Gam jal val bubap brei paik baoh durian di baoh sang ngak bein daok di xa Nha Bích, Ban raya Dong Nai – dahlau diah lac ban sit Chơn Thành, tinh Binh Phuoc, sa-ai Võ Quốc Thành (urang umo 38 thun, daok di Dak Lak), brei thau, bruk yaok harei di sa-ai lac pandar gar to dhaong taih tame baoh durian, pang sap yava sameng tabiak piah taong yaom njauk ka bruk taha, asar ralo saong tanut tathak dalam baoh.

Min lac, bruk ini oh njauk khin ngak lac ngak hu. Sa-ai Thành ndom mayai lac, tuk bahrau tame ngak, bruk cakak baoh meda, baoh laman lamuac ieu lac bruk kan si plaih hu. Yaok mbang ngak suan, urang jeng ta-eng buh jien di drei tabiak bayar ka po bein atau po pablei baoh. Rah tapa dom bruk cakak suan, sa-ai pasram bruk tani tanat saong pataom tame glaong piah thau ka sap yava siam abih. Sa-ai Thành ndom meyai lac:

"Tuk cakak njauk baoh oh ka tathak, drei magru ilamo biak rilo. Gaok dom bein paik baoh jaik abih, daok takik baoh, urang brei srap gap likau nao suai gilac piah taih biak tani tanat, pang tantu sap yava. Hu yau nan meng thau njauk di abih, plaih caga hu bruk cakak gaok baoh meda, baoh laman lamuac”.

 Oh lac thau ka sap taih biar – glaong saong gahlau – jangaih, urang cakak daok brei thau tani tanat yaok janih durian saong janih taneh di bhum. Yaok pajaih durian jeng hu tukvak cakrok saong harei umo karei gauk piah mek hu tanut tathak bangi. Sa-ai Bùi Duy Hanh (umo 40 thun, daok di Nghe An), urang hu labaih 10 thun ngak bruk ini saong hu nao tapa grauk bhum taneh, brei thau lac:

“Bhian biasa, jalan ngak tal tuk paik baoh lac labaih 90 harei ngan haong durian Ri6 saong 120 harei ngan haong durian Siem. Tal njauk harei di nyu, khol dahlak mbang iek. Tuk mboh ralo di nyu tathak ka meng cakak baoh. Ngan haong dom urang thau ka bruk, bruk thau ka baoh daok mbuan jang tapa meta maong, tangin taveik. Tok brei maong tapa baoh hu lac hu thau njauk baoh durian hu tathak taha paje”.

Bruk taik baoh durian hu bruk karei di nyu, rilo ilamo jeng mek hu tapa bruk ngak biak. Bruk thau tanat ka bruk ngak patui rilo tame bruk naih hu dahlau saong bruk hadah di tangi; hu urang tok brei hu 3 bilan maong iek lac hu “cakak meng tangin”, min jeng hu urang kan kandah meng 2 tal 3 thun meng khin khang hatai pan taow cakak baoh. Sa-ai Huỳnh Văn Khanh (umo 36 thun, daok di Vinh Long) brei thau:

"Sang ka brei dom adei hu hatai khin uak drei tagok, dom urang ba drei ngak dahlau yau sa-ai jeng srap gap pato abih hatai tian, meng bruk maong iek sambo kanduh, bruk njaoh di garoi tal kadak. Min, bruk ini biak takik urang ngak hu, brei ka hu bruk kham merat saong bruk pataom tame glaong".

Dalam harei paik baoh, bruk pambuak lagaih di “dua urang pambuak bruk” – dalam nan hu urang cakak paik baoh saong urang pandok di ala lac bruk njauk ndom mayai di nyu.

Jien mek tame hu rabha tantu patui tame ilamo ragei. Sa urang taih, cakak baoh durian naih joi meda ba mai meng 50 – 60 trieu dong/bilan. Dalam tuk nan, kapul urang daong bruk hu jien mek tame labaih 15 trieu dong/bilan.

Mada duah hu jien trieu dalam sa harei, kateik geik trak tagok urang taih baoh lac biak praong. Tui dom urang ikak kaiy saong po bein, bruk kurang saong ngak suan brei ka dom urang cakak baoh tok sumu 20kg kaya ndap nda di yaok tan baoh. Mayah truh tapa bruk ini, urang cakak taih baoh brei buh jien di drei bayar taong abih khat lahik tui yaom kaom darak pasar.

Bilan durian hu meng di labik bhum Pei nagar, patui veik tal bhum Pur Meraong Negar saong puac abih di dom tinh Tay Nguyen. Ngan haong taneh pala praong di dalam negar saong tukvak cakak paik baoh oh dreih gauk, dom urang taih baoh durian tuk halei jeng khik kajap hu bruk ngak luac thun./.