Kayua prein yava oh siam karo nan ong Kiên Ngọc Minh, daok di palei Đào Viên, bhian nao tal dom labik y te pasang iek ruak. Meng hu bao hiem y te di Karja daong, ong oh daok duh hatai ralo brei ka jien bayar brei taong ruak, gam haong di nan hu pandar dom jitvu y te dil samu saong bahrau.

"Dahlak hulin pasang iek ruak meng bao hiem y te oh abih jien. Dahlau diah dahlak hu daok taong ruak di Sang iek ruak 30/4 (daok di phuong Phú Lợi) luac sa adit. Urak ini, dahlak hu ba harak bi-ar pasang iek ruak mai palei nan biak lagaih."

Tui dom baoh sang kathaot, jaik kathaot saong mikva bangsa takik, bruk brei kat bao hiem y te oh mek jien daong ka rahra pandar dom jitvu y te mbuan jang, patrun kateik geik hu daong rahra pandar dom jitvu y te mbuan jang, patrun kateik geik jien padai tuk ruak hakik, patrun bruk mbuan kathaot rambah veik kayua ruak hakik saong daong ngak samu gauk dalam bruk sangka prein yava.

Baoh sang ong Sơn Linh, daok di palei Phú Giao, oh hu taneh ngak mbang, jien mek tame oh tani tanat. Meng bruk kham merat uak drei tagok, baoh sang di ong bahrau patruh kathaot. Ong Sơn Linh brei thau, sa dalam dom asal kadha daong baoh sang ong sahnang hatai ngak bruk lac meng sarak bao hiem y te oh mek jien di karja:

"Baoh sang akau dahlak hulin hu 4 urang meng dahlau mai jeng hu Karja brei kat bao hiem y te oh mek jien. Tuk nao ngak mboh oh kajap prein yava, dahlak srap gap nao tal labik y te pasang iek ruak. Jien taong ruak hu bao hiem bayar nan baoh sang biak sahnang hatai.”

Tuk prein yava hu ieik glang sangka siam, rahra hu lagaih lago piah tani tanat raidiuk, patagok kinh te baoh sang saong dak harei dak uak drei tagok patruh kathaot.

Gia Hòa lac xa siam karo di ban raya Can Tho jeng ieu lac bhum palei hu rilo mikva urang bangsa takik, meblah labaih 42% rahra di xa. Meng nan, rahra dalam bhum hu mbang tui sarak daong kat bao hiem y te ngan haong tanut 100%. Tal ini, rahra blei bao saong hu pabak kat BHYT dalam bhum mek hu 100%.

Ong Lâm Hal, Akaok jabat Ilamo – Xa hoi xa Gia Hòa brei thau, rahra bhum palei iak chreih chrai anak bruk sangka di Ndang saong Karja gam haong bruk sangka prein yava, abih di nyu nan lac ngan haong mikva bangsa takik. Meng bruk patrun naong ba trak damak ka jien pandar ka y te, prein va hu sangka siam jang, mikva sahnang hatai ngak bruk, meng nan, daong raidiuk di rahra dak harei dak hu paglaong tagok, dom baoh sang kathaot dalam xa urak ini tok daok labaih 0,2%. Ong Hal ndom meyai lac:

"Rahra biak bui sambai anak bruk sangka di Ndang saong Karja ngan haong bruk sangka prein yava, abih di nyu nan lac di bhum mikva bangsa takik. Urak ini, rahra nao pasang iek ruak di rilo labik jeng hu kein lagaih ka bao hiem y te. Raidiuk di mikva daok di Gia Hòa hu rilo salih, dom baoh sang kathaot patrun hu mboh cambaih laih, raidiuk dak harei dak ginup meda jang.”

Dom kat BHYT oh lac daong rahra patrun naong trak ka jien pasang iek ruak saong taong ruak blaoh daok jeng labik pambak ka bruk daok rai karo kajap, pabak hatai je piah mikva bangsa takik di Gia Hòa saong Ban raya Can Tho sahnang hatai ngak bruk, patagok kinh te saong padang raidiuk dak harei dak siam gheih jang./.