Di palei jhik menyim jih dalah Caklaing, xa Ninh Phuoc, dom urang nghe nhan daok tari taring ngak salah dom kaya gheih abih piah yaih khan tal tuai damuai dalam dom harei rahtabiak raya. Taphia di bruk khik ramik bruk ngak meng kal, rilo bingula yao klak di bangsa Cam jeng hu pamedeih jek jeng, rik tame ngak parilo ka dom khan bai jih dalah bingula. Amuk Đạt Thị Nam brei thau:

“Di bingun harei ilamo bangsa Cam…”

 Daok di palei ngak gok glah lan am Hamu Craok, tinh Khanh Hoa dom urang nghe nhan ramagei jeng daok jal val salah blaoh dom kaya ndap nda bahrau piah duh tuai damuai jirah rivang saong ba drei ngak lan bhap bini dalam tuk rah tabiak harei raya. Ong Phú Hữu Minh Thuần, Yam ndok HTX Lan am Cam palei Hamu Craok brei thau, ini lac kein lagaih piah bangsa Cam pambuak haong gauk, bac tangi saong gam haong gauk khik ramik ilamo bhap bini.

“HTX jeng hu mbaok tame…”

Danak dak adaoh tamia di kapul tinh Khanh Hoa hu rilo urang hu mbaok tame gam haong dom kadha me-in hlai ragam phling kaya bhap bini, kadha adaoh bhap bini saong tamia bhap bini Cam. Sa-ai Thuận Ngọc Vũ Linh, daok di palei Bal Riya, xa Ninh Hải, tinh Khanh Hoa brei thau:

"Dahlak biak kham merat…”

Langiu di danak dak seni nghe thuat, raya pakacah parang iek khan ao ngui cuk bhap bini bangsa Cam jeng lac danak dak hu rilo bhap bini bangsa caong maong. Dom khan ao dalam adat likhah, adat raya saong khan ao ngui cuk bhian harei hu dom urang kham merat ngak salah blaoh piah hu mbaok tame pakacah. Yaok blah khan ao jeng brei mboh ka ilamo siam gheih, adat cambat saong raidiuk daok dang me-in di bhap bini bangsa Cam. Ong Dương Tấn Đức, palei Hamu Tanran, xa Phuoc Huu, tinh Khanh Hoa brei thau:

“Khol dahlak khin tapa khan ao ngui cuk…”

Tui bruk srap gap tani tanat di dom palei ngak bruk meng kal, dom urang magei nghe nhan gam haong dom bruk hadah krah bahrau dalam bruk pandar ilamo kong nghe taka so, Harei raya Ilamo bangsa Cam thun ini kayua tinh Khanh Hoa dang peih ngak caong maong ba mai rilo danak dak siam gheih, daong pok meyaom, khik ramik saong pambak tabiak dom yaom glaong ilamo siam gheih karei di bangsa Cam nao tal rilo tuai damuai jirah di dalam saong langiu negar./.