Ong Huỳnh Thanh Long, daok di palei Mỹ Thanh, lac sa dalam dom baoh sang hatai salih aval drah. Dahlau diah, baoh sang ong pala payeng lasun saong phun talei jru ikan min bruk ngak oh hu njauk hatai caong khin. Hadei rilo mbang ngak iek, ong salih tapa pala phun tamekai. Hadei rilo mbang ngak iek, ong mbaoh tangin salih tapa pala tamakai saong habei bhong hadei mbang pala lasun.

Daok mbang pala tamakai meng blaoh, di angaok 3 kong taneh, yaok kong ong mek tame hu labaih 5 tan baoh tamakai. Tui yaom pablei meng 5.500 dong/kg, oh kuhria ka jien buh tabiak, ong daok laba labaih 10 trieu dong yaok kong tok hadei dua bilan sangka. Tui ong Long, meng tuk hu halau ia hacih duh ka bruk pala, bruk salih tapa pala phun tamakai blaoh salih pala habei bhong hu ba mai bruk jak jeng siam mekre jang.

"Meyah drei pala takamai miat ye bilan hajan ini biak kan si pala. Kayua yau nan ye drei njauk salih pala habei bhong bilan hajan, hadei di nan drei ngak taneh pala takamai. Nyu yau nan. Habei bhong urak ini sa kilo jeng hu 7.000, 8.000, gaok mai 10.000 dong, jeng hu kein laba. 1 kong, rilo urang mek tame dua, klau tan dom ye jeng hu kein laba paje. Jien buh tabiak ngak nyu jeng njuel. Kayua yau nan urak ini rilo urang pala habei bhong, bilan ini lac habei bhong biak rilo.”

Mboh siam lagaih meng bruk ngak ini, rilo baoh sang rahra karei jeng ba hatai ngak tui. Baoh sang amuk Hồng Thị Út, daok di palei Mỹ Thanh, dahlau diah hu labaih 2 kong taneh pala lasun. Hadei tuk bac tangi ilamo meng dom baoh sang pala siam lagaih, amuk salih tapa pala tamakai saong habei bhong. Mbang pala tamakai bahrau blaoh ba mai jien mek tame jeng rilo. Hadei tuk paik baoh, amuk patui veik trun pajaih habei bhong di angaok sa taneh. Urak ini habei bhong patagok siam saong kuhria brei kein lagaih ka bruk buac habei dalam tukvak anak tal.

"Buac lasun blaoh meng pala tamakai, pala tamakai paik baoh blaoh urak ini drei meng pala habei. Urang jeng pala tamakai yau bhian, min dahlak ye oh ngak yau nan, oh pala takamai bo pala veik habei bhong. Pala sa janih, pala miat nyu oh siam, bo drei brei pala salih phun ini, phun diah.”

Oh lac sa janih salih phun pala, rahra urang daok di xã Vĩnh Hải dak harei dak pandar ilamo ky thuat tame bruk ngak mbang, rilo meng lac majam pruh ia tanjaoh piah patakik palai ia saong randap lagaih haong pandiak bhang dak harei dak catang. Gam haong mikva dalam luac jalan salih, karja palei jeng kham merat daong ilamo ky thuat, pambuak ngak bruk saong pamaong tal jalan pablei kaya.

Ong Châu Văn Thến, Phaok akaok Jabat Kinh te xa Vĩnh Hải brei thau, dalam xa urak ini hu labaih 3.500 ha taneh pala baoh karaoh njam patam. Dom thun jaik ini, rilo taneh pala oh siam lagaih hu salih tapa pala tamekai saong habei bhong. Bhum palei jeng daok patagok pato pasram ilamo ky thuat, daong rahra pandar ilamo kong nghe tui ia patakik palai, gam haong nan jak ba dakvah padang dom kapul pambuak bruk, HTX piah pambuak gauk ngak tabiak kaya saong pablei kaya ngak nong.

"Jalan ngak meng anak daok tal lac bruk nyaom biai haong Uy mban, ka sa lac piah urang ngak nong pambuak gilac haong gauk dalam luac jalan ngak tabiak, kayua yau nan ye brei mboh bruk padang kapul pambuak bruk daong ka mikva pambuak, pagam haong gauk dalam luac jalan ngak tabiak. Gam haong nan jeng brei kein lagaih daong rahra mbuan pablei kaya saong mbuan pato pasram ilamo khoa hoc ky thuat daong ka mikva ngak tabiak paglaong bruk ngak hu saong asar siam kaya nong.”

Meng dom taneh pala lasun dahlau diah, rahra Vĩnh Hải daok dak harei dak ngak jeng bruk ngak tabiak lagaih haong rilo janih phun lagaih haong bilan pala. Bruk srap gap salih bahrau jalan pala oh lac daong pandar siam lagaih taneh riya, parilo jien mek tame blaoh daok brei kein lagaih piah kaya nong bhum tapen tasik randap lagaih siam jang haong bruk langik salih akrei, pamaong tal patagok karo kajap dalam dom thun anak./.