Ia oh kurang hu dalam rup pabhap. Oh tok lac daong pajeng ba janih siam yau vitamin, khoang chat, glucose tal te bao, ia daok daong ka gan saong than tathuak janih jhak tapa jalan ia me-ik saong khak. Ia daok hu bruk ngak la-I la-an rup pabhap tapa bruk patabiak ia hauk saong par arthak di kalik mbaok.

Tuk rup pabhap lahik rilo ia saong ndien yai oh pabak dil samu, rilo bruk brei mboh oh yau bhian yau ye: Having akaok, having meta; Pandik akaok, glaih glar; Baoh hatai ndaoh samar; Kan thuak yava, taglaoh aok; Kalik thu, pandiak rup; Pablaih baoh patih; caoci, kan pataom tame ka sa bruk; Pandiak rup.

Hatai caong menyum ia patui tame thun umo, kilo, bruk pahat padhih saong kein lagaih di langik. Bhian di nyu, urang praong brei ka hu labaih 2 – 2,5 lit ia yaok harei, samu 8 – 10 li ia. Min, langik pandiak bhang atau ngak bruk trak, ia njauk hu pabak meda brei tagok 3 – 3,5 lit yaok harei.

Sa jalan biak mbuan mbiah piah thau ka rup pabhap kurang ia lac maong iek sambo di ia me-ik. Meyah ia me-ik kanyik rilo, takik atau mbau saong trak, nan lac bruk brei mboh ka rup pabhap daok kurang.

Piah pacang khik prein yava dalam dom harei pandiak tagok glaong, mikva brei: Menyum ia bhian luac dalam harei; Oh luai ka rup pabhap mahu ia ka meng manyum; Patakik tabiak langiu di tuk pandiak bhang; Pabak ndien yai tuk tabiak rilo ia hauk; Mbang rilo njam hijao, baoh kayau hu rilo ia; Patakik menyum alak mbie, kophi saong ia yamein hu gas; Ndik daok ginup; Tui iel dom bruk mboh oh yau bhian di rup pabhap.

Dalam nan njauk ndom mayai lac, meyah rah tabiak dom bruk yau ye urang phle, pandik akaok rilo, kan si thuak yava, baoh hatai ndaoh samar, ndaoh atau langek, brei samar drah ba urang ruak nao tal labik y te piah dil samu taong ruak.

Dom janih ia daong pabak ia saong ndien yai siam lagaih dalam bilan pandiak, gam lagaih gam mbuan pandar:

Ia halang: Ini lac halau pabak ia mbuan mbiah saong njauk hu abih ka rup pabhap. Min, ia halang oh pabak ndien yai nan ngan haong urang tabiak rilo ia hauk, brei pagam haong dom janih ia karei.

Ia kruac aik sara: Ia kruac aik sara gam daong pa-abih mahu ia gam pabak natri saong vitamin C ka rup pabhap. Ini lac bruk palih ruah njauk lagaih dalam harei pandiak bhang, min urang tagok darah atau ruak baoh ritak than brei patakik sara mbak.

Oresol: Janih ia oresol hu pabak ia saong ndien yai siam lagaih dalam dom bruk lahik ia kayua aih caraoh, pandiak rup glaong atau tabiak rilo ia hauk. Mikva meda blei janih oresol hlai dahlau jang ka urang pandar.

Ia li-u: Ia li-u hu rilo kali saong khoang chat, daong pabak ndien yai biak siam dalam langik daok biak pandiak. Mikva brei kanal oh menyum biak rilo, abih di nyu nan lac tuk tian lipa kayua meda ngak trun darah.

Mikva brei kanal hadar yaok harei, oh luai ka mahu ia ka meng manyum. Kayua mahu ia lac tukvak puac abih ka bruk lahik ia. Kayua nan, brei khik tani tanat bruk menyum ia bhian meng di bruk oh ka mboh mahu ia, abih di nyu nan lac urang taha saong adei sit.

Bruk menyum ia njauk lagaih, daong pabak ndien yai njauk lagaih saong khik tani tanat bruk aok dang hu ilamo njauk lac “hala pacang” daong rup pabhap lagaih haong langik oh lagaih di bilan pandiak./.