Tui tapak jalan tame hamu, apuh di mikva palei Cam Cawait Lạc Trị, daok di xa Liên Hương, tinh Lam Dong (huyen Tuy Phong, tinh Binh Thuan klak), khol dahlak gaok dom urang ngak nong daok pajeng hareik mai ka lamo mbang; yaok pluh ha phun danui nyo, madar pala dalam sang hanyuel brei layar baoh bangi, nan lac bruk jak jeng blaoh mikva urang bangsa Cam salih tapa pala dalam klau thun mai ini.

Baoh sang ong Mai Xuân Hậu hu taneh hamu praong labaih 1,5 sao, dalam nan hu 1ha ngak padai, taneh daok veik ong Hậu ngak sang hanyol piah pala baoh madar.

Ong Hậu brei thau, hu karja daong phun jien, brei salih ilamo khoa hoc, ky thuat nan pala rabha bilan, yuak paik luac thun, laba tagok tal 50 trieu dong sa sao yaok thun, tagok rilo mbang dut tui ngak padai atau baoh karaoh njam patam. Rilo baoh sang rahra hu taneh praong raong palao menuk, ada tui bruk pambuak haong bein, danao var ro hu pasiam bruk ngak mbang duah jien rilo ngan haong mikva bangsa Cam labik ini.

"Labaih 3 thun bruk ngak mbang di mikva bangsa Cam hu salih biak rilo..."

Tui kadha lac karja saong rahra gam haong gauk ngak, labaih 90% jalan dalam labik daok rahra hu tuh betong ximang tapak duok, pagam gom ndien truac hadah saong pala bangu phun hijao, brei labik daok hadah krah bahrau min jeng jaik taphia haong langik tasik.

Di dom palei Cam di xa Liên Hương hu 20 but pajaih ta-eg pasang khik iek. Dom halau janeing, urang taha palei lac dom urang hu angan je, ba drei ngak dahlau, patagok adat cambat ilamo bhap bini urang bangsa Cam. Gam haong di nan lac urang ba drei ngak dahlau siam ka dom jalan ngak, sarak, hukum di Ndang saong karja, khik kajap bruk gul pataom taong abih bangsa dalam negar.

Po Gru Thường Xuân Hữu daok di palei Cawait, xa Liên Hương, tinh Lam Dong brei thau, langiu bruk sangka buh tame ha tang patagok bruk ngak mbang blei salih, Ndang saong Karja daok sangka padang thiết chế ilamo di palei Cam.

"Karja daong pakajap dom labik duh paling di urang Cam..."

Tui ong Đặng Thiện Viên, Phaok Akaok UB Bhap bini xa Liên Hương, tinh Lam Dong, bangsa Cam daok di xa Lien Huong pataom rilo di palei Cawait saong palei Karang urak ini hu labaih 1.900 baoh sang rahra, dalam nan hu labaih 1.830 baoh sang hu jien mek tame meng meda gap mbiah ba tagok; labaih 20% baoh sang bangsa hu ilamo cao dang, dai hoc ba tagok, hu bruk ngak meng dom sang jamraik, ngak mbang pablei salih atau ngak bruk dalam jabat Karja.

"Ndom cambaih laih abih lac patakik hu baoh sang kathaot, patagok baoh sang meda mbiah, baoh sang ginup meda… Bruk sangka ka y te, pato megru anak meta hu lac taong abih. Njauk ndom lac raidiuk taong abih di bangsa Cam di ini patagok hu mboh cambaih laih; mikva ngak siam dom jalan ngak, sarak di Ndang."

Kinh te baoh sang mikva bangsa Cam tani tanat, mbaok meta palei Cam xa Liên Hương, tinh Lam Dong dak harei dak hadah bahrau, meng nan, mikva bangsa Cam di ini sa hatai haong Ndang, gam haong karja palei padang palei pala patagok gheih ghang siam mekre, ginup meda./.