Di xa Đam Rông 1, tinh Lam Dong, sa-ai Phạm Văn Hội ieu lac sa di dom urang ngak nong nao dahlau dalam bruk ba asar mắc ca jeng kaya mbang hu. Meng bruk pablei asar that ka urang mai blei, gait buh jien tame blei jammriak paok kanduh, jamariak ngak ka nyu thu jeng ye padang angan kaya "Macca Hội Dung". Ndap nda kaya macca thu mek hu angan OCOP 3 patuk, gam saong bruk blei ndap nda tamo di urang ngak nong di dom baoh sang bhap bini dalam bhum palei piah ngak tabiak kaya, pablei di darak pasar praong yau ye di Hà Nội jeng ye di Banraya Ho Chi Minh. Tui sa-ai Hội, khin ndap nda pablei atah njauk iek yaom kom asar di nyu tapak tame bein ngak tabiak nao mbiah tal tangin urang blai pandar:

"Ngak tabiak ndap nda siam di nyu njauk kuria dalau meng bruk kadha ngak di bein apuh mbiah tal ndap nda brei ka urang pandar. Asar kadha di nyu njauk hu siam meng bruk di bein ngak tal tangin urang blei meng ndap nda kaya kan di nyu meng siam meng dalam meng nao atah dhua hu".

Meng bruk ngak di saai Hội, bruk ngak tabiak ndap nda jeng jalan nao asar di urang ngak mbang blei salih, HTX jeng ye di dom labik ngak tabiak ndap nda di Lam Dong pilih ruak piah patagok yaom kom kaya ngak nong. Urak ini di dalam tỉnh hu labaih 500 ngak tabiak kaya brei tapa sambang so che, papaok nyu tui prein kong suat mangaok 1,53 trieu tan dalam yaok thun, daong padang bruk piah ka ndap nda kaya ngak nông di bhum palei ganap hatai khin hu di darak pasar jeng ye brei ka bruk pablei tabiak langiu nagar.

Theo sa-ai Nguyễn Thị Thùy Minh, po di labik ngak kaya nong di phuong Lâm Viên, ngak dalam daok peih tabiak jalan nao karo kajap ka kaya nong bhum palei. Langiu di langyah bruk labaih kaya nong dalam bilan paik baoh, bruk ngak kaya daok daong paglaong yaom kaom ndap nda, brei bruk ngak ka urang ngak bruk bhum palei saong jhul ngak jeng chuoi pambuak meng ngak tabiak tal pablei tabiak.

"Tame bilan musiam mada tamuh ralo ndap nda kaya ngak nong ngak ka drei oh dil pablei. Ralo kaya ngak nong mada mbuan khut khat. Kayua yau nan ye labik khol akau dahlak pilih bruk payeng ka nyu thu meng jammriak piah pandar hu suai harei, jeng janih ndap nda kaya ngui jeng ralo jang, bingi jang".

Biak di nyu brei mboh lac, jeng sa janih kaya ngak nông min tapi drei ngak jeng ndap mbang nyu mada hu yaom kom ralo jang dalm bruk pablei salih, gam tui di nan daong ka urang ngak tabiak ndap nda sanang hatai ngak tabiak ka darak pasar. Piah kein siam jang brei ka bruk ngak tabiak ndap nda kaya kan ngak nông, tỉnh Lâm Đồng ba tabiak danak dak patagok bruk ngak njam patam baoh karaoh. Akaoh mbram brei tal thun 2030, ngak yau habar brei ka bruk ngak njam patam mek hu 30% yaom kom ngak tabiak ndap nda kaya di nyu, dak yam dak yam ba bruk ngak công jamariak ngak tabiak ndap nda kaya kan jeng sa labik ngak praong brei ka bruk ngak mbang patagok kinh tế ngak nông di bhum palei.

Tui ong Phan Nguyễn Hoàng Tân, Yam ndok So Ngak nong saong Alam langik tinh Lam Dong, bruk ngak tabiak ndap nda kaya yau ye anek cil aneso patagok yaom kaom, patagok preih mariak gauk ngak mbang jeng ye peih praong darak pasar brei ka bruk ngak nong di bhum palei Lam Dong.

"Piah paglaong yaom mariak gauk di gah darak pasar, dalam nan hu caik hatai brei ka bruk pablei ndap nda kaya tapa langiu nagar njauk brei caik hatai brei ka bhum taneh ngak tabiak ndap nda, ndap nda njauk tanut yaom kaom siam di nyu. Gam tui di nan patagok bruk ngak tabiak ndap nda kaya kan gah ngak tabiak ndap nda kaya kan gah ngak nong".

Meng bruk ngak tui baoh sang tal urang ngak mbang ngak tabiak ndap nda kaya kan tui ilamu barau, bruk ngak ngak tabiak ndap nda kaya kan daok salih barau meng glao akaok patagok bruk ngak di urang ngak nông di Lam Dong. Yaok janih ndap nda brei ngak oh lac sa janih daong patagok jien mek tame ka urang ngak mbang, pakurang khut khat brei ka ndap nda blaoh daok patagok prein mariak, jeng ye peih praong darak pasar blei tame. Ini lac jalan nao siam brei ka bruk ngak tabiak ndap nda kaya kan di Lâm Đồng paglaong yaom kaom jeng ye patagok bruk ngak mbang karo kajap./.