Tarakon manuac urang hu mejam niem mac saong rak darah biak kanda gareik nhay cam haong bruk salih pandiak la-ar. Tuk aia khanh la-ar nao tapa tarakon, pandiak la-ar bier ngak ka dom jalan rak darah dui drah ngak niem mac tarakon njauk pachreih saong mbuan njauk rambuis.

Urang menyum aia khanh bhian gaok dom kadha yau ye: harao harit dalam tarakon; pandik tuk luan, thu tarakon, khan tarakon, mboh kan ciuk di labik tarakon. Abih di nyu, hadei di tuk nao tabiak pandiak mai, rup bhap pandiak blaoh khaol drei menyum aia la-ar chip capat ye meda ngak ka tarakon "srok pandiak - sốc nhiệt". Ini lac makna ngak ka rilo urang njauk pandik tarakon atau lahok sap tok hadei di sa tukvak masa katut panak.

 Anek anaih, urang taha saong dom urang hu pren yava oh kurang siam nan lac mbuan srok pandiak di abih.

Sa di dalam dom kadha mbuan si mboh di dalam rup pabhap tuk gaok la-ar nan lac dalam rup patabiak iar piah ngak pandao saong pacang khik niem mac kulik tarakon. Kayua yau nan ye, rilo urang hadei di tuk menyum aia khanh bhian mboh hu rilo aia mabar atau mboh tavak di tarakon. Bruk ini meda: ngak ka patuk dui atah, patabiak ia maban, gar idung, kan sib om di dalam tarakon, ghang sap di tuk page mesup... Ngan haong urang daok njauk ruak viem xoang atau viem idung di ung, aia khanh meda ngak brei hok aia idung blaoh hadei di nan nyu trak jang, ngak brei tuk halei jeng kak ndom atau dhung pal gam gam.

Gam menyum aia khanh yaok harrei gam haong bhian randap daok di jamariak ar, tarakon mbuan si pandiak jeng ye mbuan si rambuis.

Dalam nan njauk ndom mayai di nyu hu lac dom urang hu ruak dalam rup ye yau: Viem tarakon meng sit mai; Viem amidan; Viem xoang; Viem idung di ung; Hen suak yava.

Rilo urang nao pandiak mai, njauk hajan tau lahik pren yava khang blaoh menyum aia khanh la-ar ye meda mboh pandik tarakon, patuk, pandiak atau viem jalan suak yava tok hadei di dom tuk. Oh njauk lac tah klak taong abih aia khanh, min njauk pandar ka nyu mbuan laghaih piah plaih caga ngak kanjah jhak tal pren yava. 

Piah pacang khik siam ka tarakon mikva drei njauk caik hatai: Takik menyum aia biak la-ar, njauk caik hatai di nyu lac hadei di tuk nao tabiak pandiak atau bhrau lahik pren khang; oh menyum aia khanh gam gam dalam rilo tuk dui atah masa; njauk menyum yaok pabah salih ka menyum biak samar drah; khik am brei ka pandao pandiak tarakon tuk daok dalam duk hu mac la-ar; Menyum ginup aia yaok harei piah khik am niem mac tarakon; patagok njam hijao, baoh karaoh daong paglaong pren yava pacang caga ruak.

Tui brei ka anek anaih, dom urang ngak amaik ame njauk brei patrun jang ka uranaih pandar rilo aia khanh, kem atai kaya pandap la-ar dalam kayua lac jalan suak yava di uranaih daok nhay cam.

Tuk halei caong khin nao pasang iek ruak? Meyah mboh pandik tarakon dui atah, pandiak, patuk rilo, sap mboh ghang atau kan si luan hadei di tuk pandar aia khanh gam gam, urang ruak njauk nao tal labik y te piah hu pasang iek ruak.

Bruk ta-eng drei blei jru menyum dui atah meda ngak ka ruak mbuan trak jang, ba tal viem pandik tarakon dui duai atah jeng man tinh atau dom kadha ruak karei di jalan suak yava.

Dalam bilan pandiak, bruk padam pandiak nan ieu lac bruk njauk ngak min caong khin ngak ka nyu njauk jalan. Salih ka pandar aia khanh, njauk pandar aia mat laar gap takre saong patui khik bruk pandar njauk ilamu piah pacang caga pren yava brei ka tarakon jeng yau jalan suak yava dalam rup pabhap manuac urang./.