pabah mblang kapal haok dunya Long Thành; Tây Ninh hu jeng pabah mbang pambuak pagam jalan ngak mbang kinh te xuyen Á bruk ngak mbang haluh Asia tapa pabah negar Moc Bai.

Piah peih ngak biak biai bruk ngak ini, Hukum nagar Banda raya biak karei njauk ba tabiak sarak piah TP.HCM pok likau saong parabha dom danak dak cak rok patagok ha tang pambuak pagam bhum taneh, pambuak pagam pabah lamnge, mblang kapal haok saong pabah bambang nagar.  

 “TP.HCM yau ye sa labik pal akaok ba jalan nao dahlau. Bruk ngak ini meda ba mai kein laba prong ka taneh aia kayua lac TP.HCM tuk nan oh lac hala dok ba akaok nao dahlau di bruk rik daong ka kadung jien karja blaoh dom tinh, ban jaik taphia jeng meda cak rok patagok samu, KT – XH cak rok piah gam gauk rik daong brei ka bruk cak rok patagok di taneh aia”.

Jeng dreih hatai saneng yau nan, TS Trần Du Lịch brei thau hadei di tuk ba pataom 3 tinh, ban, TP.HCM bahrau meda ba mai rilo baoh jeng siam mekre jang dut haong pagam gauk yau ye "1 + 1 + 1 > 3". Tui TS Trần Du Lịch, kadha prong nan lac njauk dak padang jamriak hanh chinh ginup pren khang piah peih ngak ka nyu siam mekre, langiu di nan brei buh jien tame ngak dahlau dom danak dak ha tang pambuak pagam ka nyu atah dhua.

“Njauk dak padang hatai jia suai lavik, dak padang jamriak  hanh chinh ka nyu siam, pabak hu hatai caong khin peih ngak siam mekre Hukum ban raya biak karei ngan haong ban raya ini. Pataom tame pren khang cak rok patagok dom ha tang ka nyu atah dhua, jalan mbak nao mai hu pambuak pagam gauk, mejam pabah ngak mbang saong nagar langiu, pabah kapal haok, mejam pabah tasik kaoh, logistic di bhum saong pambuak pagam bhum saong njauk mek hu tanut ba tabiak nan lac patrun jien brei ka logisctic yaok thun. Grap tanat tukvak ba tabiak saong vaktu masa padang ngak”

Labaih 50 thun hadei di taneh aia pahasa baoh nagar gam saong 50 thun Ban Sai Gon - Gia Định hadah mbaok hadah meta mek angan Wa Ho Chi Minh, TP.HCM daok dang anak dak rai sajarah piah uak brei yam tagok. Caong khin jeng ban raya prong hu pren meriak gauk khang di labik, kadha caong khin akaok mereip nan lac njauk hu sa khuon kho adat hukum ginup khang, jao brei ginup adat piah ka TP.HCM patagok hu bruk dang akaok, ba jalan pambuak pagam bhum taneh saong ngak jeng pren khang cak rok patagok bahrau ka taneh aia nagar./.

*Panuac langyah brei caik hatai:

- Luật Đô thị đặc biệt: Trao quyền để TP.HCM dẫn dắt phát triển vùng

-Hukum nagar Banda kota: Jao brei pan bruk piah ka Ban raya HCM ba jalan patagok bhum taneh