Hu mbang tui sarak daong ba duh ka urang praong thun lac bruk bui sambai di amuk Thạch Thị Sa Ri, daok di palei Bãi Giá, xã Trần Đề. Min, di umo 88 thun, bruk nao mai piah ngak dom adat pambuak tal dom kein lagaih daong ba lac sa bruk cuang kandah di amuk. Thau cambaih jang dom kan kandah nan, karja bhum palei hu padang ngak sa kapul ngak bruk nao mai tal yaok baoh sang piah pato tacei jalan saong ngak dom adat piah jao bruk ngak ka anek kumei di amuk hu taduan jien daong xa hoi yaok bilan. Kayua yau nan, amuk oh daok gaok kan kandah ka bruk nao atah, daok cang atau haduh hatai ka dom adat veik tra. Amuk Sa Ri ndem mayai lac:

"Dahlak akau taha paje, jeng oh daok ngak hagait hu, hu mbang jien daong, dahlak hu jien piah blei jru cavao manyum, blei ini blei deih,... urak uni dahlak jao quyen ka anek kumei taduan mek ka dahlak."

Piah ba jit vu bruk ngak karja mai tal jaik jang saong dom urang gaok kan kandah, di bhum palei ini hu padang tagok jalan peih bruk daong langyah dom adat hanh chinh nao mai. Dalam nan pataom tame dom adat hu makna yau ye daong rahra xã hội, tut angan tame harak manek, mboh tra tut tangin saong rilo adat karei. Tapa nan daong ka rahra hu pambuak saong dom jit vu kong pak di labik daok.

Dom bruk ngak hu makna ini ba mai kein laba biak praong gam saong dom urang gaok kan kandah, kayua yaok blah harak gar hu ngak salah oh lac adat hanh chinh hu langyah bo daok ba mai rilo kein lagaih hu mbang tui ginup dom quyen di rahra. Ong Trần Quốc Thái, Phaok jam ndok ngak gah Jabat pabak hanh chinh kong di xã Trần Đề, brei thau lac:

"Pasak pabak hanh chinh harak gal karja patui ba tabiak jalan ka Uy ban bhap bini saong pambuak saong mbang rahra dalam puk pasang iek tui yaok labik, yaok urang, dalam nan lac dom urang daok caong daok ka adat hukum, dom adat hanh chinh harak gal di dalam xa meng dom bruk mbuan tal bruk kan jang piah daong ka mikva ngak salah dom adat hanh chinh dalam bhum palei."

Meng dom bruk ngak hu makna ini, jalan ngak “Karja daong – Hark gal tal rahra” daok dak harei dak ngak cambaih laih dom bruk ngak. Rahra oh lac hu daong dalam bruk cih tabiak cambaih laih saong pathau khan, buh harak gar blaoh daok hu pato tacei patui iek harak gar meng online, rik tame paglaong prein pambuak saong dom jit vu meng online.

Meng akaok thun tal urak ini, Trần Đề hu taduan tapa jit vu jabat karja meng online di dalam xa hu labaih 3.600 harak gar, dom harak gar hu langyah saong biyar bruk njauk saong dahlau harei mek hu labaih 98%. Dalam nan mboh lac, xa hu daong langyah dom adat harak gal karja nao tal yaok labik ka 115 urang di dalam nyaom dom urang gaok kan kandah. Amuk Trương Thị Ngộ, Phaok kaok UBND xã Trần Đề, ndom mayai lac:

"Di dalam xa ye dom urang praong thun hu rilo saong taduan jien daong yaok bilan biak rilo, bruk nao mai ye gaok kan kandah. Langiu di nan, sang daok dalam bhum ayah biyah, oh hu radaih piah nao mai. Kayua yau nan ye, tuk dom urang jakar nao tal labik piah daong saong biyar harak gar ka mikva, ye mikva biak mboh chreih chrai bui sambai kayua patakik tukvak masa nao mai jang yau patakik prein yava. Meng nan, mbuan lagaih jang dalam bruk peih ngak dom sarak, daong ka karja hu jaik rahra jang saong rahra jeng mboh saneng hatai jang."

Dah krah, bruk ngak ba jit vu rahra palei mai jaik saong rahra bhap bini gam saong dom harak biyar tut angan manek hu jao tal tangin brei ka uranaih gaok kan kandah, brei mboh xã Trần Đề daok biak kham marat piah padang ngak ba bruk ngak harak gal hanh chinh mai jaik taphia rahra bhao bini saong pabak hu siam jang brei ka rahra. Nan oh lac sa bruk ngak salih bahrau dalam jalan salih ngak harak gal hanh chinh blaoh daok brei mboh ka hatai pabak, mek rahra lac pasak dalam yaok bruk ngak di bhum palei di pak ini./.