Sa urang ruak kamei umo 29 thun, abih prein, taglaoh tan aok, me-ik takik hadei tuk ngak bruk rilo harei di langiu langik pandiak khang hu tame daong taong ruak samar chip di Sang iek ruak Tâm Anh, Ha Noi saong hu dom bac si pasang iek mboh suy thận cấp. Pasang iek ruak meng dahlau, urang ruak brei thau tuk ngak bruk, sa-ai tok menyum labaih 700-800 ml ia sa harei, rilo meng lac kophi atau ia yamein piah plaik patok vah. Jaik ini, sa-ai thu pabah, glaih glar, having akaok tuk salih mbeik rup, mbang huak takik, ia me-ik takik saong kanyik rilo.

Tuk urang ruak tame sang iek ruak, bac si brei thau lac nyu lahik ia, darah trun biar, niem mac thu saong ia me-ik tok mbiah labaih 400 ml yaok dalam 24 tuk, biar jang rilo dut saong tanut bhian 1.000 ml-2.000 ml yaok harei.

Tui bac si Tô Thị Ánh Huyền, Pasak Thận tiết niệu saong halang darah, Sang iek ruak Bạch Mai, rup pabhap anek menuac tuk halei jeng hu bruk ciuk abih di nyu. Meyah oh maong tal, thei thei jeng meda njauk ruak suy thận cấp dalam bilan pandiak bhang. Makna lac kayua ngak bruk atai nao mai rilo tuk di ala langik pandiak, rup pabhap patabiak rilo ia hauk piah patrun pandiak. Meyah oh hu pabak ia dil samu, rup pabhap laik tame bruk lahik ia trak, ngak ka darah raong baoh than kurang.

Langiu di nan, ngak bruk trak jang prein dalam langik pandiak daok meda ngak kanjah tal cơ vận rup pabhap. Tuk cơ gaok kan kandah, dom janih jhak meng cơ peih paha nao tame darah, ngak gar tavak nding baoh than saong samar drah bat al ruak tamuh trak brei ka baoh thận.

Tuk ngak bruk atau nao di langiu langik pandiak, meyah mboh dom bruk yau ini ye brei nao tal sang iek ruak chip kayua meda prein yava daok lahik ia trak atau bruk di baoh than nyu kurang:

Ia me-ik patrun mboh cambaih laih atau rilo tuk oh nao me-ik; Ia me-ik kanyik rilo atau bhong meraik yau ia taiy phik; Pandik ralo cơ rilo, arak dui, ndaoh tangin takai gam gam; Glaih glar, having akaok, taglaoh aok, oh thau ka drei jan atau oh pataom hu tame sa bruk.

Piah caga mbuan njauk brei ka ruak suy thận cấp dalam bilan pandiak bhang, mikva brei caik hatai:

Tuk nao tabiak langiu pandiak, brei ruah janih khan ao ngak meng khan bai njuel, hadah sambo ban saong oh papaok rup. Gam haong nan hadar cuak mot praong gavang, cuk calmin halui saong luk jru pacang pandiak hu tanut SPF meng 15 ba tagok dahlau tuk tabiak truh di sang labaih 30 minit.

Urang ngak bruk di langiu langik brei pabak ia ndien giai atau ia khoáng piah pabak sara khoang lahik tapa ia hauk. Dalam langik pandiak bhang, rup pabhap brei hu pabak ia gam gam, yaom lac tanut pahat rup di drei yau halei. Oh cang tal tuk rup pabhap mboh mahu ia ka meng menyum ia. Meyah lac ngak bruk tangin takai dalam langik pandiak bhang ye brei menyum 4 glah ia la-an yaok sa tuk sa mon di nyu.

Oh brei menyum dom janih ia hu alcon atau hu biak rilo saradang, kayua nyu ngak rup pabhap lahik ia jang.

Pabak sara saong ia khoang. Ia hauk tabiak tui sara saong dom janih khoang dalam rup pabhap. Ini jeng lac dom janih biak njauk hu saong brei hu pabak tuk nan. Meda menyum dom janih ia menyum brei ka bruk pasram padhih piah pabak sara saong janih khoang ka rup pabhap.

Patakik ngak bruk, pahat rup atau pasram padhih langiu langik dalam tuk pandiak catang jam meng tuk 10 page tal tuk 16 biar harei.

Brei tame bruk haong suai pamadeit madeit blaoh tagok drah samar rah rah tagok. Meyah kham merat prein di ala langik pandiak bhang brei patagok naong traki ka baoh hatai. Tuk hu mboh thuak yava samar, glaih glar ye brei padeih abih bruk pahat glaih rup. Tame labik halui brei patrun padam pandiak dalam rup saong menyum ia dil samu./.