Mai bhum Pur Barak, meyah padeih takai di xa Bình Liêu saong xa Tiên Yên, tinh Quang Ninh, drei hu pang maong ragam Soóng Cọ di bangsa Sán Chỉ.

Soóng Cọ lac adaoh dam dara, ndom meyai nao mai. Bruk dui pachreih di Soóng Cọ lac bruk tamo di nyu: taong abih oh pandar alat ragam hlai karei. Dom sap yava, mbaok meta jeng pambak tame sap adaoh dui atah, drut druai hu adaoh meng sap bangi pang, khang catang di urang. Meng panuac salam tuai tal panuac that tian tuk ngak apuh, Soóng Cọ jeng sa bruk raong padam hatai urang Sán Chỉ tapa rilo rairah.

***

Nao blaoh bhum Pur Barak, nao tagok palei Khao, Mường Tè, Lai Chau, brei tame prein diuk di adaoh bhap bini Cống.

Meda takik thei thau, ragam adaoh ieu ia harei tagok di bangsa Cống lac bruk ngak jeng kadha ranaih adaoh danei angan: "Con gà gáy le te" kayua rapaneh Huy Trân paneh cuak.

Yava ragam nan hu tame hatai rilo rai rah urang Viet. Hadar ka drut druai tuk adaoh kadha ini meng dom thun 1967, NSND Thanh Hoa khan lac:

"Dahlak adaoh mboh biak chreih. Ka sa lac nyu brei mboh sa labik biak praong, sa bhum ceik siam mekre. Nyu ngak ka drei mboh var page tuk mblak mata raok harei bahrau, rai diuk bahrau ye hu pang sap menuk kanjaok. Njauk ndom tal lac yava ragam di nyu biak gheih, raok ia harei tagok di sa harei bahrau”

Tui bangsa Cống, oh lac hu dom ragam ieu page chreih chrai, blaoh dom adat paling jeng pandar adaoh bhap bini ndung bak adat cambat, pambuak haong ragam tamia Pê Lên Giao raok thun bahrau. Phling gam brei mboh hatai iek praong yang tabang, gam ngak talei pambuak, khik tani tanat bruk ginreih dalam glo akaok palei pala.

***

Labik puac abih, da-a mikva mai bhum Quế Phong, labik khik yava bangsa Thái bhum Pei Nghe An tapa dom ragam adaoh yao klak.

Taphia adaoh Nhuôn ndom nao mai akayat, ragam adaoh daiyun gilac hu sap yava biak karei. Urang kamei Thai di ini hu bruk praong glaong: pabam hatai uranaih meng kadha adaoh bangi pang, pabam caong takre trei sir meng tuk bahrau ndih tapui.

Gam haong nan, dom urang praong umo daok pato rai rah sit umo adaoh Nhuôn, adaoh Daiyun. Meng kham merat, dom urang nan ba adaoh bhap bini jeng talei pambuak bol bhap, piah yava bangsa Thai hu sameng di ceik glai.

Pathau mikva, meng adaoh Soóng Cọ di Pur Barak, adaoh raoh page di Pei Barak, tal adaoh daiyun di bhum Pei Nghe An. Phling hlai ragam nan lac sap di hatai, that tiak di dom urang di bhum ceik glaong.