Raja-ei hu tabiak Sarak 152/2026 brei thau cambaih laih dom paka saong jalan peih ngak Hukum nagar taong bhat brei ka dan su 2025. Sarak ini meda hu ba tame pandar meng harei 1-7-2026.

Tui khoan 1 Paka 4 Sarak 152, harak gar pambuak tal bruk peih ngak an dan su hu pambuak pagam, klah rabha haong harak gar pataom di taneh aia, harak gar pakat negar, harak gar chuyen nganh gah adat hukum saong harak karei karei.

Bruk pambuak pagam, klah rabha hu peih ngak tui njauk adat hukum di karja ka harak gar, peih ngak online saong grap tanat an ninh, khik siam khaw tin saong pacang khik taeng brei ka harak gar di yaok urang.

Paka 5 Sarak ini brei thau, dom jamriak peih ngak angaok online dalam bruk peih ngak an dan su, nan lac: harak gar taka peih ngak an dan su; Pabah jit vu kong pakat negar; Mejam khao tin langyah harak hanh chinh di Mentri Tu phap; app brei angan nagar (VNeID); pabah, blah thong tin taka di jabat khik iek peih ngak an dan su, jabat peih ngak an dan su; Harak taka saong dom jalan ngak karei tui adat hukum di Karja.

 Di paka 9 Sarak ini brei thau, urang peih ngak bruk caong khin peih ngak an brei ka gah taong bhat tui hukum nagar njauk nao tal jabat peih ngak an dan su tui sa dalam dom jalan hadei ini:

Payua kadha caong khin tui jalan online tapa Pabah Jit vu pabah bambang negar, Majam khao tin langyah harak gar hanh chinh di Mentri Tu phap, app VNeID atau angaok jalan ngak online karei tui adat hukum di karja;

Ba kadha caong khin tagok tapak atau khan brei thau tui meng panuac ndom. Meyah khan brei thau tui panuac ndom mayau ye jabat peih ngak gah taong bhat an dan su brei ka bhap bini njauk ngak harak ba-ar; Payua harak caong khin tapa jalan mbu chinh atau tui jalan ngak karei tui dat hukum di karja.

Caong khin peih ngak an njauk hu dom asal kadha, dalam nan hu: khaw tin di urang caong khin, urang hu peih ngak an, urang njauk peih ngak an, dalam nan hu: angan je; labik daok; harei, bilan, thun ndih tapui; taka brei thau angan je urang, taka brei thau jabat, kapul nyaom; ma so pablei salih, hop tac xa, taka phon (meyah hu); Harai, bilan, thun caong khin peih ngak an; angan je jabat peih ngak kandi taong bhat an dan su hu caong khin...

Meyah kadha caong khin peih ngak an tui jalan payua kadha caong khin onlin, njauk peih ngak tui adat hukum di jabat jabat urang pan akaok ka jalan ngak ini. Harei caong khin peih ngak an nan lac harei payua caong khin jak jeng angaok dom jalan ngak yau nan.

Meyah caong khin peih ngak an kandi taong bhat hukum tui jalan ba payua tapak, payua harak tapa jit vu payua harak gal... njauk hu akhar mboh tangin di urang caong khin; meyah lac kapul nyaom, jabat dang tabiak ngak daong ye njauk hu akhar mboh tangin di urang lambaok njauk tui adat hukum saong catua di kapul nyaom, jabat nan.

Harei jabat peih ngak an dan su taduan mek hu harak atau peih ngak harak ba-ar nan lac hareu payua harak tapak atau lac harei hu vak angaok catua di mbu chinh gah payua harak gal./.