Sa xa pulau “atah bayah” di pasak, angan xa Phong Nẫm, Ban raya Can Tho (dahlau angan di tinh Soc Trang) hu jaik 700 anek saih meng pakat uranaih sit tal pakat THCS. Piah caga palaih di anek saih kayua kan daman blaoh oh hu nao sang bac, yaok pakat bac, urang pan akaok hu jao gru pato iek glang, tapak tal sang pachreih jeng ye daong janih ndap nda bac magru ka anek saih.

Ong Nguyễn Chí Dũng, Phaok Akaok UB Bhap bini xa Phong Nẫm, Ban raya Can Tho khan brei thau, piah caga ka thun bac bahrau 2025 – 2026 ini, urang bhian ngak di ndang uy biak caik hatai dan saong patacei tal bruk pato padei. Gah UB Bhap bini jeng padang dom kapul nao taong yaom di labik pato piah ieik sang danaok paban kik jeng ye ndap nda brei bac ka ganap ka karo siam gheih: "Khol hulin dahlak hu brei patacei sang bac pambuak bruk saong dom pakat di puk palei ngak siam bruk ba anek anaih tame sang bac. Mada hu bhum palei jeng daok kan kandah, man tal tuk ini, dom bruk caga ka thun bac bahrau yau ye blaoh sagait. Akaok bram nao di palei ieu lac abih anek kamuan dalam umur thun nao bac njauk hu tame sang bac paganap, dalam nan hu dom anek kamuan sang urang kataot di vaktu meng anak".

Kuria tal puac thun bac 2024-2025, toang abih Ban raya Can Tho hu 1.219 baoh sang bac meng pakat tal uranaih sit tal bac pho thong. Langiu di nan, banraya Can Tho the daok hu dom pasak pato bruk ngak – patao gam gam, pato uranaih jaoh jo.,… Hadei di pagam tinh Hau Giang saong tinh Soc Trang, sang bac saong anek saih biak ralo. Kayua yau nan ye karja pakat xa, phuong di Ban raya Can Tho drah samar dak pataom danak dak angan anek saih, iek glang piah daong tame bac.

Pagap ye kreih adit dalam bilan 8 bahrau meng blaoh, Uy mban Mat tran  Negar Viet Nam phuong An Bình gam saong Polih phường brei jao 50 paok jien bac (sa paok 300.000 dong jien mbaok / ka sa urang gam saong 10 baoh tapuk) brei ka dom adei kham tapa truh kan bac naih joi; brei jao 120 paok kaya hu balo, tapuk, klam… brei ka dom adei sang urang kan. Bahrau di abih, Sang ilamo uranaih quan Ninh Kiều klak pagam pambuak saong Uy mban Mat tran Negar Viet Nam saong dom kapul nyaom xa Phú Hữu, Ban raya Can Tho padang ngak danak dak “Darak pasar Mabung mada yaom 0 dong”, daong dom adei anek baoh sang urang kathaot, dom adei baoh sang daok kan daman oh nao bac hu brei hu kaya brei alin hadiah yau ye: radaih juak, kaya kan brei bac magru... Adei Thạch Chinh Sơn Phú, sang bac Tiểu học Định Môn 2, xa Thới Lai, Ban raya Can Tho hu urang lin brei radaih juak drut druai lac: "Anek caong hu radaih juak barau piah nao sang bac njauk tukvak. Anek hu mikva daong radaih anek biak bui sambai. Anek kham marat bac piah hadei jeng ky su ngak padai."

Di dom labik sang bac jeng daok jhul khang bruk pataom tapuk klak, brei alin tapuk ba rau; raong pabui dalam lan rik jien urang;… Njauk ndom majai lac, gam saong danak dak “Daong prein ka adei tame sang bac thun bac 2025-2026” peih di Ban raya Can Tho tui hatai khin caong daong kuhria, caga ka dom adei hu thun bac ba rau ka ganap jang. Muk Trần Thị Huyền, Quyền Yam ndok So Pato Megru Ban raya Can Tho ndom mayai lac: "Gah bac magru mada brei panuac ka pakat pan akaok jeng ye dom gah gah brei jalan ka pakat pan akaok jeng ye brei pambuak bruk hu pok kaya daong bac iek glang saneng kuhria brei ka anek saih hu jien daong bac jeng ye daong ka anek saih sang urang kan kathaot. Ngak yau habar hu brei ganap daong ka dom adei hu nao sang bac".

Yaok baoh paok kaya daong brei ka anek saih ieu lac dom aneh rabha hatai anit pachreih di dom baoh hatai anit ranam, dom labik pato pakeu jeng ye saong karja palei. Gam saong dom bruk ngak bak dom anit ranam, yaok mbang tame harei peih bac, sang bac tuk halei jeng ieu lac sa labik peih akaok camreip prai drak pajaik siam lagaih tame harei hadei brei ka urang naih./.