1. Vaccine pandiak tabiak darah njauk klauk jru dom mbang?

Di Viet Nam, vaccine caga ruak pandiak tabiak darah hu Mentri Y te brei pandar vaccine Qdenga (nagar Đức), brei ka uranaih umo meng 4 thun ba tagok saong urang praong. Klauk jru hu 2 mbang, masa atah di klau bilan. Mbang 1: Klauk mbang akaok meti di tuk umo 4 thun ba tagok. Mbang 2: Klauk jru hadei mbang 1 njauk 3 bilan.

Vaccine Qdenga caga sa mbang 4 tuyp virus pandiak tabiak darah, hu siam lagaih tagok tal 80%, patrun bruk mbuan nao tame sang iek ruak tal labaih 90% tuk klauk ginup jru saong njauk tukwak masa brei dak di nyu. Siam lagaih di vaccine dui atah saong oh brei klauk jru pahadar.

Langiu di nan, dalam dunya daok janih vaccine Dengvaxia, klauk 3 mbang (0, 6, 12 bilan) brei ka urang meng umo 9 9 – 45 atau 60 thun patui yaok negar. Min tapi  vaccine ini brei pasang iek halang dahlau klauk jru saong urak ini oh hu pandar rilo di Viet Nam.

2. Urang njauk ruak pandiak tabiak darah hu brei klauk vaccine lei?

Urang hu njauk ruak pandiak tabiak darah jeng brei klauk vaccine Qdenga haong saka 2 mbang atah di nyu 3 bilan, daong: Paglaong bruk pacang ruak khang karei; Caga rah tabiak njom ruak haong dom tuyp virus karei; Patakik bruk mbuan njauk ruak trak saong tamuh jeng ruak karei kan kandah tuk njom ruak gilac veik.

3. Klauk 1 mbang vaccine hu ginup lei?

Klauk 1 mbang vaccine bhian oh brei ginup kháng thể pacang khik ruak, pacang jit oh karo saong patrun jang tui tukvak atah dhua. Kayua yau nan, piah caga ruak siam lagaih, brei klauk ginup 2 mbang njauk harei tui saka.

4. Klauk mbang 2 suai atau aval jang tui saka harei njauk hagait lei?

- Klau mbang 2 aval atau suai dut saong pachreih kakei meda ngak patrun siam lagaih pacang khik saong tanut pacang ruak.

- Oh klauk jru mbang 2 biak aval drah kayua rup pabhap brei hu tukvak piah peih prein pacang ruak hadei mbang 1.

- Klauk mbang ka 2 suai 2 harei oh ngak kan kandah rilo, min meyah suai rilo ngak patrun prein pacang ruak dil samu.

- Meyah suai, brei klauk jru samar drah njauk hu urang ngak bruk y te piah hu tacei ba.

5. Urang brei klauk vaccine pandiak tabiak darah

- Uranaih meng 4 thun ba tagok, dam dara, urang praong saong urang praong thun.

- Urang oh ka mada ruak pandiak tabiak darah saong urang hu njauk ruak.

- Urang nao jirah rivang bhian atau diuk di bhum mbuan rah tabiak ruak pandiak tabiak darah.

- Urang negar langiu daok pandaok suai atah di Viet Nam.

Njauk Caik hatai kanal hadar: Oh brei pasang iek halang tuk klauk vaccine Qdenga. Min, CDC Hoa Ky kakei yaok urang hu njauk ruak pandiak tabiak darah brei padeih klauk jru takik abih di nyu 6 bilan hadei di tuk abih ruak.