Tuk 7 mateh page di Pasak Jabat karja xã Cần Giờ (TP.HCM), manuac ra mai ngak harak dak tuk dak ralo. Pasak hu 10 ura jakar, urang pan bruk karja dang pan harak gal. Hadei di peih ngak tui karja palei dua pakat, jabat karja hu brei dak ramik, mboh di anak mata pasamnuon tanitanat ngan saong bruk hit. Tapimin, tui danak brei ka labik dhua bruk ngak meng anak, manuac urang daok brei patakik di nyu labaih 5 urang, ngak ka bruk ngak mada mboh trak tagok.

Hadei di sa thun ngak tui karja palei dua pakat, kan praong abih di nyu ieu lac “galah labaih mintapi kurang” manuac urang, tuk 38 urang ngak dang bruk ka 72 bruk ngak, ndung bak biak trak praong. Muk Võ Thị Diễm Phượng, Phó Chủ tịch UBND xã Cần Giờ, TP.HCM brei thau lac:

“Xã Cần Giờ mada hu pambuak saong dom xã jaik taphia dalam nan hu xã Thạnh An. Dua xã palei ini mada pasalih urang jakar urang panbruk karja. Meng harei 1/7 mbiah tal ini, xã Cần Giờ dan saong xã Thạnh An mada pambuak bruk brei pasalih 4-5 urang jakar mai xã Thạnh An. Ini jeng ieu lac bruk khik siam brei ka urang jakar ngak bruk karja biên chế, caga patakik urang jakar labaih tabiak, gam daong ka urang jakar hu bruk ngak jeng ye buh prein yawa daong bhap bini rahra.”

Daok di Bình Hưng (huyện Bình Chánh cũ) mboh kan abih di nyu hu lac dom urang jakar oh kanap tui bruk di rahra manuac urang bhap bini jeng ye bruk ngak biak ralo. Tui meng 150.000–160.000 urang bhap bini mintapi barau hu 50 urang jakar karja, yaok sa urang njauk ndam gam ralo bruk.

Tui muk Tô Thị Kim Anh, Phók Chủ tịch UBND xã Bình Hưng, anak mata, pakat karja palei brei chul khang salih lektak angka số tui jalan “ấp số - chung cư số”, pabah mbang jang marang jak piah pakurang tukik bruk hit. Tapi min, tui atah dhua, Bình Hưng lakau khin hu pabuk ralo jang manuac urang jakar brei ka bruk ngak:

“Xã Bình Hưng khin caong hu karja nagar ieik glang brei ka xã Bình Hưng patok jeng phường, tui di nan hu kein lagaih jang brei ka bruk dak danak dak patapak pasiam danak dak quy hoạch di masa mai meng anak. Gam tui di nan, bruk pasalih ini jeng brei daong paralo prein khang buh ngak hạ tầng, daong chuk ngak siam dom danak dak dự án, patagok yaom siam brei ka bhap bini rahra …”

Tui TS. Võ Phan Lê Nguyễn, Chủ tịch UBND xã Nhà Bè (TP.HCM), hadei sa thun ngak tui karja palei dua pakat, karja palei mboh mbeik drei cambac laic dalam bruk hik harak gal jeng ye brei ka bruk daong ba rahra. Tapimin, ralo bruk trak damak daok kateik geik brei padang bruk, jeng ye manuac urang dang ngak bruk. Dalam nan praong abih di nyu urak ini hu prein yawa ba bruk jeg ye bruk ba ngak oh duo bruk njauk ngak. Biên chế brei ka urang jakar daok ngak tuk halei jeng bhian dui atah brei ka bruk lang yah harak gal panuac kadha. Tui urang pan akaok pakat palei, langiu di cap ngak tapak. Chủ tịch UBND xã Nhà Bè - Võ Phan Lê Nguyễn, brei tahu lac asar bruk kadha di nyu oh sa janih lac parabha pan bruk phân quyền, blaoh njauk lac brei pasamu gauk di gah pan bruk, manuac urang ngak bruk, ura pan bruk jeng ye dom baoh kadha ba ngak piah duh tui bruk padang banraya biak drah samar.

“Khol akau caong pakat Trung ương Nagar jeng ye pakat Banray HCM hu sarak lagaih piah pachreih prein di pakat palei, dalam nan dom urang ngak bruk di palei yau ye bí thư chi bộ palei, mbang ngak bruk Mặt trận. Gam tui di nan, lakau caong brei padang bruk brei adat brei pambuak bruk urang ngak, lagaih sanang jang, dalam nan brei pandar ka ganap kadung jien bayar piah ngak siam bruk brei jao.”

Biak di nyu di ralo bhum palei di khu Nam Maraong nagar di Ban raya HCM brei mboh lac dui pataom gheih ghang di jabat karja daong ngak siam jang min bruk daok ralo trak damak kateik gheih daok biak praong brei ka manuac urang ngak bruk karja jeng ye hạ tầng số. Kadha patah tatih dak tabiak ngak yau habar ka nyu lagaih lagua tui bruk ngak karja urak ini di ban raya piah karja pakat palei ngak bruk gheih siam karo kajap, siam makre atah dhua./.