Di xa bhum ceik Anh Dũng, rinh Khanh Hoa mbang palih ruah anek saih tame tal bac 10 thun bac 2026–2027 di Sang bac Pho thong Bangsa Gam daok gam bac meteh harei THCS Phan Đình Phùng hu 17 urang anek saih tame bac, min barau hu 3 adei njauk palih ruah tame dom sang bac THPT pakat karja. Tui 14 adei daok veik, caong khin patui veik bac megru jeng daok dalam dom adei, min kein lagaih kinh te baoh sang daok lac sa dalam dom kan kandah praong. Meyah oh hu jalan nao njauk lagaih, bruk dom adei brei aval drah atah sang bac piah nao ngak duah jien lac bruk njauk huac kanda. Ong Nguyễn Phúc Hoàng, Sang bac Pho thong Gam daok Gam bac Meteh harei THCS Phan Đình Phùng, xa Anh Dũng ndom meyai lac:

“Jeng caong khin dom gah, kapul hu sarak hagait piah daong dom adei patui veik bac di sang bac cao dang bruk ngak, daong dom adei hu bruk ngak piah harei hadei ta-eng sangka asal rup drei saong daong ngak bruk sang”

Meng bruk lagaih nan, bac megru bruk ngak hadei di tamat bac THCS daok jeng palih ruah njauk sangka ngan haong rilo baoh sang. Di Sang bac Cao dang Cong nghe – Nang luong Khanh Hoa, bruk pato pakai 9+ brei ka anek saih gam bac magru ilamo, gam bac magru bruk ngak. Njauk ndom tal lac, sarak oh mek jien, patrun jien bac megru, hu kein lagaih tui jalan hu palih ruah. Adei Trần Khánh Linh, Tal Trung cap Quan tri khach san, Sang bac Cao dang Kong nghe – Nang luong Khanh Hoa brei thau:

“Hadei tuk tamat bac blaoh tal 9, adei palih ruah tame sang bac bruk ngak tui jalan gam bac bruk ngak saong hu sang bac daong 100% jien bac bruk ngak. Tapa luac jalan bac megru, adei hu taduab rilo ilamo lagaih, brei kein lagaih khang kajap piah hadei ini mbuan duah bruk ngak.”

Tui Ong Lê Đình Thuần, Phaok Yam ndok So GD&ĐT tinh Khanh Hoa, Tui bruk ngak ini, anek saih oh meda hu patui bac megru blaoh daok aval drah thau ilamo bac magru, pasram ilamo ngak bruk. Hadei di tuk salah blaoh danak dak, dom adei meda hu ruah nao ngak atau bac tagok dom tal bac glaong jang tui adat.

“Dom adei tui bac di labik pato megru bruk ngak tui bruk gam bac bruk ngak gam bac ilamo. Di bruk ini, anek saih gam hu bac oh mek jien bac bruk ngak, gam khik kajap hadei 3 thun jeng hu mbaok tame mbang kacah tamat bac saong salah blaoh danak dak THPT. Urak ini, rilo sang bac di bhum jeng bruk gap peih praong tanut palih ruah anek saih, brei kein lagaih abih piah dom adei patui veik jalan bac megru saong karo kajap ka harei hadei.”

Piah anek saih sahnang hatai palih ruah, dom labik bac mergu bruk ngak jeng daok salih bahrau danak dak pato pakai tui jalan asal kadha haong ngak, sangka iek praong ilamo saong hatai caong palih ruah lagaih tui bruk ngak biak di nyu.

Tui kuhria di sang bac, dalam 3 thun bac tapa, labaih 20 ty dong hu rei bayar tui sarak oh mek jien, patrun jien bac ka jaik 3.200 anek bac magru. Dom atnut nan brei mboh sarak daong daok peih praong kein lagaih hu bac megru bruk ngạ, rilo meng lac ngan haong anek saih raidiuk kan kandah. Adei Pilao Quốc, Xa Bác Ái ndom meyai lac:

“Meng hu dom sarak kraja daong lagaih, meng sarak di Sang bac, adei daong kham merat dalam bac megru piah hu ilamo bruk ngak biak siam piah hadei di ini duah hu bruk ngak.”

Meng dom palih ruah harei ini, sa jalan nao bahrau daok peih tabiak ka anek saih hadei tamat THCS. Bac bruk ngak oh njauk lac kareik gilac bambang bac megru, blaoh daok lac palih ruah jalan nao njauk haong kein lagaih, prein ngak saong taphia jih jalan harei hadei di yaok urang. Tuk sarak daong hu peih ngak siam lagaih, sang bac pato pakai lagaih haong hatai caong gah ngak mbang pablei salih saong urang bac megru meda srap gap pasram ilamo saong mbuan hu kein lagaih bruk ngak, tani tanat raidiuk. Kayua bruk hu makna oh tok lac bac di halei, blaoh daok lac hadei luac jalan bac megru, yaok urang sit umo meda ngak hu hagait, ta-eng raong asal drei saong rik daong ka baoh sang saong rahra./.