Malam 26/6, di Mblang praong 16/4, Phuong Phan Rang, tinh Khanh Hoa. Harei Ilamo bangsa Cam mbang ka VI hu peih pakak tui angan “Gheih ghang sambo bar ilamo bangsa Cam”. Mblang parang iek dalam malam peih pakak hu ngak tui dom thaik thaot hu angan di ilamo bangsa Cam pambuak sap yava, gom hadah bahrau. Danak dak pataom yaok rituh ca si, nghe si, dien vien urang ma-in yaih oh bhian, dalam nan hu dom tiet muc jak ba tal 400 urang.

Nghe si Đạt Kim mai meng Ban raya Ho Chi Minh brei thau, danak dak seni nghe thuat dalam malam ndung bak ilamo Cam min ba tui suan yava di raidiuk bahrau.

"Di mbang ilamo bangsa Cam ini jeng lac dom kadha nan min nyu hu sameng tagok dom yava di labik daok bhum bhaok rahra daok taduan, dom phling ragam bo nyu ba mai ka rahra urak ini. Khol drei oh ngak lahik ilamo, min khol drei tui suan yava di harei ini. Khol drei daok pang janih seni hagait? Khol drei daok maong dom janih seni hagait? Saong urang Cam jeng nan, urang jeng daok patui veik bruk, jeng khik dom ilamo hu makna di urang min dalam dom suan yava di rahra urak ini."

 Dalam malam peih pakak, langiu di dom kadha adaoh di dom urang ma-in nghe si danei angan yau ye: Võ Hạ Trâm, Hoàng Bách, Kapul MTV, Trọng Tấn, Phạm Anh Khoa… daok hu 3 tiet muc di kapul adaoh tamia Cam tinh Khanh Hoa. Bruk gheih karei lac taong abih danak dak jeng hu ngak tapak, meng banah adaoh tal banah hlai ragam. Piah pabak hatai caong nan, dom urang nghe si oh chuyên urang Cam hu gam haong gauk kham merat pasram.

Sa-ai Quảng Thị Thanh Thoảng saong sa-ai Thuận Ngọc Vũ Linh, kapul seni Cam tinh Khanh Hoa brei thau:

"Harei raya ilamo bangsa Cam 2026...."

"Dahlak hulin biak kham marat haong kadha hlai ragam mbang ini..."

Dalam malam 27/6 ini, di mblang parang iek Mblang praong– Maligei Rup pathau 16 bilan 4 brei rah tabiak banah pakacah seni bhap bini. Di ini, yaok kapul parang iek 4 banah adaoh bhap bini, tamia bhap bini, phling ragam bhap bini, hlai alat ragam bhap bini ndung bak ilamo bangsa  Cam. Ini lac sa dalam dom asal kadha hu dom labik pataom buh prein buh jien tame rilo abih.

Ong Nguyễn Tú Long, Phaok Yam ndok Pasak Ilamo saong Pasang iek Mblang bein taneh riya Dak Nong – tinh Lam Dong, Phaok akaok kapul Cam tinh Lam Dong hu mbaok tame Harei raya brei thau, piah hu dom kadha gheih mekre, dom urang nghe nhan, dien vien oh chuyen hu kham merat hu mbaok pasram ginup, khik kajap bruk di kapul.

“Tapa luac jalan pasram dahlak hulin mboh dua asal kadha njauk hatai. Ka sa lac yaih khan banah raya adat bhap bini di urang Cam. Ka dua lac danak dak nghe thuat bhap bini. Caong takre dua asal kadha ini mek hu jak jeng glaong. Daok danak dak pahat padhih kayua jien daok takik, bahrau hu 12 urang pahat padhih min me-in rilo kadha pahat padhih. Nan ye, dahlak tok pataom tame caoh balaong urag likei rilo saong kham merat mek hu jak jeng siam”.

Sa-ai Nại Thị Quy, mai meng kapul urang bangsa Cam tinh Khanh Hoa brei thau, dahlau tuk mai tal harei raya, sa-ai gam haong urang dalam kapul kham merat mek hu jak jeng glaong.

“Harei halei jeng nao pasram piah hu prein karo, piah kacah kadha jhul gai ini. Saong adei caong khin drei jeng yau dom urang pahat padhih karei brei gam haong gauk kham merat piah mek hu jak jeng siam abih ka tinh drei dalam harei raya pakacah pahat padhih bangsa Cam”.

Harei raya Ilamo bangsa Cam daok pambak tabiak grauk labik, ngak jeng bruk gul pataom, pambuak pagam dalam bhap bini. Dom danak dak nan oh lac pok meyaom ilamo siam gheih, hatai gul pataom blaoh daok brei mboh bruk khik ramik drap ar ilamo bangsa./.