Ong Phạm Xuân Nhàn, urang daok di palei Tân Long, xa Châu Pha (Ban Phú Mỹ, Ba Ria – Vung Tau klak) brei thau, bhum palei ini salih biak rilo. Karja palei hu pataom buh tame padang ha tang, jalan ba tame labik daok di rahra hu karo kajap laneng lanoi, hacih sa-at. Bhum palei jeng sangka iek praong ngak siam dom sarak gal brei ka bruk daok dang mbang ngui, patrun kathaot karo kajap saong sangka brei ka raidiuk rahra. Puac thun 2025, xa oh daok sang kathaot tui tanut chuan kathaot rilo gah di Ban Raya Ho Chi Minh, jien mek tame di rahra hu tagok glaong, raidiuk mikwa dak harei dak cakrok. Ong Nhàn ndom meyai lac:

"Dahlak mboh bruk salih biak praong, rilo di nyu hu meng lac dom thun jaik di ini. Salih ka ha tang jalan mbak, dom danak dak dalam rahra hu padang yau ye: sang bac, balai y te. Gam tui di nan, raidiuk di rahra salih samar, bruk  mbang ngui tui dom danak dak ilamo, xa hoi di rahra ye hu tagok samar drah dut saong dahlau".

Daok di xa kaoh pulao Long Sơn (Ban Vũng Tàu klak), rahra mboh yaok harei ka bruk meda di sa baoh ban baok medin di harei hadei. Ong Nguyễn Văn Lèo, umo 72 thun, daok di palei 1, xa Long Sơn brei thau, bruk dalam harei hadei xa Long Sơn jeng phuong hu rahra biak njauk atai daong prein. Tuk jeng phuong, halai tame labik di ban medin praong ban raya Ho Chi Minh, rahra Long Sơn je tame karja daok caik hatai ieik glang sangka, paglaong patagok raidiuk, brei bruk ngak tani tanat ka anek kamuan baoh sang mbang tui sarak karja, urang hu buh prein ngak katmang.

"Hatai caong di rahra lac biak praong, likau bhum palei hu iek ginup, meng nan hu jalan langyah brei bruk ngak piah brei ka rahra. Tui dom sarak jeng yau nan, sangka bruk ngak ka anek kamuan urang joh jo thuong binh, baoh sang hu urang klak rup ka taneh ia bhap bini … ieu lac bruk njauk caik hatai saneng kuhria".

Xa Châu Pha hu padang meng bruk pagam xa Châu Pha dan saong xa Tóc Tiên. Xa lac labik hu makna dalam bruk patagok gah ngak kong, ban medin saong jitvu logistics di Ban raya; patui di nan khik bruk ngak akaok pambuak di labik pabah tasik Cái Mép - Thị Vải gam haong dom pasak ngak kong, majam jalan mbak pambuak bhum palei saong Mblang kapal ahaok par pakat dunya Long Thành.

Ong Phan Minh Hợp, Akaok UB Bhap bini xa Châu Pha brei thau, bruk salih meng pakat xa tapa pakat phuong brei kein lagaih piah pasiam kapul ngak bruk karja ban medin; paglaong bruk ngak hu, siam lagaih brei ka bruk pasang iek di karja; pabak hatai caong iek glang dil tui tukvak tagok ban medin drah samar.

Patui di nan, bruk ini brei jhul khang lagaih brei ka bruk pasiam bruk di karja, salih lek taka angka so, paglaong asar siam bruk duh brie ka rahra saong gah ngak mbang pablei salih; paglaong bruk dui pachreih buh jien tame brei ka gah ngak kong, logistics, pablei salih, jitvu; pandar siam kein lagaih brei ka taneh riya saong labik pambuak bhum. Ong Hợp ndom meyai lac:

"Tal ini grauk bruk hit kuhria caga hu srap gap piah duh ka bhap bini rahra mboh hu siam abih. Khol dahlak hu peih ngak bruk yau habar piah ba mai siam lagaih ralo di abih, taong abih dom bruk hu peih ngak jeng ba mai siam makre, duh kein lagaih brei ka rahra ngak gai dut pagap ka dom bruk ngak".

Daok di xa Long Sơn (ban Vung Tau klak) hu ngak salah blaoh bruk mek panuac ndom di rahra ka Danak dak padang phuong Long Sơn dalam bruk caik tamo xa Long Sơn.

Long Sơn, Châu Pha ieu lac 2 baoh xa daok di dalam bruk patagok jirah rivang kaya ngui tasik, pabah iar tasik saong ngak kong nang luong di Ban raya Ho Chi Minh. Bruk padang phuong di bruk khik tamo ka xa oh lac khik kajap njauk lagaih saong danak dak patagok di Ban raya Ho Chi Minh blaoh daok brei kein lagaih brei ka hukum nagar hu makna piah dom bhum palei salih drei dalam labik patagok bahrau, pandar rilo abih dom kein lagaih di bhum palei, dui pachreih buh jien tame ngak mbang, jhul tagok kinh te – xa hoi samar drah saong karo kajap./.