Di kreih pandiak bilan 7 nơi biên giới, bruk pataom prein brei ngak sang gam daok gam bac di Trường Nội trú liên cấp Ia R'vê, xã Ia R'vê mboh ba abih hatai jai tame. 45 urang jakar, urang bon lin hu Bộ Chỉ huy Quân sự tỉnh Đắk Lắk brei buh prein tame parabha jeng ralo tổ, gam pambuak song dom urang ngak mek meng bruk xây, tô trát, dak mblang meng dalam langiu tal paga. Dom bruk ngak brei ngak tui ka piah panak masa tuk wak brei padrah bruk padang. Thượng úy Nguyễn Bá Công, urang pan Ban Chỉ huy Quân sự khu vực 2 (xã Phú Xuân), tame ngak bruk padang Sang gam daok gam bac dom palei Ia R’vê, khan brei thau lac.

“Khol dahlak pataom prein tagok padang sang gam daok gam bac di bhum taneh tapen nagar piah ka anek kamuan di ini hu labik tame bac magru. Dom adei saai brei parabha jeng dua tổ, sa tổ padang ganing sa tổ ye kli sang, dak kriak; tổ daok weik ye pakram kakai sang, ngak gang jamang kaga padang kaga. Dom adei saai parabha bruk jeng 2 ka: ka 1 meng tuk 6 page tal tuk 10 mateh padeih huak nasei; ka 2 meng tuk13 mateh tal 16 mateh blaoh padeih.”

Kan ralo abih dalam klau danak dak hu lac di Sang gam bac gam daok liên cấp Ia Lốp kayua nyu atah di pasak bhum daok, jalan mbak nao mai tal labik ngak daok cuang kandah. Piah daong ka urang po buh prein jeng ye urang dang ngak, tỉnh Đắk Lắk jeng brei pandar labaih 60 urang jakar, bon lin pataom tame bruk ngak, daong padrah masa tukwak ka samar blaoh sang gambac gam daok.

Tui gah tư vấn giám sát, urak ini labik ngak jak ba hu jaik 40 baoh jammriak gam saong labaih 140 kỹ sư, urang ngak gam gam. Ông Nguyễn Thế Quang, gah urang ieik glang bruk ngak brei thau lac, ralo baoh sang ngak blaoh banah kanduh dan saong daok brei salih tapa ngak dom janih ye kli daning, dak kriak, pambuak talei gom điện, ia jeng ye pabah mbang.

“Hu bộ đội tame daong yau nan ye dom bruk ngak hu brei chul drah tagok. Dom gah dang ngak khoán mboh bộ đội bon lin ngak siam blaoh ngak tui caga ka samu tui masa tukwak, lahik bruk ngak. Dom urang dang ngak jeng kham marat chul khang bruk ngak piah dil samu brei jao sang danaok dalau di harei 31/7. Gait jeng brei jao dom baoh sang ngak ieik dalau piah pachreih urang daok ngak bac magru ngak tui.”

Tui Ban Quản lý danakdak buh prein tame padang ngak bruh rahra dân dụng dan saong công nghiệp tỉnh Đắk Lắk, mada hu kanda brei ka hajan hangin langik tasik, yaom ndapnda brei ngak jeng ye kurang urang ngak bruk, dom urang po pan bruk jeng khik siam bruk ngak, jak ba hu ganap dom urang tame ngak, ndap nda kaya ngak jeng ye pagam pambuak bruk saong gah kapul bon lin piah tui samu masabrei ngak. Ông Võ Văn Lợi, Phó Giám đốc Ban Quản lý danak dak buh tame padang rah pandar dan saong ngak kong pakat tỉnh Đắk Lắk, brei thau lac, mbiah tal ini danak dak ngak hu labaih 80% akaok bruk; ralo akaok bruk jaik si blaoh truh, daok dak wak dom janih kỹ thuật.

“Jabat mbang kapul daok ngak tui danakdak 70 harei malam, brei dom urang jakar, kỹ sư thau bruk trun gam ngak gam mbang huak ndih daok piah gam lang yah kan kandah jeng ye dakwah jak ba dom jabat po ngak po urang jao bruk khik kajap dom janih jao bruk di urang pan akaok urang patacei di Mintri Chính trị, jeng ye Tỉnh ủy, HĐND, UBND tỉnh. Caong khin langik tasik siam lagaih, kurang hangin ribuk piah ka bruk padang sang bac salah blaoh njauk harei tui hatai, suuon raok harei peih bac thun 2026–2027.”

Gam tui bruk kham marat ba abih hatai di taong abih gigah majam politik chính trị, kham marat di urang pan bruk urang buh prein buh rup di kapul bonlin, di dom sang bac di bhum taneh tapen nagar di Đắk Lắk daok dak harei dak mboh blaoh jeng sampurna gheih ghang, ba tui hatai caong khin brei ka baoh sang bac gheih ghang saih melang di bhum anek saih daok gam kandah kan. Bruk pakacah nduac tui masa tukwak jeng daok tui, piah khik siam makre brei ka danak dak ngak sang bac drah blaoh salah gah, peih tabiak bruk siam makrei brei ka bac magru siam jang brei ka anek saih di bhum taneh tapen nagar./.