Kaoh pulao Con Dao, Ban raya Ho Chi Minh (huyen Con Dao, Ba Ria – Vung Tau klak), rah tapa 13 thun hu pok brei angan lac labik Ramsar, taong abih taneh glai, tasik saong taneh dauk dalam ia di ini hu khik ramik jaik yau daok tamo.

Tui ong Nguyễn Khắc Pho, Yam ndok Bein pakat Negar Con Dao, dalam tuk tukvak masa patagok yau urak ini caong dom bhum palei brei khik kajap bruk patagok kinh te siam mekre, njauk lagaih haong alam langik. Dalam nan, quy hoach pandar taneh njauk brei pamaong tal bruk karo kajap, patakik rahra jah mek taneh glai ngak sang daok, labik pablei salih… Piah lagyah patruh kateik geik meng luac jalan parilo rahra co hoc saong jah mek taneh glai, Bein negar Con Dao hu srap gap peih ngak Danak dak brei pah glai piah patagok jirah rivang sinh thai pambuak khik ramik langik taasik ceik glai:

 "Langiu bruk lagaih ye urak ini dom Labik Ramsar jeng hu dom kan kandah, rilo meng lac bruk peih ngak, pasang iek dom bruk quy hoach pandar halau taneh riya, kaya glai, taneh dauk dalam ia dalam dom labik Ramsar piah patagok kinh te. Brei ngak habar piah gam patagok kinh te gam khik brei siam mekre, njauk lagaih saong ngak njauk jalan ngak di Ndang lac patagok kinh te – xa hoi min brei karo kajap dalam jaman bahrau".

Bein pakat negar Cát Tiên, Ban Dong Nai, lac sa dalam dom labik pataom khik piah sinh quyen dunya di Viet Nam urak ini lac “baoh sang” di 300 janih ciim brim, jaik mateh dom janih ciim brim saong hu labaih 450 janih kadit meblah labaih mateh dom janih di Viet Nam. Labik ini daok hu balai daong ka linh truong njauk pacang khik chip Kaoh pulao Đảo Tiên gam haong rilo janih athur banrik yau ye: kra dhen juk mbaok kanyik, voọc bạc, chà vá takai juk, cu li chậm lùn… 

Ong Phạm Ngọc Dương, Akaok Jabat Khoa hoc saong Pambuak bruk Dunya, Bein pakat negar Cát Tiên brei thau, piah khik ramik labik Ramsar, brein daok pandar bruk pasang iek ba tabiak dom bruk patui tame dom bruk hu ilamo khoa hoc:

"Khol dahlak hulin daok jhul khang dom bruk pasang iek parilo janih sinh hoc, piah taong yaom bruk tagok trun di dom quan the athur hoang da saong bruk di alam langik sinh thai pih ba tabiak dom bruk mbaoh tangin ka khik ramik, patagok labik Ramsar Cát Tiên, ini lac dom ilamo blaoh khol dahlak hulin daok ngak".

Danak dak Khik ramik dom he sinh thai ia taba di Negar Dunya khik ramik alam langik (WWF) daok daong pasiam thaik thaot hu angan di yaok labik saong padang co so du lieu ka bruk parilo janih sinh hoc ka dom labik Ramsar di Viet Nam tui tanut chuan dalam dunya. Ong Hoàng Việt, Yam ndok Danak dak Khik ramik dom he sinh thai ia taba di WWF- Viet Nam brei thau, WWF brei patagok urang ngak bruk ka dom Bein pakat negar, Labik khik ramik alam langik, abih di nyu nan lac dom labik Ramsar:

"Caong khin padang sa majam taong abih dom labik taneh dauk dalam ia di Viet Nam, dalam nan hu dom labik Ramsar saong dom labik taneh labik ia karei daok dalam luac jalan padang dom bruk pacang khik, khik ramik, gam haong gauk ngak jeng sa majam khang kajap. Meyah hu sa majam pambuak khang catang di dom labik Ramsar saong dom labik taneh dauk dalam ia, ye meda paglaong hu labik dang, bruk hu makna di Viet Nam di harak labik ka bruk pacang khik dalam dunya".

Tui dom urang roh duah ilamo, buh jien tame khik ramik dom labik taneh dauk dalam ia lac bruk buh jien tame ka harei hadei, ngak jeng hala pacang karo kajap khik jeng sa Viet Nam hijao anak dom kan kandah di jaman bahrau. Piah ka bruk khik ramik hu jak jeng, oh kurang hu bruk daong di karja palei saong bhap bini rahra. Rahra diukrai dalam saong vil dom bhum taneh dauk dalam ia oh lac urang pandar kaya alam langik, bo brei jeng po di bruk khik ramik, brei mbang tui kein lagaih meng dom bruk ngak mbang karo kajap saong suai atah./.