Yaom lac dalam dom harei pandiak he min di Sang bac Tieu hoc saong THCS Mai Thúc Loan, xa Xuân Hải, tinh Khanh Hoa, sap yava sameng grauk bilik bac oh lac bruk gindang di mbang padeih padei, blaoh lac sap bac kadha, sap ndom meyai di gru saong anek saih. Ini lac dom tal bac karei hu peih brei ka uranaih bangsa takik dahlau di tuk yam tame bac tal 1. Thun bac 2026 – 2027, Sang bac Tieu hoc saong THCS Mai Thúc Loan raok 138 anek saih tame tal 1, rabha jeng 4 tal bac. Yam tame bruk bac biak bahrau, jaik abih dom adei jeng gaok kan kandah ka sap ndom akhar huruh vak. Amuk Nguyễn Thanh Nguyên, Phaok Akaok Sang bac Tieu hoc saong THCS Mai Thúc Loan, xa Xuân Hải, tinh Khanh Hoa brei thau:

“Sang bac Tieu hoc saong THCS Mai Thúc Loan 100% lac dom adei bangsa Cam di 3 palei Pamblap Biruw 1, Pamblap Biruw 2 saong Pamblap Biruw 3…”

Biak di nyu mboh lac, dahlau di tuk nao tal sang bac, labik piah ndom meyai di dom adei lac baoh sang saong palei pala, labik sap Cam hu pandar yaok harei. Tuk salih tapa labik bac megru mboh sap Viet biak bahrau, dom adei daok huac kanda, mblung mabuk. Kayua yau nan ye dom anai gru brei kham merat pasram ka dom adei sap Viet brei hu ka nyu tani tanat jang. Anai gru Nguyễn Thúy Khanh, gru pato Sang bac Tieu hoc THCS Mai Thúc Loan brei thau:

“Dom adei jeng lac bangsa Cam…”

Piah ka dom tuk bac oh kateik geik, dom gru pato hu srap gap salih jalan pato. Oh njauk tui jalan ngak krein akhar huroh atau pasram cih dom baoh kadha vak, yaok kadha bac jeng hu pagam biak chreih chrai tapa dom kadha me-in bhap bini, khan kadha, adaoh, tamia. Dom anai gru daok tacei ba yaok adei pan klam mbut, daok tapak ka-ing, daong ka dom adei randap haong dom lagaih meng dom harei akaok meti. Meng bruk abih hatai tian di gru pato saong jalan pato jaik taphia chreih chrai, bruk huac kanda meng harei akaok meti di dom harei akaok meti di dom adei sit hu samar drah jeng bruk khang hatai, cheih chrai. Adei Tài Hiền Diễm Anh, anek saih Sang bac Tieu hoc saong THCS Mai Thúc Loan ndom meyai lac:

“Di sang adei ndom Cam haong amaik, tagok tal ndom sap Viet haong anai gru. Kayua nan, adei kham merat bac sap Viet.”

Oh lac di sa baoh xa Xuân Hải, peih ngak pato tacei di So Pato Megru tinh Khanh Hoa, karja bhum palei hu pambuak catang haong Mbang Gru pan akaok sang bac di dom sang bac tieu hoc bhum bangsa takik piah peih ngak siam lagaih dom tal bac sap Viet dalam bilan bhang pandiak he. Bruk paglaong sap Viet ka anek saih bangsa takik dahlau tuk peih pakak thun bac ieu lac majam danak dak hu makna siam mekre saong siam lagaih praong dalam. Danak dak oh lac sa janih daong dom adei hu thau sap Viet, blaoh daok brei kein lagaih piah dom adei mbuan di bac megru danak dak pho thong blaoh daok paglaong asar siam pato megru taong abih di dom bhum kan kandah./.